निबंध

माझा हा मराठी ब्लॉग आणि त्यावरील लिखाण बघुन माझ्या एका परीचीतांनी मला एक नविन कामगीरी सोपावली आहे, निबंध लिहीण्याची. त्याचा मुलगा दहावीच्या परीक्षेला बसत आहे आणि त्यासाठी त्याला मराठी निबंध हवे आहेत. त्यांनी मला परीक्षेत येऊ शकतील असे अपेक्षीत १५-२० निबंध लिहायला दिले आहेत. यापुर्वीही शाळेत सांगीतले म्हणुन काही निबंध मी लिहुन दिलेले आहेत.

मग विचार केला की हे निबंध जर ब्लॉग वर उपलब्ध करुन दिले तर कदाचीत इतर मुलांनाही थोड्याफार प्रमाणात मदत मिळु शकेल म्हणुन हा प्रपंच.

निबंधामध्ये काही संदर्भ हे महाजालावर उपलब्ध असणाऱ्या माहीतीच्या आधारे घेतलेले आहेत त्याचे राईट्स ज्या त्या लेखकाला साभार.

पुढील विषयांवर टिचकी मारुन तुम्ही ते निबंध वाचु शकता किंवा संगणकावर उतरवुन घेऊ शकता. निबंधाची लांबी जास्तीत जास्ती हस्ताक्षरात एक फुल-स्केप इतकी हवी असल्याने थोडक्यात लिहीले आहेत. त्यामुळे सर्व विषय निबंधाच्याच रुपात असतीलच असे नाही. काही ठिकाणी प्रमुख मुद्दे थोडेसे विस्तार करुन लिहीलेले आहेत. आवश्यकता भासल्यास आपण ते मुद्दे वाढवुन निबंधाची लांबी वाढवु शकता.

पुढील काही काळात अजुनही अनेक निबंध इथे जोडण्यात येतील, तेंव्हा या पानाला पुन्हा पुन्हा भेट देत रहा.

हे निबंध आपल्याला कोणत्याही प्रकारे उपयोगी पडल्यास प्रतिक्रिया जरुर कळवा.

त्यापुर्वी, “विक्रांत देशमुख” याच्या सौजन्याने काही पाट्या –

१) ’अनिकेत समुद्र’ यांचे ’निबंधालय’ – वेळ सकाळी ८ ते १०. रात्री ९ ते ११. (टीप – उरलेल्या वेळेत फोनवर negotiate करण्याचा आगाऊपणा करू नये)
२) येथे सर्व प्रकारचे निबंध (रास्त भावात) लिहून मिळतील (/In bigger Fonts/)असे समजू नये.
३) निबंधाचा दर त्याचा विषय, आशय आणि त्यातील काव्यात्मकता यावर अवलंबून राहिल.
४)निबंध नेण्यापुर्वी तपासून पहावा. एकदा नेलेला निबंध परत edit करून मिळणार नाही.
५)शुद्धलेखनाच्या अचुकतेचे वेगळे पैसे पडतील
६) एकच निबंध वेगवेगळ्या शाळेत जाऊ शकतो. ग्राहकांचे Uniquenessचे हट्ट पुरवले जाणार नाहीत.
७) निबंधातील काव्यपंक्तीच्या निवडीचे आणि वापराचे सर्वाधिकार लेखकाकडे. बापट, गदीमा, कुसुमाग्रज, ज्ञानेश्वर, तुकाराम, बोरकर अश्या मान्यवर कवींच्या अवतरणांना extra charge पडेल.
८) आमच्या येथे One by Two निबंधांची सोय नाही याची नोंद घ्यावी.
९) ग्राहकांनी विकत घेतलेले निबंध आपापल्या जबाबदारीवर शाळेत सादर करावेत. शिक्षकांच्या शंकांना आणि आक्षेपांना उत्तरे दिली जाणार नाहीत.
१०) Schemes Available – Family, Elite, Standard, Scholar, Literary, Multi-School, Multi-Standard, Rebell,