डबल-क्रॉस (भाग १६)


भाग १५ पासून पुढे>>

“विक्रम इथे येणार हे नक्की आहे.. “, करण आपला प्लॅन सांगू लागला, “.. आणि तो इथे यायच्या आत आपल्याला शेखरची बॉडी आणि जिमी तू आणि रोशन.. तिघांनाही इथून हलवावं लागेल. तो जर पूर्ण फोर्स घेऊन इथे आला तर आपण सगळेच अडकू इथे”

करणने एकवार सगळ्यांकडे बघितले, कुणी काही बोलले नसले तरी ते करणशी सहमत होते

“जिमी, तू ते दोन हवालदार.. जे बाहेर थांबलेत, त्यांना बघितलंस? म्हणजे कसे आहेत ते? त्यांचा बंदोबस्त करु शकू का आपण?”, करण
“नाही, अंधार होता सगळा, कोणीच दिसलं नाही, पण दोघ आहेत हे नक्की..”, जिमी
“बंदोबस्त करायचं म्हणजे? नक्की काय करायचंय?”, रोशन

जिमीने आपला सुरा बाहेर काढला आणि मानेवरून अलगद फिरवला.. “खट्याक …”, चेहऱ्यावर भेसूर भाव आणत जिमी म्हणाला

“नाही, त्यांना मारायचं नाहीए, आपल्याला ते जिवंत हवेत.. फक्त काही तासासाठी त्यांना सायलेन्स करायचंय.. ”
“कल्लाला नाय.. नीट बोल भो..”
“म्हणजे काही काळासाठी त्यांना बेशुद्ध वगैरे करायचं.. पुढे जंगलात एक केबिन आहे.. “, नकळत केबिनचा विषय निघताच करणने शैलाकडे पहिले.. पण तिचं लक्ष करणकडे नव्हते

“केबिन म्हणजे एक मोडकी लाकडाची खोली आहे.. त्या दोघांना तिकडे बांधून टाकायचं.. जमेल?”
“लै वेळा..”, जिमी

“जिमी तू, आणि रोशन शेखरची बॉडी आपल्या गाडीत घालून इथून निघायचं ….”
“थांब थांब.. लै घाई.. मला गाडी चालवता येत नाही.. साला गाडी असती आपल्याकडे तर कश्याची बात.. रोशन तुला येते..?”, जिमी
“हम्म..”, रोशन चलबिचल करत म्हणाला

“व्हेरी गुड.. तुम्ही गाडी घेऊन निघायचं.. त्याआधी जिमी तुला मला थोडी.. थोडी म्हणजे बरीच मारहाण करायचीय.. पार इथून गेल्यावर सरळ मला हॉस्पिटल मध्येच टाकलं पाहिजे.. जमेल?”

जिमीने दात विचकून हसत मान डोलावली

तुम्ही गेल्यावर मी कसाबसा त्या केबिन पर्यंत जाईन, त्या दोन हवालदारांना जागं करीन आणि तुम्ही दोघे शेखरला किडनॅप करून पळाला आहात असं सांगीन..”

“ते झालं, पण हि बॉडी घेऊन जायचं कुठे?”, रोशन

“सांगतोय.. ऐका… गडबडीत पळून जाताना घाटात तुमचा अपघात होईल.. गाडी सरळ दरीत कोसळेल, स्फोट होईल आणि शेखरची बॉडी जळून जाईल.. सगळा पुरावा नष्ट ..”

“धत्त.. साला खोदा पहाड निकाल चुहा..” मागे सरकत जिमी म्हणाला .. “फालतू प्लॅन आहे हा..”
“फालतू? का?”

“ह्या असल्या गोष्टी फक्त सिनेमाच्या पडद्यावर ठीक वाटतात बघायला.. इतकं सोप्प आहे का ते.. असा खोटा अपघात घडवायचा.. ते पण रात्रीच्या काळ्याकुट्ट अंधारात..? आणि समजा त्या गाडीचा स्फोटच झाला नाही तर?”

“का नाही होणार? सिनेमात दाखवतात कि”, शैला
“म्याडम.. रोज किती तरी अपघात होत असतात, बसेस, कॅब्स घाटात, दरीत २००-३००-५०० फूट कोसळतात.. पार चेंदामेंदा होतो गाडीचा.. पण स्फोट? कधी आणि कितीवेळा ऐकलेय गाडीचा स्फोट वगैरे झाला?”

 

करणला जिमीचं म्हणणं पटलं, दोन मिनिटांतच त्याचा प्लॅन कागदावरच फेल झाला होता, त्यातील फोलपणा लक्षात आला होता

“आनी ह्या म्याडमचं काय? तिला असंच सोडायचं?”, शैलाकडे बघत जिमी म्हणाला
“नाही, तिला इथे बांधून ठेवू आपण..”, करण

“पोलीस च्यू आहेत का? इथे इतक्या दूर, आडरानात, हिच्यासारख्या बेबी-डॉलला साधा हातही नं लावता दोन किडनॅपर्स फक्त बांधून निघून गेले? पटेल तरी का त्यांना? आणि त्यांना पटलं तरी आम्हाला जमेल का ते?”, आपल्या ओठांवरून हात फिरवत जिमी म्हणाला
“म्हणजे? मग काय करायचं?”, करण

“हीचा गेम करावा लागेल..”
“गेम?”
“गेम?? रेप रेप.. बलात्कार..”, जिमी दात विचकत म्हणाला

जिमी म्हणत होता ते अगदी बरोबर होते आणि करणचाही तोच प्लॅन होता. फक्त रेप ‘तो’ करणार होता

पण चेहर्यावरुन लगेच तसं न दाखवता त्याने थोडा विरोध दाखवायचा प्रयत्न केला..

“जिमी शुद्धीत आहेस का? काय बोलतोयेस? तिला हात लावायलाही विचार करू नकोस..”
“विचार कर करण, ठीके समजा ह्या रोशन सारखेच अजून २-३ जण असते तर कदाचित शैलाला नुसतेच बांधून निघून गेले असते.. पण जर तिच्यावर पाशवी बलात्कार झाला तर प्रकरणाला अधिक गांभीर्य येईल. शिवाय, तू आधीच मारहाणीमुळे दवाखान्यात असणार.. हिला काहीच झालं नाही म्हणता, पोलीस सगळा प्रश्नांचा भडीमार हिच्यावर करणार.. पोलिसी खाक्या.. हि समजा कुठे काही चुकीची बोलली तर???”

