डोक्यात भुणभुणभुणारा मराठी भुंगा

डोक्यात भुणभुणभुणाऱ्या मराठी भुंग्याचे म्हणणे, असंख्य किस्से आणि मराठी कथा…

रॉबरी- [भाग १]

11 Comments


लोणावळ्याजवळील एका अंधाऱ्या, कुंद वातावरण असलेल्या बार मध्ये रफीक, बंटी, क्रिश अर्थात किशन आणि पंकी अर्थात पंकज पत्ते खेळत बसले होते. १०.३०-११ वाजता बार रिकामा होऊ लागला तसे त्यांनी पत्ते खेळणे थांबवले.

किशन..सर्वांमध्ये दिसायला देखणा, तरणा-बांड.. बॉलीवुडपटात सटर-फटर कामं, स्टंट्समन. ह्रितीक चा क्रिश पाहुन.. त्याचेही नाव क्रिश पडले होते. रफिक २२-२३ वर्षाचा तरणाबांड पोरगा.. पण सदैव नकारात्मक विचार करणारा.. पंकी.. ग्रुपचा न ठरवताही लिडर.. बाकीचे तिघे नेहमी त्याचेच ऐकायचा.. त्याचा सल्ला.. त्याचे बोलणे.. त्याच्या इच्छा नेहमी ‘सराओखोंपर” तर बंटी सर्वसामान्य.. गर्दीत कुठेही खपुन जाईल असा.

“पंकी, बोल यार काय प्लॅन आहे.. साल्या तु दारु पण पेऊन देत नाय..!”, बंटी वैतागला होता.

पंकी ने एक दीर्घ श्वास घेतला. एकवार त्याने सगळ्यांकडे नजर फिरवली. आजुबाजुची टेबलं मोकळी झाली होती. त्याने खिश्यातुन ५५५ चे एक पाकीट काढले, त्यातील सिगारेट पेटवली, एक दीर्घ कश घेतला आणि म्हणाला..

“प्लॅन!!,, म्हणलं तर मोठ्ठा प्लॅन.. म्हणलं तर आयुष्याचा एक जुगार.. काही दिवसांत आपल्याला करोडपती करुन टाकेल..”

“करोडपती?.. काय बोलतो राव.. निट सांग ना..” क्रिश म्हणाला..

“सांगतो.. ब्ल्यु नाईल क्लब..लोणावळ्याच्या उत्तरेला असलेला हा श्रीमंतांचा क्लब. दररोज लाखोंची उलाढाल होते इथे. इथे जमा होणारा पैसा.. ए़क्स्प्रेस-वे मार्गे मुंबईमधील नरीमन पॉईंटच्या एका बॅकेत जमा केला जातो.. दर शुक्रवारी..”

“हो.. ते माहीती आहे.. पण तो पैसा चोरायचा म्हणत असशील तर..विसरुन जा. एकतर तो पैसा जास्तीत जास्ती आपल्याला लखपती करु शकेल एवढाच असतो. आणि दुसरे म्हणजे तो चोरणे केवळ अशक्य आहे. रेड-आय सेक्युरीटीज ची एक व्हॅन तो पैसा इथुन बॅकेत नेण्याची सोय करते. त्याच्या व्हॅनला जि.पी.एस सुविधा आहे. व्हॅन बॅकेत पोहोचेपर्यंत त्याच्या मार्गावर कंपनीचे अधीकारी लक्ष ठेवुन असतात. त्यामुळे ती व्हॅन कुठेही निर्धारीत वेळे पेक्षा जास्ती वेळ थांबलेली दिसली की लगेच संशय येईल. प्रत्येक टोल-पोस्ट वर त्या व्हॅनची नोंद ठेवली जाते. ठरावीक वेळेत व्हॅन नेक्ट पोस्ट्ला नाही पोहोचली तर आधीच्या आणि पुढच्या पोस्ट वरुन तैनात पोलीस पहाणी करायला त्या मार्गावर येतात. असे असताना…” रफिकने आपली शंका उपस्थीत केली.

