डोक्यात भुणभुणभुणारा मराठी भुंगा

डोक्यात भुणभुणभुणाऱ्या मराठी भुंग्याचे म्हणणे, असंख्य किस्से आणि मराठी कथा…

मेडीटेशन.. नक्को रे बाबा

2 Comments


उन्हाळा असह्य होत चालला आहे. रोज ७ कि.मी सायकलने ऑफिसला यायचे आता खरंच जिवावर यायला लागले आहे. थंडीत मज्जा आली पण आता नको वाटतेय. ऑफिसमध्ये पोहोचेपर्यंत घामाच्या धारा लागलेल्या असतात. कधी एकदा आत जाउन ए/सी चा थंड वारा अंगावर घेतो असे झालेले असते.

तर परवा दारावरचा बघणारा माणुस (वॉचमन) म्हणाला साहेब आल्या आल्या असे ए/सी मध्ये बसु नका, जरा वेळ बाहेरची हवा खा, शरीराचे तापमान ‘सेट’ होऊ द्या वगैरे वगैरे!! नाहीच, तर निदान लगेच कामाला नं लागता थोडा योगा किंवा मेडीटेशन तरी करा.

शेवटी म्हणलं चला बघुया तरी ‘मेडीटेशन’ काय प्रकार आहे ते. सकाळी विशेष काम पण नव्हते मग महाजालावर धुंडाळुन ‘मेडीटेशन’ संबंधीत काही संगीत फाईल्स (mp3) उतरवुन घेतल्या. ईयरफोन लावले आणी ए/सी चे गार वारे अंगावर घेत ऐकत बसलो.

पहिल्यांदा पक्षांचा किलबीलाट वगैरे झाला, मग संथ आवाजातील बासरी, सितार वगैरे वाजली. नंतर संथ धबदबा किंवा नदीचा आवाज. जोडीला कोमल आवाजात एका युवतीने सुचना द्यायला सुरुवात केली.

डोळे बंद करा, दिर्घ श्वास घ्या, सोडाss.. घ्या.. घ्या.. घ्या…. घ्या.. (डोळ्यासमोर पोट फुगवलेल्या बेडकीचे चित्र आले होते…). सोडा… (हुश्शsssss). असे २-३ दा झाले.
मग म्हणे दोन डोळयांच्या बरोब्बर मध्ये एक बिंदु दिसतोय का.. (दिसला.. चॉकलेटी रंगाचा..) त्यावर लक्ष केंद्रित करा. निट लक्ष द्या.. तो बिंदु तिव्र होत जाईल. (नाही झालं). शांत व्हा.. (झालो..) खांदे सैल सोडा. पाण्यावर तरंगण्याचा भास निर्माण करा. पाण्याचा प्रवाह जिकेडे घेउन जाईल तिकडे वहावत जा.. (पुढे धबधबा नाहीये ना नक्की??)

पहिल्यांदा मजा वाटली आणि पण नंतर हळु हळु त्यात गुंगत गेलो, परिस्थितीचे भान राहीले नाही, मग एकदम ऑफीसमध्ये आहे याची जाणिव झाली आणि ते संगीत बंद करुन टाकले. पण काय सांगु मन फारच शांत झालेय हो..! काही करावेसेच वाटत नाहीये, प्रचंड झोप आली आहे आणि थोड्याच वेळात क्लायंट बरोबर ‘कॉल’ आहे. कसं होणार हो माझं??

कॉफी पिउन यावे म्हणुन उठीन म्हणतोय पण कसले काय.. मन अजुनही पाण्याच्या त्या प्रवाहात वाहतच चाललेय.. कुठुन दुर्बुद्धी झाली आणि सकाळी सकाळी असले प्रकार केले.

मेडीटेशन.. नक्को रे बाबा, निदान कामावर असताना तरी नक्कोच..!!!

Advertisements

2 thoughts on “मेडीटेशन.. नक्को रे बाबा

  1. Very gud !!! mag aata cycle band ka??

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s