“जर हि पण दवाखान्यात आडवी झाली तर कदाचित पोलिसांची चौकशी फुल्ल फोर्समध्ये चालू व्हायला थोडा वेळ जाईल मध्ये.. आपल्याला जितका वेळ मिळेल तितके आपल्या हातून काही कमी अधिक चुका झाल्या असतील मध्ये अधे, तर त्या निस्तरायला वेळ मिळेल”, जिमी
“बरं ठीक आहे.. पण तुम्ही त्यात नका वेळ घालवू.. वेळ कमी आहे आपल्याला.. तुम्ही..,, तुम्ही शेखरला घेऊन निघा, मी ते रेपचं बघतो..”, करण कसनुसं म्हणाला

जिमी खदाखदा हसायला लागला

“कुणी बनवला रे बॉडीगार्ड ह्याला?”, रोशनकडे बघत जिमी म्हणाला.. “अरे क्राईम पेट्रोल वगैरे बघतो का नै तू? का तू अजून सिनेमाच्या गोष्टींतून बाहेरच आला नाहीयेस”

“…”

“आपल्याला रेप करायचंय, सेक्स नाही. पोलीस हिला पाहिलं लेडी डॉक्टर कडे न्हेतील.. पहिल्या तपासणीतच डॉक्टर वळखेल सगळी गोम.. जबरदस्तीचा सेक्स आणि तुमचं गुलुगुलु फरक असतो त्यात.. शिवाय डॉक्टर आणि पोलीस सीमेन सॅम्पल घेणार.. चुकून माकून तुझं पण घेतलं आणि ते मॅच झालं तर..? तुझीच बसेल तिथं चौकीत..”

शैलाचे आजपर्यंत शेखरशिवायही अनेक पुरुषांशी शारीरिक संबंध आले होते. पण जिमी सारख्या नवख्या, राकट-रानटी माणसाचा, जबरदस्तीचा, अनुभव शैलाला काहीसा थ्रिलिंग वाटून गेला

“नाही, ते शक्य नाहीए जिमी…”..करण
“थांब करण, जिमी म्हणतोय ते बरोबर आहे.. “, करणंच वाक्य अर्धवट तोडत शैला म्हणाली.. “वुई शुड नॉट थिंक फ्रॉम हार्ट, वुई शुड युज ब्रेन्स.. जिमी इज राईट..”

“शैला….”, आश्चर्यचकित होत करण म्हणाला
“करण, तू कितीही मनात आणलंस तरी मला हर्ट करताना तू दहादा विचार करशील.. तुझा हात आखडता घेशील.. ”

जिमी आलटून पालटून एकदा शैलाकडे तर एकदा करणकडे बघत होता, त्याची नजर आत्तापासूनच शैलाला तिच्या कपड्यांच्या आरपार बघायला लागली होती..

“शैला, ही इज अ बिस्ट.. खूप हाल करेल तो.. तुला कळतंय का तू काय बोलतीयेस?”, करण शैलाच्या जवळ जाऊन हळू आवाजात म्हणाला
“मला कळतंय करण मी काय म्हणतीय .. आपल्याला तेच तर हवंय .. इट शुड लूक लाईक अ रेप.. पोलीस फक्त माझा व्हॅजिना नाही तर पूर्ण शरीर तपासणार.. नखांमधील डीएनए, शरीरावरील जखमांचे व्रण एव्हरीथिंग.. विचार कर.. तुझ्या चेहऱ्यावर, हातावर जर मी नखांचे वार केले तर तू पोलिसांना काय उत्तर देशील?”

करण निरुत्तर झाला

“बरं काय ठरलाय मग?”, आपले डोळे मोठे करुन भुवया उडवत जिमीने विचारले

शैलाच तयार आहे म्हणल्यावर करणकडे बोलायला दुसरा विषयच नव्हता.

 

“बरं आता ते ऍक्सिडेंटच काहीतरी दुसरं ठरवावं लागेल, तुझ्या प्लॅन नुसार शक्य नाहीए ते.. “, जिमी आपले मोकळे केस बांधत म्हणाला

“जिमी भाय .. हुसेन..” अचानक काहीतरी सुचल्यासारखा रोशन म्हणाला
“हुसेन? त्याचं काय?”, जिमी
“हुसेन.. तू मगाशी पिक्चरचा नाव काढला ना तेंव्हा आठवला.. तो असली स्टंट्सची काम करतो ना सिनेमासाठी.. तो ऍक्शन मास्टर कोण तो.. त्याच्या हाताखाली असतो ना तो.. “, रोशन

“हां बरोबर.. पण मला नाही वाटत तो काही मदत करेल.. अबे त्याचीच फुल्ल लागलीय.. काहीतरी गेम झालाय.. काय माहित नाही .. तोच दुबईला पळून जायचं काहीतरी बोलत होता.. ”

“बरोबर ना, त्याला पैसे हवे होते.. खोट्या पासपोर्टसाठी.. पैश्यासाठी आपलं काम नक्की करेल तो.. विचारू तर..”, रोशन
“पैसे हवे होते खरंय, पण इतक्या कमी वेळात.. हे सगळं जमवून आणेल तो?”
“विचारून तर बघू”

जिमीने प्रश्नार्थक नजरेने करणकडे बघितले

हुसेनला ह्या प्लॅनमध्ये घ्यायचे म्हणजे त्याला हे सगळेच कळले असते, शेखरचा खून आधीच शैला आणि कारण व्यतिरिक्त दोघांना कळला होता.. शिवाय मोहीत होताच.. तो कुठे गायब झाला हे तर गौडबंगालच होते.

“किती ओळखीतला आहे हा जो कोण हुसेन आहे तो?.. उद्या फुटला आणि पोलिसांना खबर दिली.. किंवा पुढे मागे ब्लॅकमेल..”
“आपला जिगरी आहे तो.. विश्वास ठेवू शकतो.. असली वंटासगिरी नाही करणार तो.. ”

अधिक विचार करायला वेळच नव्हता.. करणने एकवार शैलाकडे बघितले आणि संमती दिली

“करु मग फोन हुसेनला?”
“तुला बाहेर जाऊन बोलावे लागेल.. इथे रेंज येत नाही.. बाहेर त्या लेकच्या बाजूला जाऊन बोल.. ”
“ओके”
“थांब .. बाहेर पोलीस .. मी येतो तुझ्याबरोबर लक्ष ठेवायला.. किंवा रोशन तू जा.. “, करण
“रोशन.. तू चल..”
“आणि त्या हुसेनला नीट कल्पना द्या प्लॅनची.. गाडीचा स्फोट होऊन आतली बॉडी पूर्ण जळण अत्यंत महत्वाचं आहे.. ”
“ओके..”

