डोक्यात भुणभुणभुणारा मराठी भुंगा

डोक्यात भुणभुणभुणाऱ्या मराठी भुंग्याचे म्हणणे, असंख्य किस्से आणि मराठी कथा…

बाप्पा आले घरी

1 Comment


महाराष्ट्राचे आराध्य दैवत असलेल्या, १४ विद्या आणि ६४ कलांच्या अधिष्ठात्या गणरायाचे आज आगमन झाले. स्वाईन-फ्ल्यु, वाढता दहशतवाद, जागतीक मंदी, अपुरा पाऊस आणि त्या अनुषंगाने येऊ घातलेला दुष्काळ, नोकऱ्यांवर कोसळलेली बेकारीची कुऱ्हाड या आणि अश्या अनेक विघ्नांच्या पार्श्वभुमीवर बाप्पाचे आगमन झाले आहे. डेडलाईन्स, रिलिझेस, परफॉर्मंन्स अश्या अनेक गोष्टींशी नाळ जोडल्या गेलेल्या मानवाप्रमाणेच या विघ्नहर्त्याला या सर्व विघ्न नष्ट करण्याचे अनेक भक्तांकडुन विनंतीवजा अपेक्षांचे ओझे लादले जाणार हे निश्चीत 🙂

अर्थात शेवटी या चैतन्यदायी प्रेरणेच्या आगमनाने जनमानसावर आलेले हे काळे सावट काही काळासाठी का होइना दुर होईल आणि सर्व जण बाप्पाच्या आगमनात आणि त्याच्या सेवेत बुडुन जातील.

आजुबाजुने ढोल-ताशे, सनई-चौघडे, संगीताबरोबरच टाळ, घंटानाद आणि “सुखकर्ता-दुखःहर्ता” चा टाळ्यांच्या गजराचा नाद कानावर पडत आहे. रक्त सळसळवणारी शिवगर्जनाचा नाद अंगामध्ये उत्साह ओतप्रोत भरत आहे. वातावरण भारावलेले तर नक्कीच आहे पण उदबत्ती, कापुर, चंदनाच्या सुवासाने प्रफुल्लीत सुध्दा झाले आहे. या सर्व सुवासाबरोबर अजुनही एक सुवास दरवळतो आहे आणि तो म्हणजे वाफाळलेल्या उकडीच्या मोदकाचा आणि त्यावर ओतलेल्या तुपाच्या धारेचा.

अजुन जास्ती काही नाही.. आता घेतो एक स्वयंपाक-घरात धाव- मोदकांवर आडवा हात मारण्यासाठी, पण त्यापुर्वी.. जोरदार -.. “गणपती बाप्पा …. मोरयाssssss”

अंगावर रोमांच आणणारे “मोरया-मोरया” व्हिडीओ:

Advertisements

One thought on “बाप्पा आले घरी

  1. ganesh agamanachya sagalyana shubhecha

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s