‘सेक्सी’


तुम्ही जर ५०+ वयोगटातले असाल तर कदाचीत तुमच्या भुवया उंचावल्या असतील! मराठीला वाहीलेल्या ह्या साईटवर असले अचरट, आंबट शब्द वाचुन ‘हा काय चावटपणा?’ असं नक्कीच मनोमन पुटपुटला असाल.

तुम्ही ४० ते ५० वयोगटातले असाल तर ह्या पोस्ट मध्ये ‘तसलं’ काहीतरी असण्याची शक्यता समजुन एक तर ही पोस्ट टाळण्याचा प्रयत्न केला असाल किंवा चिडुन ह्या पोस्टवर काहीतरी खवचट प्रतिसाद द्यायच्या उद्देशाने ही पोस्ट उघडली असेल.

पण तुम्ही तिशीतले किंबहुना विशीतले असाल तर ‘सेक्सी’ ह्या शब्दाचे प्रचलीत असलेले ‘अनेक’ अर्थ तुम्ही जाणुन असाल आणि अगदी साफ मनाने तुम्ही हे पान उघडले असेल, नाही का?

आजच्या युगात ‘सेक्सी’ ह्या शब्दाने अनेक अर्थ अंगीकारले आहेत. पुर्वीच्या काळी ‘सेक्सी’ हा शब्द केवळ ‘कामुक’ गोष्टींशी निगडीत बोलतानाच वापरला जायचा. नगनत्व, कामक्रिडा, यौन किंवा लैगीक विषय हे ‘सेक्सी’ असायचे. पण आजच्या बोलीभाषेत ‘सेक्सी’ शब्दाचे परीमाणच बदलले आहे. आजच्या युगात कोणतीही आकर्षक गोष्ट ही ‘सेक्सी’ असते. रस्त्यावरुन धावणाऱ्या गाड्या सेक्सी असतात, घड्याळं, कपडे, चपला/बुट सेक्सी असतात, निसर्ग सौदर्य सेक्सी असते, ‘कुछ कुछ होता है’ मधली दादी सेक्सी असते, मोबाईल,लॅपटॉप्स, आयपॉड्स आणि इतर गॅडेज्ट्स सेक्सी असतात, अहो इतकच काय पदार्थांची चव सुध्दा सेक्सी असते… आता बोला!!

हा शब्द इतका प्रचलीत झाला आहे की कोणताही युवक किंवा युवती कसलाही विचार न करता अगदी मोकळेपणाने ‘सेक्सी’ म्हणुन मोकळे होतात.

भाषेत नवे शब्द निर्माण होणे हे भाषेच्या जिवंतपणाचे लक्षण आहे. प्रत्येक नविन पिढी नविन शब्द प्रचलित करत असते. भाषा नेहमीच बदलत होती आणि बदलत आहे. ‘सही’ हा असाच कधी तरी उगवलेला शब्द. कुठलीही सुंदर असलेली गोष्ट ‘सही’ ह्या शब्दाने गौरवली जायची. पण आजच्या काळात ‘सेक्सी’ ह्या शब्दाने ‘सही’ ह्या शब्दाची जागा घेतल्याचेच दिसुन येते.

असे आहेत अजुन काही नविन शब्द जे तुम्ही इथे प्रतिसादात देऊन लेखकाच्या आणि वाचकांच्या ज्ञानात भर घालु शकाल?

हो, पण तुम्ही सुचवत असलेला शब्द तस्साच ‘सेक्सी’ असला पाहीजे बरं का!!

40 thoughts on “‘सेक्सी’

  1. Prajakta

    एक नम्बर लिहीलं आहेस बघ… 😀
    btw, आज काल सगळे F words पण Sexy सारखेच वापरले जातात.. 😉

  2. अनिकेत,
    खरंच आहे. हा शब्द भलताच कॉमन झालाय. माझी दहा वर्षांची मुलगी सुद्धा हा शब्द बिनधास्त वापरते. शाळेतले वर्गामैत्रीणींचे शिक्षण!