जिमीने आतल्या पिस्तूल उचलल्या आणि रोशन बरोबर फोन घेऊन बाहेरच्या अंधारात सावकाश निसटला

 

जिमी आणि रोशन बाहेर गेल्यावर करण शैला जवळ गेला

“शैला.. आय डोन्ट ट्रस्ट धिस जिमी.. कश्यावरुन उद्या हा आपल्याला ब्लॅकमेल करणार नाही? आपल्याला त्यांना संपवावंच लागेल शैला..”
“हम्म..”
“ऐक .. रोशनला संपवणं सोप्प आहे.. जिमी नेहमी अलर्ट असतो.. तो खुनशी आहे.. तो बेसावध असतानाच त्याचा काटा काढायला हवा”
“हम्म..”
“तो जेंव्हा.. तुझ्यावर रेप करत असेल.. तो बेसावध असेल त्यावेळी.. डू समथिंग .. अगदीच ठार नाही मारता आले तरी त्याला पूर्ण जखमी कर.. बाकीचं मी बघून घेईन.. रिमेम्बर त्या मोहितच्या पाठीत तू तो स्क्रू-ड्रायव्हर खुपसला होतास.. तसेच काहीसे.. मानेत खूपसं त्याच्या.. इट्स अ ऍक्ट ऑफ डिफेन्स.. रेप करत असताना तू त्याला मारलं आहेस.. सुटशील तू सहज..”
“हम्म..”

करण जेंव्हा शैलाशी हे बोलत होता त्याच वेळी हुसेनला फोन लावायच्या आधी जिमी रोशनशी तेच बोलत होता..

“रोशन.. माझा त्या दोघांवरही भरवसा नाही.. त्यांचं काम झालं कि ते नक्की आपला काटा काढायचं बघतील.. ७५ करोडचा प्रश्न आहे.. नक्कीच ते कुठलाही पुरावा मागे राहू नये ह्याची काळजी घेणार .. तू सावध राहा.. ”

दोघेहीजणं एकमेकांना मारायचा किंवा एकमेकांपासून जपण्याचाच विचार करत होते. एकमेकांवर विश्वास नसलेल्या ह्या टीमने आखलेला प्लॅन यशस्वी होणार का?

हुसेनशी बोलून जिमी आणि रोशन आतमध्ये आले.

“एस एस, हुसेन तयार आहे..” करण आणि शैलाच्या प्रश्नार्थक चेहर्याकडे बघत जिमी म्हणाला, “.. पण त्याला ५ लाख रुपये हवेत..”
“५ लाख????”

“हो.. गाडीचा स्फोट घडवून आणायला त्याला काही साहित्य लागेल. जोखीम खूप आहे, आधीच पोलीस त्याच्या मागावर आहेत. इंडस्ट्रीमधील लोकांनी आधीच त्याच्याशी संबंध तोडलेत. त्यालाही जास्तीचे पैसे चारुनच माल आणावा लागणार आहे. जमत असेल तर त्याला परत १० मिनिटांमध्ये फोन करुन सांगायचे आहे..”, जिमी

“अरे, पण इतके पैसे आत्ता आणायचे कुठून..?”
“शैला, कॅश किती असेल?”
“फार तर लाख भर रुपये..”
“दागिने.. ज्वेलरी असेल २-३ लाखांची .. ती..”
“नाही, त्याला कॅशच हवीय.. त्याला वेळ नाहीए सोनं मोडून पैसे उभे करत बसायला .. आधीच तो अंडरग्राउंड आहे… ”

करण, शैला, रोशन हतबल होऊन एकमेकांकडे बघत होते.

करणने घड्याळाकडे नजर टाकली, रात्रीचे १२ वाजत आले होते. विक्रमला येऊन तीन तास होऊन गेले होते. ह्यावेळेत त्याने नक्कीच काहीतरी हालचाल केली असेल.. कदाचित तो फार्महाऊसच्या दिशेने अधिक कुमक घेऊन निघाला असेल..
.. किंवा येऊन पोहोचला हि असेल..

संदीप.. त्याला फोन करायचा होता.. त्याला शेखरशी बोलायचं होते.. दिवस उलटून गेला तरी शेखरचा फोन नाही आला म्हणल्यावर त्याने काही ऍक्शन घेतली असेल तर? त्याने पोलीस कम्प्लेंट केली असेल तर?

फास आवळला जात होता.. लवकरात लवकर काहीतरी निर्णय घेणे आवश्यक होते. पण ह्या आड बाजूला अशी अचानक २-४ लाखाची कॅश कुठून निर्माण करायची हा प्रश्न होताच..

“बोला लवकर, सगळं सामान वगैरे जमवून आडरस्त्याने त्याला इथे यायला कमीत कमी २-३ तास लागतील..”

जिमीने आपल्या खिश्यातुन तो बाजा काढला आणि त्याच्यावर पुन्हा ती दुःखद धून वाजवायला सुरवात केली होती..

घड्याळ आपल्या गतीने पुढं पुढे सरकत होते

पाच एक मिनिटं उलटल्यावर जिमी म्हणाला.. “एक मार्ग आहे.. ”

करण, शैला, रोशनने आश्चर्याने जिमीकडे पहिले. कदाचित त्या क्षणी जिमी त्यांना एखाद्या देवदूतासारखा भासला असावा..

“बोल पटकन..”, करण
“हा जो आमचा कॅसिओ लुटायचा प्लॅन होता, त्याच्या आधी मी हा प्लॅन बनवला होता..”

ड्रॅमॅटिक इफेक्ट्स करता जिमीने काही क्षण पॉज घेतला

“गावाच्या बाहेर एक पेट्रोलपंप आहे.. २४ तास चालू असतो.. तो लुटायचा.. ”

क्षणभरासाठी चेहऱ्यावर आलेला आशेचा किरण मावळून गेला तसं करण म्हणाला, “पेट्रोलपंपावर आत्ता अशी कितीशी कॅश मिळणारे? पूर्वी पडणारे दरोडे लक्षात घेऊन हि लोक आजकाल रोजच्या रोज कॅश बँकेत जमा करुन टाकतात.. ८-१० हजार मिळाले तरी खूप झाले..”

“बरोबर, पण हा पेट्रोल पंप त्याला अपवाद आहे.. गावच्या एका आमदाराचा पंप आहे तो.. रोज रात्री साधारण १च्या सुमारास सांगलीवरून एक दुधाचा टेंम्पो येतो इथे डिझेल भरायला. ह्या आमदाराचा तिकडे लय वट आहे, सध्या जे हायवेचे काम चालू आहे त्याच्या टोलनाक्याचे काही टक्के ह्या टेंम्पो मधून इथे येतात. पुढे जकात नाका असल्याने ती कॅश इथे उनलोड होते. दुसऱ्या दिवशी सकाळी साहेबांचा सचिव पेट्रोलपंपाचे कामकाज पहाण्याच्या बहाण्याने येतो आणि ती कॅश घेऊन जातो.. ”

“…”

“मी आठवडाभर पाळत ठेवून खात्री केलीय, ह्यात कधीच खंड पडत नाही, ३-४ लाख काय.. मला वाटतंय ७-८ लाख तरी सहज निघतील..”