“.. मला बोलुन देशील?”, पंकीने त्याचे बोलणे मध्येच तोडले..”..या सर्व गोष्टींचा मी विचार केला नाही असे वाटते का तुला? हा १००% फुल-प्रुफ प्लॅन आहे असे मी म्हणणार नाही. पण आपण सावधगीरी बाळगली आणि ठरल्याप्रमाणे गोष्टी घडुन आल्या तर आपला प्लॅन नक्की यशस्वी होईल..”

“.. म्हणजे.. प्लॅन यशस्वी होईल याची तुला खात्री नाही? धोका किती आहे त्यामध्ये?”.. एका हाताने कपाळावरचा घाम पुसत, तर दुसऱ्या हाताची नखं खात रफीकने विचारले.

“हे बघा.. धोका तर असणारच.. मला आधी बोलु द्या.. मग तुमचे प्रश्न..” पंकी पुढे बोलु लागला..” तर रफिक म्हणतो तसे दर शुक्रवारी पैश्याची वाहतुक होते.. ती फार-तर फार लाखाच्या घरात असते. प्ण १ मार्चला होणारी वाहतुक की करोडोची असेल..२९ फेब्रुवारीला एक मोठ्ठा इव्हेंट तिथे आयोजीत केलेला आहे. मार्च मध्ये होणाऱ्या घोड्याच्या डर्बीसाठी जमा झालेले अनेक धनाढ्य त्या रात्री एकत्र येणार आहे. डर्बीचे उत्घाटन हा तर एक औपचारीकतेचा भाग आहे.. त्या रात्री कॅसीओ, जुगारा मध्ये देशभरातुन आलेले हे धनाढ्य लोकं आपली श्रीमंती दाखवायला पाण्यासारखा पैसा उधळणार यात शंका नाही. खात्रीलायक मिळालेल्या माहीतीनुसार त्यादिवशी जमा होणारा पैसा हा नक्की कोटीच्या घरात असेल.. कमीत-कमी ५ कोटी तरी. तसे झाले तर आपल्याला प्रत्येकी एक-एक कोटी सहज मिळतील..”

“एक मिनीट.. आपण चार जण आहोत.. मग एक कोटी नाही.. तर त्यापेक्षाही जास्ती मिळतील..” क्रिशने आपले ७वि पर्यंतचे शिक्षण दाखवुन दिले..

“नाही.. आपण चार नाही, पाच आहोत. पाचव्या व्यक्तीची मी तुम्हाला लवकरच ओळख करुन देईल..” पंकी म्हणाला..”या प्लॅन वर मी आणि ह्या पाचव्या व्यक्तीने आधीच कामाला सुरुवात केलेली आहे. आपले प्रत्येकाचे काम जितके जोखमीचे आणि महत्वाचे आहे.. तितकेच त्या व्यक्तीचे..”

पंकी बोलत असतानाच क्लबचा दरवाजा उघडुन एक तरूणी आत मध्ये आली. तिला येताना पाहुन सर्वाच्या नजरा खिळुन राहील्या.. भरीव बांधा, गोरा रंग, पाठीपर्यंत रुळणारे केस, चेहऱ्यावर मग्रुरीचे भाव. कुठल्याही फॅशन-शो मध्ये एक मॉडेल म्हणुन खपुन जाईल अशी.. क्रिशला तिचे डोळे..डोळ्यातले ते करडे भाव आज्जीबात आवडले नाहीत..’बिच!.’ तो स्वतःशीच पुटपुटला..

कमरेला नाजुक झटके देत ती.. चौघांच्या टेबलापाशी येऊन बसली..
“वन ब्लॅक लेबल.. ऑन द रॉक्स..”, तिने वेटरला ऑर्डर दिली..

तिघांनीही..पंकी कडे बघीतले.. आजवर ऑर्डर देण्याचे काम केवळ पंकी करायचा.. पण आत्ता त्याचा चेहरा निर्वीकार होता.

