डोक्यात भुणभुणभुणारा मराठी भुंगा

डोक्यात भुणभुणभुणाऱ्या मराठी भुंग्याचे म्हणणे, असंख्य किस्से आणि मराठी कथा…

रामसे बंधु आणि भयपट

4 Comments


बघा ना कस्स्म असतं. आठवडाभर ८ वाजले तरी डोळे उघडत नाहीत आणि मगं सुरू होते धावपळ कामावर वेळेत पोहोचण्याची. आज शनिवार सुट्टीचा दिवस म्हणलं मस्त झोपु उशीरापर्यंत तर कसलं काय, ७ लाच डोळे उघडले आणि परत झोपायचा कित्तीतरी प्रयत्न केला तरी झोप येइना. मग शेवटी उठलो आणि टि.व्ही. लावला. बघतो तर काय न्युझीलंडचे ७ गडी बाद झाले होते. म्हणजे पहीली टेस्ट मॅच आपल्या खिशातच होती. मग बसलो बघत. शेवटच्या गड्यांनी फारच झुंजवले पण होता आउट होत नव्हते. म्हणुन शेवटी चॅनल बदलला. होते ते चांगल्यासाठीच म्हणतात ना, तस्सेच झाले, दुसरीकडे ‘पुरानी हवेली’ नावाचा भयपट(?) लागला होता. मग तोच बघत बसलो.

खरं तर त्यात भय वाटण्यासारखं काहीच नव्हतं. उलट, तो चित्रपट बघून हसायलाच येत होतं. एकूणच रामसे बंधूचे सगळेच चित्रपट एक सारखे असतात.  साधारणपणे पुढील गोष्टी एखाद्या भयपटात आढळल्यास डोळे झाकून तो रामसे बंधूंचा चित्रपट आहे हे ओळखावे.

१.  बहुतेक करून, या सिनेमाचा हिरो, हा हेमंत बिरजे (टारझन फेम) हाच असतो. तो सिनेमात कधीच कुठेच हसत नाही.
२.  चित्रपटात नेहमी कुत्री “भू…sss ऊ sss ऊ..sss” करून रडत असतात.. मात्र सिनेमात कुत्रं कधीच दिसत नाही.  अधून मधून एक हिरव्या डोळ्याची काळी मांजर मात्र दिसते.
३. चित्रपटात नेहमी एक ‘हार्ट शेप’, बाथ टब असतोच
४. भुताची एंट्री ही नेहमीच सस्पेन्स असते. म्हणजे, पहिल्यांदा जेंव्हा भूत येते तेंव्हा ते आपल्याला कधीच दिसत नाही.. नुसता कॅमेरा पुढे-पुढे जात असतो.
५. त्या नंतर दिसणारे भूत हे बहुदा अस्वलासारखे असते
६. एखाद्याला मारायला येणारे भूत हे अतिशय संथ पणे हळू-हळू चालत येत असते. मात्र भुतापासून “आ sss.. ऊ sss  बचाओ”.. असे करत पळणारी नटी.. संपूर्ण वाड्याला फेऱ्या मारून येते आणि ते भूत तिथेच उभे असते, म्हणजे तिच्या समोर असते.. मग ति नटी एवढी बोंबलत फिरून परत तिथेच येते.. का ते भूत मधूनच एक्टिव्ह होते कुणास ठाऊक.
७. झि हॉरर शो ज्यांनी पाहिलाय त्यातील संगीत या चित्रपटात नेहमी येते.
८. स्त्री भूतांचे डोळे हिरवे/पांढरे/घाबरवणारे असले तरी ती बहुधा यश चोप्रा पटातल्या नायिकेसारखे किंवा रिन/सर्फ/ससा/एरिअल च्या जाहीरातीतल्यासारखे पांढरेशुभ्र पारदर्शक आणि एस.इ.एक्स.वाय. दिसणारी असतात.
९. कथानकात ओढूनताणून किरीस्ताव पात्रे/खून करणारी पात्रे दाखवलेली असतात, कारण भूताने कब्रस्तानातून/गाडलेल्या जागेतून उठणे हा कथानकाचा प्राणवायू असतो. (हिंदू दहन केलेले भूत परत आलेले दाखवल्यास तितकेसे ‘ग्लॅमर’ येत नसावे.)
१०. कथानकात एक मांत्रिक अत्यावश्यक असतो आणि शेवटी तो भूताचा नायनाट करुन स्वतःही मरतो.
११. कथानकात बर्याचदा एक मोठा सहलीला निघालेला घोळका गाडी बंद पडल्याने त्या झपाटलेल्या बंगल्यात गेलेला दाखवलेला असतो.
१२. भूताने घाबरलेल्या नायिकेला शांत करण्याच्या निमीत्ताने काही गरम प्रसंग रंगवलेले असतात.
१३. भूत नायिकेला घाबरवायला येणार असेल तर शक्यतो अपॉइंटमेंट घेऊन ती रात्री आंघोळीचे कपडे घालून (म्हणजे काढून) जात असतान किंवा टबमधे डुंबत असतानाच येते.
१४. भूताला मेल्यावर कुठेही उडत जायचे लायसेन्स असले तरी ते ईमानदारीत तरण्याबांड नायकाला(म्हणजे हेमंत बिर्जे किंवा विजय अरोराला) रात्री पांढर्या कपड्यात उभे राहून लिफ्ट मागते व त्याला कब्रस्तानापर्यंत वाट वाकडी करायला लावते. 
१५. रात्रीच्यावेळी जंगलातला धूर. ( प्रत्येक चित्रपटात, जंगल आणि अगदी झाडेही तिच असतात.)
१६. हवेली मधला म्हातारा, क्वचितच बोलणारा, लालटेन घेऊन फिरणारा नोकर.
१७. हिरोचा एखादा विनोदी (?) मित्र आणि त्याची गावातली प्रेयसी.
१८. अस्वलासारख्या भूताला घाबरविण्यासाठी, क्रॉस किंवा ॐ असतोच. आणि ते दाखविले की भूत सैरभैर होतं !
१९.  प्रत्येक भुताला स्वतःची अशी एक “हिस्ट्री” असते.
२०. भुताच्या तोंडून येणारा हुम्म्म्म हुम्म्म्म्म SSSSS असा आवाज, आणि दोनही हात मिठी मारायला उत्सुक असल्यासारखे असतात ! बाकी रामसेची भूतं हळूहळू का चालतात हा प्रश्न मला फार आधी पासून पडला आहे !

असे अनेक मुद्दे मांडता येतील.. तुम्हाला माहीत आहेत अजून काही?

Advertisements

4 thoughts on “रामसे बंधु आणि भयपट

  1. सहीच !!!!!

  2. हा हा !! हा ! हा!!!!

    १९३० मुव्ही मध्हेही असेच आहे!!

    बहुतेक हॉरर मुव्ही अशाच असतात……

  3. Too good………

    You have observed such movie with lots of concentration, and mentioned the minutest observation.

    While reading it; the pictures came in front of my eyes and thought as though I am watching the movie.

  4. अरे मला पण एक असाच प्रश्न पडला आहे,
    या सगळ्या भय चित्रपटांमधील भुतें अशी सारखी हसत का असतात? एखादी सटवाई पण मुलाला असे हसवत नसेल!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s