“इतकी कॅश आहे तर सेक्युरिटी तगडीच असणार..” करण
“नाही, उलट मुद्दाम इथे काहीच सेक्युरीटी नाहीए, एकदम लो-कि ठेवलंय सगळं प्रकरण, जेणेकरून कुणाला संशय येऊ नये. एक २२ वर्षाचं पोरगं असतं रात्रीचं .. एक केअर-टेकर आहे, पण बऱ्याचदा तो पिऊन पडलेला असतो. फक्त एक अलार्म बटण .. जे सगळ्याच पंपांवर असते ते असेल.. ”

“बरं पुढे?”
“पुढे काही नाही.. आपल्याकडे पिस्तूल आहे. शंभर टक्के ते पोरगं पिस्तूल बघून गुमान पैसे देऊन टाकेल. सगळी कॅश ब्लॅक मनी आहे, मला नाही वाटत कोणी काही ऍक्शन घेईल ह्यावर.. शिवाय आमदार साहेबांसाठी -७-८ लाख काय चीज आहे.. ५००-२००० ची नोट आपली हरवली तर आपण आकाश-पाताळ एक करतो का? नाही ना.. ”

“.. आणि तिथे जायचं कसं ..?”

“माझी बाईक आहे बाहेर, गवतात लपवून ठेवलेली आहे. आपण आधी म्हंटल होतं तसं त्या दोन हवालदारांचा बंदोबस्त करु .. मग तू बाईक घेऊन जा..”.. जिमी करणकडे बघत म्हणाला

“मी?” करणला हे अगदीच अनपेक्षित होते.. “मी का? उलट तुझी सगळी तयारी झालेली आहे, तू आठवडाभर लक्ष ठेवलं होतेस म्हणतोस.. तुला अधिक सोप्प आहे.. “, करण

“नाही.. आपल्याकडे अजिबातच वेळ नाहीए, मला इथली बरीच काम उरकायची आहेत.. ” शैलाकडे बघत जिमी म्हणाला.. “तेंव्हा तू इथे नसलास तर मला माझं काम चोख पार पाडता येईल.. शिवाय हुसेन त्यावेळी इथे आलाच तर त्याला त्याची उपकरण गाडीला जोडायला वगैरे मदत लागेल.. मी आणि रोशन इथे असणं गरजेचे आहे.. ”

जिमी प्रत्येक वेळी जे बोलत होता ते बरोबर होते.. त्याचा प्रत्येक प्लॅन निदान चोख वाटत होता आणि प्रत्येक वेळी करण त्याच्यापुढे निरुत्तर होत होता.

करणने शैलाकडे बघितले, तिचा चेहरा निर्विकार होता.

करणने असली रॉबरी वगैरे कधी केली नव्हती.. त्याची चुळबुळ चालू होती.. पण तो उघडपणे आपली भीती, कमीपणा येईल म्हणून, दाखवू देत नव्हता. पण त्याच वेळी त्याच मन असं अचानक, काहीही प्लॅनिंग नसताना, मनाची तयारी नसताना कुठल्याश्या पूर्वी कधीही न पाहिलेल्या पेट्रोल पंपावर जाऊन लूट करण्यास धजत नव्हते

“बोला पटकन.. हुसेनला फोन करायचाय .. मोठी कामाची यादी आहे पुढे.. “, जिमी

डोकं सुन्न झालं होते, घड्याळ रेसच्या घोड्यासारखे पळत होते, पाऊण वाजून गेला होता. सकाळ व्हायच्या आत सगळा खटाटोप उरकायचा होता.

“ठीके.. सांग हुसेनला यायला..”, करण
“.. पण मग पुढे कसं करायचं?”, रोशन
“पुढे म्हणजे?”
“म्हणजे हुसेन आला, त्याने गाडी तयार केली, करण पैसे घेऊन आला, हुसेन पैसे आणि शेखरची बॉडी घेऊन गेला.. ऍक्सीडेन्ट वगैरे झाला पुढे? आपण इथून कसं निघायचं? आणि आपले पैसे आपल्याला कधी आणि कसे मिळतील?”, रोशन

“अबे फट्टू,, घाबरू नको, मी आहे ना.. निघू आपण इथून.. आलं मध्ये कोणी तर ठोकू आपण त्याला..”, हातातली पिस्तूल नाचवत जिमी म्हणाला आणि हुसेनला फोन करायला तो बाहेर पडला

 

करण तयार व्हायला उठला पण त्याच्या लक्षात आले कि त्याच्या पायात काही ताकदच नव्हती.. हाताचे तळवे कधीच घामाने ओले झाले होते.. शरीराला नकळत कंप सुटला होता.

केवळ ५-१० मिनिटांच्या बोलण्यावर आणि ह्या जिमीच्या सांगण्यावर विश्वास ठेवून तो पेट्रोल पंप लुटायला निघाला होता. हजारो गोष्टी चुकीच्या घडू शकत होत्या. त्या बाहेरच्या हवालदारांना काबीज करताच नाही आले तर? जिमीची ही कुठली बाईक बाहेर झाडात लपवलेली आहे, तिने ऐन वेळी दगा दिला तर? रस्ताने जाताना विक्रम भेटला तर? पंपावर जिमी सांगतो त्यापेक्षा जास्तीची सुरक्षा असेल तर?

एक ना अनेक प्रश्नांनी त्याला घेरले होते.

बार कॅबिनेट मधून त्याने स्कॉच काढली आणि दोन स्मॉल ऑन-द-रॉक्स पेग घश्याखाली उतरवले.
रोशनने त्याच्या हातातली गन करणला दिली..

स्कॉचची नशा आणि बंदुकीच्या त्या थंडगार स्पर्शाने करणच्या जिवात जीव आला.

“चलायचं?” जिमीने हॉलमधील दिवा मालवला आणि विचारलं.. “पहिले त्या पांडू लोकांना ठोकू.. ”

“येस्स.. पण आपल्याला ते जिवंत हवेत.. हुसेन इथून शेखरला घेऊन गेल्यावर.. आणि तुम्ही निसटल्यावर मी त्या दोघांना शेखर किडनॅप झाल्याची बातमी देणार आहे.. त्यांना इथे आणणार आहे.. बलात्कार झालेली शैला.. मला झालेली मारहाण त्यांनी फर्स्ट-हॅन्ड बघायला हवी.. ”
“एस एस.. माहितेय मला.. ” असं म्हणून जिमी बाहेरच्या अंधारात शिरला आणि मागोमाग करण ..

[क्रमशः]

डबल-क्रॉस (भाग १५)


भाग १४ पासून पुढे >>

“इन्स्पेक्टर विक्रम, तुम्हाला पूर्ण खात्री आहे ना तुम्ही काय करत आहात?”, कमिशनर साहेबांनी इं. विक्रमच बोलणं ऐकल्यावर आपल्या आवाजातली काळजी लपवत विचारलं

“हो सर, मला शंका, नव्हे खात्रीच आहे की ते कॅसिनोमध्ये खून करुन पळालेले ते दोघे शेखरच्याच घरात लपले असणार आहेत. आम्ही पुढे नाकाबंदी केली आहे. कॅसिनोपासून आमच्या जिप्स त्याच रस्त्याने धावल्या होत्या. मध्ये कुठेही एखादं गावं किंवा फाटा नाहीए. मध्ये घाट असल्याने दुसरीकडे कुठे गेली असण्याची शक्यता नाही. हा एकमेवं रस्ता आहे ज्या रस्त्याने ते जाऊ शकतात”

….