    बाकी, “तुम्ही ४० ते ५० वयोगटातले असाल तर ह्या पोस्ट मध्ये ‘तसलं’ काहीतरी असण्याची शक्यता समजुन एक तर ही पोस्ट टाळण्याचा प्रयत्न केला असाल किंवा चिडुन ह्या पोस्टवर काहीतरी खवचट प्रतिसाद द्यायच्या उद्देशाने ही पोस्ट उघडली असेल.” हे काही पटले नाही बुवा! आज कालचे चाळीशीचे “तरुण” एव्हढे मागासलेले नाहीत बरं का.

    -निरंजन

  3. आल्हाद alias Alhad

    सेक्सी=कड्डक=जबरा=F***

    असं आहे सगळं. शब्दार्थ आणि अभिप्रेत अर्थ काही संबंध नाही!

  4. अनिकेत,
    हा एकच शब्द नव्हे असे असंख्य शब्द आहेत! माझ्या मनात बरयाच दिवसांपासुन हा विषय घर करुन बसला आहे. हल्ली समजात शब्दांची परिभाषाच बदलुन गेली आहे. इन्फ़ेक्ट मी एक पोस्ट टाक्ली सुध्दा होती यावर

  5. एक छान किस्सा आठवला …

    ह. निजामुद्दिन स्टेशन ला, एक मुलगी (२४-२५) फोन वर बोलत बोलत काही तरी झालं असेल, ति नकळत (किंवा सवईमुळे) जोरात फ* (****) बोलली… आसपासची सर्वच लोक तिच्या कडे पाहत होते.
    तिचा चेहरा पाहण्यासारखा झाला होता.

    शब्द … सांभाळून वापरारे …!!!

  6. Mukund

    ‘सेक्सी’ शब्दा बद्दल चे लिखाण पन ‘सेक्सी’ आहे. काय उत्तम चावलायस. एकदम मस्त. ‘ चावलिस ‘ शब्द कसा वाटतो ?

  7. अजून काही नविन शब्द –
    रापचिक, मालदार, छळ, कळ,

    यात ’तसला’ काही अर्थ नसून एखाद्या गोष्टीबद्दल अफाट तारीफ करण्यासाठी हे वापरले जातात.

  8. Abhiram

    Word “Sexy” was not at all new or unfashionable even 25 years ago. I have used this word in 1985 while in Jr. college.
    For some time we had replaced this word by similar Marathi word “Madak”

  9. sameer gandhi

    CHABUK pan shabda sahi ahe…aniket lihinyachi style tuzi ‘SEXY’ ahe re..
    lihit raha …amhi wachat rahu..pratisad det rahu..

  10. Vikas Adhav

    Aniket Sir,

    Gramin Bhagat “Naad Khula” Ha shbda khup vaparla jato.

    Baki Post Khup Chan Aahe!

    English Medium madhil mule-muli “F..” cha saras vapar kartat!

  11. माझ्या भागात ” बेंडास “,”डंग्र्या” ही शब्दे खुप वापरली जातात. याचा नेमका अर्थ कळत नाही.

  12. geeta kumeriya

    khupach chhan lihile aahe aniket
    karach aaj kal sexy ha shabd commen jhala aahe
    lahana pasun mothyaparyant sarvajan ha shabd bedhadak vapartat

  13. Priya

    lolzzz…aniket 100 % patal…faar dur kashala malaa suddha kuni “how are you ?” wicharalyawar mi “I m damn sexy” kinvha “how was the day?” wicharalya war “it was damn sexy” as uttar dete 🙂

    hallich kay bore karatoyes la kiti chavatoyes ani sexy sarkhach fadu ha shabd aikivat aalaa mazya 🙂

  14. Priya

    अजून एक…
    माहित नाही हि comment विषयाला धरून आहे कि नाही पण वाटली म्हणून post करतेय
    मी एक वर्ष केरळला होते..
    पुण्यावरून तिकडे गेल्यावर सहज म्हणून एक मित्राला विचारलं काय रे तुझी item कशी आहे
    आणि तो विचित्र नजरेने मला उत्तर न देता निघून गेला
    काही दिवसांनी कळलं south मध्ये item म्हणजे call girl

  15. Ujwala

    Yar aniket tula sir bolav ki nusat aniket kalat nahi kadhikadhi.. Means kadhi tari tu eakdam youngster chya manatl boltos and kadhi tari jam vichar karun mat mandtos… Means u perfect Boss….
    and about this Topic it Classi….
    ani ho mala pan 1 word mahitia jo me vaprte daily that is टवका…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s