पंकीने तीची ओळख करुन दिली.. “हि डॉली..आपल्या प्लॅंन मधील ५वा सदस्य.. प्लॅन साठी लागणारी अधीक माहीती आत्ता पर्यंत तिनेच आपल्याला मिळवुन दिली आहे. ज्या बॅकेत ही कॅश जमा होते,.. होणार आहे त्या बॅकेच्या आधीकारी.. मिसेस बेंजो.. ५०शीला आलेल्या महीला.. आयुष्यात भरपुर पैसा आणि तितकाच एकटेपणा त्यांच्या नशीबी आला. एक महीन्यांपुर्वी त्यांची ओळख शिक्षणासाठी कर्ज घ्यायला आलेल्या एका गरीब, सुशील मुलीशी.. डॉलीशी झाली.. (आम्ही ती घडवुन आणली) डॉलीने त्यांच्याशी जवळीक वाढवली. इतकी की डॉलीमध्ये त्या आपल्या मुलीला पाहु लागल्या. गोड बोलुन डॉलीने बरीच माहीती त्यांच्याकडुन काढली..” डॉलीने मागवलेला पेग टॉप-टु-बॉटम संपवला आणी तिने अजुन एक पेग ऑर्डर केला..

“.. तर प्लॅन असा आहे..”.. पंकी पुढे सांगु लागला..”२९ तारखेला जमा झालेली रक्कम एका मोठ्ठ्या टेंपो मधुन १ मार्चला सकाळी ९.३० वाजता मुंबईकडे रवाना होईल. ह्या टेंपोवर दोन बंदुकधारी शिपाई बरोबर असतील, शिवाय ‘रेड-आय’ सेक्युरीटीज चा ड्रायव्हर हा एके काळचा कुप्रसिध्द गुंड होता.. तो स्वतःची .३२ बोअर ची रिव्हॉल्वर जवळ बाळगतो. कॅश एका मोठ्ठ्या लोखंडी पेटीत बंदीस्त आहे, आणी त्या पेटीच्या वर ४ मोठे अतीशय मजबुत पोलादाचे थर देण्यात आलेले आहेत. आधीच करोडो रुपयांची कॅश त्यात इतक्या जड पोलादाचे वजन त्यामुळे ही पेटी एकट्याने हलवणे केवळ अशक्य आहे…”

“एक मिनीट.. पंकी..” रफिकने आपली शंका पुन्हा उपस्थीत केली.. “म्हणजे तुला असे म्हणायचे आहे.. आपण ही व्हॅन ज्यामध्ये ३-३ बंदुकधारी लोकं आहेत.. समजा कसेही करुन आपण रोखले तरीही रस्त्याच्या मधोमध दिवसा ढवळ्या आपण ही पेटी उतरवुन घेणार? आणि आपल्या गाडीत ठेवणार? असे म्हणायचे आहे तुला?..”

पंकीच्या कपाळावर आठ्या उमटल्या.. दोन क्षण तो डोळे मिटुन बसला आणि परत बोलायला लागला.. “… टेंपोने टोल नाका पार केला की आपण त्या टेंपोचा ताबा मिळवायचा.. कसा ते नंतर सांगतो.. त्यावर ताबा मिळवला की आपल्यातलाच एक जण मागुन एक मोठ्ठा दुचाकी वाहनांची वाहतुक करणारा ट्रक घेउन येत असेल. हा टेंपो आतमध्ये चढवायचा. ट्रक पुढे पुढे जात राहील अर्थात त्यामुळे तो टेंपोही.. त्यामुळे जि.पी.एस सिस्टीम वर त्याचे लोकेशन हालते दिसेल.. कुणाला संशय येणार नाही. दुसरा टोल नाका साधारण तीस मिनीटांच्या अंतरावर आहे. त्याच्या आत आपल्याला टेंपोमधील कॅश पेटी काढुन त्या ट्रक मध्ये ठेवायची आणि टेंपो परत खाली रस्त्यावर आणायचा. आपल्यातीलच दोघं जण कपडे बदलुन तो टेंपो चालवतील. दुसरा टोल नाकाही पार झाला की आपला कॅश-पेटी असलेला ट्रक ए़क्स्प्रेस वे वरुन एक्झीट घेईल आणि ठरलेल्या ठिकाणी पोहोचेल.