“काळजी नका करु सर, मी सिव्हिलिअन वेशात त्यांच्या घरी जाणार आहे, ४ कॉन्स्टेबल आणि पी.स.आय जाधव आहेत बरोबर, थोड्या अंतरावर ते दबा धरुन असतील. मी फक्त अंदाज घेऊन येतो आणि तुम्हाला परत फोन करतो”

“ओके इन्स्पेक्टर, काळजी घ्या. शेखर फार प्रसिद्ध व्यक्ती आहेत, आपल्याकडून काही हलगर्जीपणा झाला तर नाहक बदनामी होईल”
“डोन्ट वरी सर, आय विल टेक केअर”, असं म्हणून विक्रमने फोन ठेवून दिला

पी.स.आय जाधव आणि ४ हवालदार बाहेर जीपपाशी इ. विक्रमची वाट पहात उभे होते.
पोलीस-स्टेशनमधील आपल्या लॉकरमधून विक्रमने रेग्युलर पांढरा शर्ट आणि फिक्कट निळी जीन्स काढली. आपला पोलीस-

गणवेश बदलला आणि ड्रॉव्हर मधून पोलीस-स्पेशल .३८ ऑटोमॅटिक पिस्तूल काढले. पिस्तूल लोडेड आहे हे तपासायची गरजच नव्हती, नुसत्या वजनावरुन आतमध्ये ६ च्या ६ गोळ्या आहेत हे विक्रमने ताडले आणि तो बाहेर जीपमध्ये येऊन बसला.

“प्लॅन पक्का डोक्यात आहे?”, विक्रमने विचारले
“येस सर”, जाधव
“साधारण अर्धा तास माझी वाट बघा, मी नाही आलो परत तर, अजून कुमक मागवून घ्या आणि हळू हळू अंदाज घेत या इकडे”, विक्रम
“येस सर”, जाधव

इ.विक्रमची जीप काही वेळातच शेखरच्या फार्महाउस कडे जाणाऱ्या त्या कच्या रस्त्यापाशी येऊन थांबली. एव्हाना सर्वत्र अंधार पसरला होता. आधीच झाडींमध्ये लपलेला तो रस्ता अंधारात सापडायला बराच वेळ गेला, पण अखेर तो रस्ता सापडला.

विक्रम, जाधव आणि ३ हवालदार खाली उतरले

“शिंदे, तुम्ही गाडी घेऊन पुढे आपल्या चेक नाक्याला जाऊन थांबा, इथे पोलीस जीप घेऊन थांबणं धोक्याचं आहे. वॉकी-टॉकी जवळच ठेवा, आणि सेकंदात निघत येईल असे तयार रहा. पान खायला गेलो होतो, इथे जवळच होतो वगैरे कारणं नको आहेत. आलं लक्षात?”

“हो साहेब”, ड्रायविंग सीटवर बसलेला चौथा हवालदार मन हलवत म्हणाला
“ठीके, निघा तुम्ही”

त्या पाच जणांना सोडून जीप पुढे निघून गेली

“धायगुडे, मदाने तुम्ही इथे थोडं आत, फाट्यावरच थांबा.. जाधव तुम्ही आणि शिर्के थोडं अजून आतमध्ये या, बघू किती पुढे ते फार्म हाऊस आहे, त्याप्रमाणे तुम्ही दोघ तिथे लपून बसा चला..”
दोन कॉन्स्टेबलना त्या वळणावरच थांबवून विक्रम जाधव आणि तिसरा हवालदार शेखरच्या फार्महाउस च्या दिशेने चालू लागले. सर्वत्र प्रचंड काळोख होता. रस्त्याचा अजिबातच अंदाज येत नव्हता, पण टॉर्च लावून जाणं वेडेपणाच ठरलं असतं.

हवा कुंद होती आणि वारा पडलेला होता. त्या दाट झाडीत, खडबडीत रस्त्याने थोडे अंतर चालताच तिघांच्याही अंगातून घामाच्या धारा वाहू लागल्या.

काही अंतर चालून गेल्यावर त्यांना तो बारीक पूल लागला जेथून शेखरचं फार्महाऊस स्पष्ट दिसत होते.

तिघंही झाडांमागे लपले. विक्रमने जाधवांकडून नाईट-व्हिजन दुर्बीण घेतली आणि ते फार्महाऊसचे निरीक्षण करू लागले.

सगळ्यात पहिली गोष्ट विक्रमला खटकली कि इतक्या उकाड्यातही फार्महाऊसच्या सर्व दार खिडक्या बंद होत्या.
सर्व खोलीनमधले लाईट्स चालू होते, पण कुणाची हालचाल दिसत नव्हती. ५-७ मिनिट निरीक्षण करून विक्रमने दुर्बीण पुन्हा जाधवकडे दिली.

“आय एम गोइंग इन”, विक्रम खंबीरपणे म्हणाला. “तुम्ही दोघे इथेच थांबा, दुर्बिणीतून तुम्हाला क्लिअर व्हू आहे व्हरांड्याचा. काही संशयास्पद वाटलं तर मी तेथूनच तुम्हाला खूण करेन.. नाही तर.. मी आत गेल्यानंतर जास्तीत जास्ती अर्धा तास आणि नंतर काय करायचंय तुम्ही जाणताच ”

“हो सर, ऑल द बेस्ट”

विक्रमने आपली पोलीस-रिव्हॉल्व्हर एकदा तपासली आणि तो फार्म-हाऊसच्या दिशेने निघाला

 

फार्महाऊसच्या लिव्हिंग-रुम मध्ये नुकताच करणने आपला पुढचा कच्चा प्लॅन सर्वांनां ऐकवला होता आणि सर्वजण त्या प्लॅन मधील गुण-दोष शोधण्यात विचारमग्न होते इतक्यात दारावरची बेल वाजली.

आपल्याच विचारात मग्न असलेले चौघहीजण बेलच्या आवाजाने अचानक भानावर आले.

रोशनने पिस्तूल हातात घट्ट धरली तर जिमीने आपला लाडका सुरा बाहेर काढला

शैला हळूच दरवाज्यापाशी गेली आणि तिने डोअर कॅमेरा चालू केला. बाहेर दारात विक्रमला पाहून तिला काय करावं तेच सुचेना.

जिमी आणि रोशन पासून विक्रम त्यांना वाचवू शकत होता, पण त्याच वेळी आतमध्ये शेखरची बॉडी होती. पकडले गेल्यावर जिमी-रोशनने त्याबद्दल सांगितले तर करण-शैला हि अडकणार होते.

कारण, जिमी, रोशन तिघांच्याही चेहऱ्यावर बाहेर कोण आहे असेच भाव होते.

शैलाने जिमी आणि रोशनला खुणेनेच आतमध्ये जायला सांगितले

जिमीने आपला सुरा हलकेच आपल्या गालावरून फिरवून फसवायचा प्रयत्न केला तर काय होईल हे सांगितले आणि दोघजणं दबक्या पावलांनी शेखरच्या बेडरुममध्ये गेले.

करणने पटकन आवाज न करता खुर्च्या, सामान नीट-नेटके केले. जिमीचा व्हिस्कीचा ग्लास ड्रॉव्हरमध्ये ठेवून दिला.

शैलाने केस नीटनेटके केले आणि दार उघडले

“इंस्पेटर विक्रम, व्हॉट अ प्लिझन्ट सरप्राईज!”, आपला आवाज शक्यतो नॉर्मल ठेवत शैला म्हणाली
“गुड इव्हनिंग मिसेस शेखर”
“गुड इव्हनिंग इन्स्पेक्टर”, मुद्दाम इन्स्पेक्टर शब्दावर जोर देत शैला म्हणाली, जेणेकरुन आतमध्ये लपलेल्या जिमी-रोशनला बाहेर कोण आहे ते लक्षात येईल

एव्हाना करणही पुढे आला. इन्स्पेक्टरला तिथे पहाताच त्याच्या चेहऱ्यावरचा रंग उडाला होता. पण स्वतःला नॉर्मल करत त्याने विक्रमही हस्तांदोलन केले

विक्रम अजूनही मुद्दाम दारातच उभा होता, जेणेकरून दुरून दुर्बिणीतून पाहणी करणाऱ्या जाधवना तो दिसू शकेल

“तुम्ही दर वेळी म्हणता या फार्म-हाऊसवर आणि मला कामाशिवाय काही यायला जमत नाही. म्हणलं आलोच आहे ह्या बाजूला तर शेखरना भेटून जाऊ, उगाच दर वेळी त्यांचं मन नको दुखवायला. “, विक्रम

“म्हणजे आजही काहीतरी काम होते म्हणून आलात ह्या बाजूला, असंच ना?”, शैलाने आपले खांद्यावर आलेले केस मानेला हलकासा झटका देऊन मागे ढकलले आणि मान किंचित तिरपी करून विक्रमच्या डोळ्यात डोळे घालून पाहत विचारले

“हो म्हणजे तसंच काहीसं म्हणा.. “, एखादा असता तर शैलाच्या नजरेने घायाळ होऊन गेला असता. पण इं. विक्रम पूर्ण मुरलेला पोलीस अधिकारी होता. शैलाशी बोलतानाचा त्याची नजर हॉलमधील गोष्टींचा वेध घेत होती.

शैला मात्र अजूनही दरवाजातून बाजूला झालेली नव्हती

“इतक्या अंधारात? ह्या आड बाजूला काय काम काढलंत?”
“अं, आज दुपारी, तो एक कॅसिनो लुटायचा प्रयत्न झाला, तुम्हाला कदाचित माहिती नसेलही.. ”

कॅसिनोच नाव ऐकताच आतमध्ये लपलेले जिमी आणि रोशन सावध झाले

“ओह इज इट? नाही, आम्हाला काहीच कल्पना नाही.. ”

निदान विक्रम इथे संदीपमुळे आलेले नाहीत हे ऐकून शैलाला हायसे वाटले. न जाणो, मोहितच्या फोननंतर संदीपने पोलिसांत तक्रार दिली असेल तर?

“कॅसिनो नाही लुटला गेला, पण २-४ मर्डर करुन दोन आरोपी पळाले आहेत, त्याच्या शोधात आहोत आम्ही.. ”
“ओह माय गॉड!” शैला आपला चेहरा तळव्याने झाकत म्हणाली

“पुढेच आमची चेकपोस्ट आहे खरं, पण ते दोघे तिथपर्यंत तर नाही पोहोचले, मध्ये तुमच्या बंगल्याकडे येणार हा एकच रस्ता, म्हणलं ऑल इज वेल आहे ना ते पाहून जावं.. ”

“येस इन्स्पेक्टर, ऑल इज वेल, इथे तरी कोणी नाही आलं”, शैला मुद्दाम सुटकेचा निश्वास टाकत म्हणाली

विक्रमने एकदा करणकडे पाहिले. करण निर्विकार चेहऱ्याने उभा होता

“.. बरं ते जाऊ देत, आमची काम चालूच रहायची. शेखर आहेत?”

“शेखर आहेत खरं, पण झोपलेत जरा ते… “, शैला
“झोपले? इतक्या लवकर?”, घड्याळात वेळ बघत विक्रम म्हणाला

“वेळेचं काय घेऊन बसला आहात? इथे आल्यापासून वेळेचं भानच राहील नाहीये शेखरना. दिवस काय आणि रात्र काय. मूड झाला कि रात्रभर जागे राहतात त्या स्टोरीवर काम करत आणि मग असं कधीतरी आडवेळेला झोपतात.. ” हसत हसत शैला म्हणाली

“ओह बरोबर.. ”

“आता झोपलेत ना, रात्री बसतील पुन्हा लिहायला, म्हणत असाल तर उठवू का?”
“नै नै, नको, झोपू देत, मी पुन्हा कधीतरी येईन”

“बरं ठीक आहे, शेखर उठले कि मी सांगीन त्यांना तुम्ही येऊन गेलात”, शैला

“कधी काही लागलं, तर माझा नंबर आहेच तुमच्याकडे…”, अचानक गंभीर होत विक्रम म्हणाला
विक्रमने पुन्हा एकदा घरात सर्वत्र नजर टाकली आणि तो माघारी वळला.

पि.एस.आय जाधव विक्रमची आतुरतेने वाट बघत होते.

“सर? सगळं ठीक?”
“काहीतरी गडबड आहे जाधव.. नक्की..”

“कश्यावरुन सर? कोणी दिसलं आतमध्ये?”
“नाही, फक्त शैला आणि शेखरचा बॉडीगार्ड करण दोघेच होते .. ”
“मग?”