टेंपो पुढील टोल नाका पार झाल्यावर एका बाजुला सोडुन देऊन आपले साथीदार ठरलेल्या ठिकाणी परत येतील. जो पर्यंत सेक्युरीटीज ना कळेल टेंपो एकाच जागी थांबलेला आहे, त्यांना संशय येऊन पोलीस शोध घ्यायला येतील तो पर्यंत आपण सगळे जण तेथुन केंव्हाच पसार झालेले असु. अर्थात यात अजुनही बारीक बारीक गोष्टी आहेत.. त्या तुम्हाला सांगीनच.. पण वर-वर असा प्लॅन आहे.

चोरलेली पेटी असलेला ट्रक घेउन आपण डॉक पाशी यायचे. तेथे एक जागा आपण भाड्याने घेतलेली असेल. आपले काम असेल मोडकळीस आलेले एका जहाजाचे काही भाग सुट्टे करण्याचे. जहाजाचे काही अवशेष घेउन आधीच एक-दोन मोठ्ठे ट्रक तिथे आलेले असतील त्यामुळे कुणाला संशय येणार नाही. जहाजाची मोडणी चालु असतानाच एका बाजुला त्या हत्यारांच्या सहाय्याने आपण ही कॅशची पेटी तोडु शकु. कदाचीत एका आठवड्यात, कदाचीत एका महीन्यात. जहाज तोडफोडीचे आवाज चालुच असल्याने त्यातच हा आवाजही खपुन जाईल. कॅश मिळाली की ती आपल्यात वाटप करुन आपण सगळे आपल्या मार्गाने गायब..

काय कसा वाटला प्लॅन???”.. पंकी ने सगळ्यांच्या नजरेला नजर देत विचारले.

प्रत्येक जण अंतर्मुख झाला होता. त्यातील एका व्यक्तीच्या मनात विचार चालु होता, “हे पैसे मिळाल्यावर.. बाकीच्या चारही जणांना.. एक एक करुन या जगातुन जावे लागेल.. ह्या पैश्यावर फक्त माझा हक्क राहील.. फक्त माझा.. ”

[क्रमशः]

पुढचा भाग>>

Advertisements

11 thoughts on “रॉबरी- [भाग १]

  1. शेवटच्या तीन ओळीत चांगली कलाटणी आहे…

  2. रॉबरी … लय भारी … 😀

    पार्श्वभूमी तर मस्त तयार झाली आहे आणि पहिल्या भागाचा शेवट सुद्धा उत्कंठावर्धक झाला आहे… थोडक्यात काय … भुंगा एकदम मस्तपैकी भुरभुरतोय रे … 😀

    दुसऱ्या भागाची वाट बघतोय नेहमीप्रमाणे … (ही स्टोरी तू किमान ३-४ भागात नेणार 😛 )

  3. bhannat..
    dhan ta nan…..

  4. plot interesting aahe. Fakt ya chaughanchi bhasha khup sophisticated watli. ase shabd changle sushikshit lok suddha boli bhashet waaparat naahit. tyamule tevhadh fakt khatakal. baki utkanthawardhak.

    • बरोबर आहे, पण वाचणारे सुशीक्षीत, सभ्य असल्याने मी टाळलं. आणि शेवटी या चौघांची पा्र्श्वभुमी गुन्हेगारी आहे असे मी कुठेच म्हणलं नाहीये. सध्याच्या काळात सुशीक्षीत घराण्यातले युवक-युवती सुध्दा गुन्ह्गार बनतं आहेत. सो.. सारासार विचार करता.. चालवुन घ्या.. 🙂

  5. Hi, Johny gaddar chi athavan zali re 🙂 Pudhache bhag wachaychi utsukata aahe.

  6. जबरदस्त…. आता पुढे काय?…. मान्यवर, लवकर लवकर येवू द्यात पुढचे भाग…………

  7. jabardast……

  8. zakass.. good

  9. dhoom sarakhi vatatey story same…

  10. ekdam dhoom 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s