“सगळ्यात पहिल्यांदा त्यांनी मला आतमध्ये येऊच दिलं नाही. दोघेही दारातच रस्ता अडवून उभे होते”
“दुसरं, घरातल्या टेलिफोनची वायर तुटलेली होती”
“तिसरं, घरातलं फर्निचर जागच्या जागी नव्हतं.. म्हणजे अस्ताव्यस्त होतं अश्यातला भाग नाही. पण शेखर आणि शैला दोघांनाही निटनिटकेपणा अतिशय आवडतो. त्यांचं घरं बघ, कधीही जा, प्रत्येक गोष्ट जागच्या जागी. इथे मात्र, सोफा तिरका, खुर्चीचं तोंड दुसरीकडेच. ड्रिंक्सचे ग्लास जागोजागी पसरलेले…”

“.. सर तिकडे बंगल्यावर डझनभर नोकर आहेत, इथे कोणीच नाही.. त्यामुळे असेल पसारा, फोनची वायर कदाचित चुकून तुटली असेल, किंवा केंव्हाच तुटलेली असेल.. त्यावरून तर्क नाही काढता येणार ..”, विक्रमच वाक्य अर्धवट तोडत जाधव म्हणाले

“बरोबर, पण पोलीस इन्स्टिंक्ट च काय? आपला सिक्स्थ सेन्स? तो सहसा चुकत नाही.. बरोबर ना?”
“बरोबर सर, मग काय करायचं म्हणताय?”
“सध्या तरी आपण ह्या बंगल्यावर पाळत ठेवू. ते दोन कॉन्स्टेबल जे बाहेर उभे आहेत, त्यांना इथे उभं करा. काहीही संशयास्पद दिसलं तर लगेच मला रिपोर्टींग हवंय. ”

“येस सर”

“दुसरी गोष्ट, आपल्याला ह्या घराची ब्लू-प्रिंट हवीय. ह्या घरात जायला अजून दुसरीकडून कुठला रस्ता आहे का बघायला लागेल”, विक्रम

“जाधव, एक काम करा.. “, काही क्षण विचार करून विक्रम म्हणाला, “शेखरचा एक जुना नोकर होता.. अं, रामुकाका.. ते आलेले नाहीयेत इकडे.. ते तिकडे त्यांच्या घरीच असतील.. तुम्ही स्वतः जा आत्ता त्यांच्या घरी आणि काही माहीती मिळतीय का बघा. सोबत काही प्लॅन मिळाला तर उत्तमच, नाही तर निदान रामुकाका तरी नक्की सांगु शकतील.. ”

“ओके सर”

“आणि हो, सिव्हिल ड्रेस मध्ये जा, त्यांना कळू देऊ नका तुम्ही पोलीस आहात . काही कारण सांगा.. उगाच नाहीतर ते पॅनिक होतील.. ”

“ओके सर, निघतो लगेच”, अंधारात विक्रमना एक खाडकन सॅल्यूट ठोकून जाधव निघाले

 

विक्रम निघून गेल्यावर लगेच जिमी आणि रोशन बाहेर आले, पण ते काही बोलणार त्या आधीच करण हळू आवाजात म्हणाला..
“खाली बस.. वाकून पुढे या..”

“का? काय झालं?”, करणला असं घाबरलेला पाहून रोशन अजूनच घाबरला
“गेला ना तो?”, खाली वाकून पुढे पुढे येत जिमी म्हणाला

“माहीत नाही”
“काय झालं करण”, शैला पण करणच्या त्या वागण्याने स्तंभित झाली होती

“तू बघितलंस, विक्रम इथवर चालत आला होता.. हायवे पासून एक दीड किलोमीटर आत, एक इन्स्पेक्टर.. बरोबर पोलीस जिप नाही, कोणी कॉन्स्टेबल नाही, इतक्या अंधारात चालत येईल? काही कारण नसताना?”
“अरे, पण तो तर शेखरना भेटायला आला होता ना?”
“असं तुला वाटतंय, मला नाही. मला वाटतं तो ह्या दोघांना शोधायला आला होता, आणि त्याची पक्की खात्री आहे कि ते दोघे इथेच आहेत”
“कश्यावरुन?”
“मला त्याच्याकडे बघून एकदाही वाटलं नाही कि त्याला आतमध्ये यायचे होते, तो बाहेर दारात थांबूनच खुश होता. हि. टेलिफोनची तुटलेली वायर त्याने नक्की बघितलीय. त्या ज्याप्रकारे व्हरांड्यात उभा होता, मला वाटतंय तिकडे थोड्या अंतरावरुन नक्कीच कोणीतरी लक्ष ठेवून होते इथे.. आणि माझा अंदाज चुकीचा नसेल तर अजूनही नक्कीच तिथे कोण तरी असणार.. ”

“च्यामायला, साला बघतोच कोण आहे..”, आपला सुरा बाहेर काढत जिमी म्हणाला
“थांब जिमी. घाई करू नको. मला वाटते ते अंदाज घेत असतील, आपण एक चुकीचं पाऊल उचलू आणि सरळ तुरुंगात जाऊ”

तुरुंगाचे नाव ऐकून रोशन सॉलिड घाबरला होता. जिमी सुद्धा चेहऱ्यावरून दाखवत नसला तरीही त्याचे हृदय दुप्पट वेगाने धडधडत होते
“शिट्ट अडकलोय आपण.. इकडे तो विक्रम आणि तिकडे तो संदीप.. मला नाही वाटत तो शांत बसला असेल आपल्या फोनची वाट बघत”, शैला चरफडत म्हणाली … “करण काय करायचं आपण?”

“थांब मला विचार करु देत”, करणने बारमधून व्हिस्कीची एक बॉटल काढली आणि ऑन-द-रॉक्स दोन ३० एम.एल चे पेग्स रिचवले

“तुम्ही बसा साला विचार करत, मी जातो अंधारातून आणि तिथे कोणी असेलच तर साल्याची आतडी सोलून येतो…”, जिमी चुळबुळ करत म्हणाला
“जिमी, एक काम कर.. तुला लै हौस आहे ना बाहेर जायची.. एक काम करंच मग.. लपत लपत जा आणि जरा अंदाज घेऊन ये.. तिथे खरंच कोण आहे? का आपण आपल्या मनाचे खेळ करतोय.. ”

“जातो.. असेल कोणी तर सोलतो तिथेच..”
“नाही.. तसलं तू काही करणार नाहीयेस.. उगाच सापाच्या शेपटीवर पाय देऊ नकोस.. गपचूप जा आणि फक्त पाहणी करून ये.. रोशन, काही सेकंड दिवे बंद कर, जिमी तू हळूच दार उघड आणि अंधारात सटक, इथे दिव्यांच्या प्रकाशात आपल्या सावल्या बाहेर दिसत असतील.. ”

“जिमी..”, करण जिमीच्या दंडाला धरत म्हणाला.. “कुठलाही फालतूपणा नकोय.. शांतपणे जा.. आणि शांतपणे ये.. कळलं?”

जिमीने आपले खांदयावर रुळणारे केस रबराने बांधले, आपला सुरा घेतला आणि रोशनने दिवा बंद केल्या केल्या, हळूच दरवाजा उघडून बाहेर सटकला.

“शैला, तू टीव्ही चालू कर, मी आतल्या खोलीतला दिवा चालू करतो.. पटकन, जास्त वेळ अंधार दिसता कामा नये.. “, करणंच डोकं संगणकाप्रमाणे काम करायला लागले होते

शैलाने पटकन टीव्ही चालू केला

रोशन, शैला आणि करण आतल्या खोलीत दिवे लावून बसले

प्रत्येक पाऊल सावधपणे टाकणे महत्वाचे होते आणि आत्ता तरी सर्वांचं भवितव्य जिमीच्या हातात होते.

“रोशन, बाहेर जी पजेरो उभी आहे.. तू बाहेर जा, हळूच मागचे दार उघड आणि थर्ड-रोच जे सीट आहे ते कोलॅप्स करून आडवं करुन ठेव?”, जिमी बाहेर गेल्यावर करण रोशनला म्हणाला

“का?”
“जिमी परत आल्यावर कदाचित आपल्याला इथून सटकावं ही लागेल, शेखरची बॉडी इथे ठेवून चालणार नाहीए, आपल्याला गाडीत मागे जागा करावी लागणार आहे?”,

“पण मी का? तू जा आणि कर”, रोशन वैतागुन म्हणाला
“मग तू काय फुकटचे पैसे घेणार? हे बघ रोशन इथे तू मी करत बसायला वेळ नाहीए. जिमी सुद्धा काही न बोलता त्याचं काम करायला गेलाय.. इथल्या बऱ्याच गोष्टी आवरायचा आहेत.. मला आणि शैलाला इथलं सगळं माहितेय.. प्लिज ऐक माझं.. ”

“करण, विसरला असशील तर परत सांगतो, बंदूक माझ्याकडे आहे.. आणि जिमी इथून फार दूर नाहीए, सो शहाणपणा नकोय..”, रोशन उसनं अवसान आणून म्हणाला
“कमॉन रोशन, इथे आपण सगळेच अडकलो आहोत.. शहाणपणा करणं कुणालाच परवडणार नाहीए. शहाणपणा करायचाच असता तर तो विक्रम इथे असतानाच केला असता.

रोशनची बाहेर जायची मनाची तयारी होतं नव्हती. शेवटी हो नाही करता करता तो तयार झाला..

रोशन बाहेर गेल्या गेल्या करण शैलाच्या अगदी जवळ गेला आणि हळू आवाजात म्हणाला

“आपल्याला ह्या दोघांचा काटा काढावा लागेल..”
“ओह गुड, से समथिंग न्यू करण, ते तर मलाही माहितीय, पण कसं?”
“ते तू माझ्यावर सोड, फक्त मला हे जाणून घायचंय कि तू माझ्यासोबत आहेस ना? तुझा माझ्यावर विश्वास आहे ना?”
“ऑफकोर्स करण, असं का विचारतो आहेस?”

“हे बघ, का आणि कसं हे सगळं बोलायला आत्ता आपल्याकडे वेळ नाहीए. जिमी, रोशन इथे आल्यावर त्यांच्यासमोर आपल्याला बोलता येणार नाहीए.. पण आपल्या प्लॅनचा एक अतिशय महत्वाचा भाग जो आहे तो तुझ्या सहकार्याशिवाय पूर्ण होऊ शकणार नाहीए”
“काय करायचंय करण?”
“करायचं मला आहे, तुला सहन करायचंय”
“करण तू काय बोलतो आहेस, मला काही कळत नाहीए”
“शैला मी तुझ्यावर भयंकर विकृत रेप करणार आहे आणि त्यानंतर अतिशय हिंसक मारहाणही.. ”
“करण?? तुला कळतंय का तू काय बोलतो आहेस? शुद्धीत आहेस का?”
“ट्रस्ट मी शैला, वेळ आली कि मी सगळं सांगेन.. प्लिज ट्रस्ट मी.. सगळं प्लॅन प्रमाणे गेले तर ते ७५ करोड आपले असतील.. ”

शैला पुढे काही बोलणार इतक्यात रोशन आतमध्ये आला

 

बाहेर मिट्ट काळोख होता. डोळे अंधाराला सरावेपर्यंत जिमी जमिनीवरच कसलीही हालचाल न करता झोपून राहिला. करण म्हणत होता तसं खरंच असेल तर, दुरुन कुठूनही एखादी गोळी येऊन शरीराचा वेध घेईल ह्याचा नेम नव्हता.

काही क्षण गेल्यावर जिमीने आजूबाजूचा कानोसा घेतला. जवळपास तरी कोणी असेल असं त्याला वाटत नव्हतं. जमिनीलाच लागून जिमी हळू हळू सरपटत पुढे सरकु लागला. त्याच्या नशिबाने बंगल्याचे कुंपणाचे गेट उघडेच होते, त्यामुळे कसला आवाज होण्याची शक्यता नव्हती. सरपटतच तो बाहेर आला आणि शेजारच्या झाडीत शिरला.

काही मीटरमध्येच त्याला धाप लागली होती. परिस्थिती त्याला वाटली तेव्हढी सोपी नव्हती. झाडीत घुसताच, डासांचा एक मोठ्ठा थवा गुणगुण करत जिमीच्या अंगावर चढला. मोठ्ठे, टपोरे डास जिमीच्या अंगाला कडकडून चावट होते.

जिमी आपला श्वास नियमित होईपर्यंत झाडीत उभा राहिला आणि मग दबक्या पावलानी तो हळू हळू पुढे सरकू लागला.
दोन पाऊल टाकायचे, मग थांबायचे, कानोसा घ्यायचा आणि मग परत दोन पाऊल पुढे ह्या वेगाने तो पुढे सरकत होता.

प्रत्येक पाऊल टाकताना आधी पायाखाली कुठली वाळकी काटकी नाही ना, प्लास्टिक ची बॉटल, खाद्य पदार्थांचं रॅपर किंवा ज्याच्यावर पाय पडल्यावर आवाज होईल असं काही नाही ना हे दहा वेळा त्याला तपासावं लागत होते.

शेवटी हळूहळू तो त्या छोट्याश्या पुलापर्यंत, जेथून शेखरच फार्म हाऊस स्पष्ट दिसत होते, तिथपर्यंत पोहोचला. आजूबाजूला कोणीच नव्हते. हळूच तो झाडीतून बाहेर आला. त्याच्या हृदयाची धडधड त्याला स्पष्ट ऐकू येत होती.

आजूबाजूला नक्की कोणी नव्हते.

जिमीने सुटकेचा निश्वास सोडला. हलकं होण्यासाठी रस्त्याच्या कडेला जाऊन त्याने पॅन्टची झिप उघडली आणि त्याने युरीन करायला सुरुवात केलीच होती तोच त्याला दुरुन दोन व्यक्तींची कुजबुज ऐकू आली.

नक्कीच तो भास नव्हता. जिमीने पटकन आपली झिप लावली आणि काही अंतर पुढे जाऊन तू रस्त्यावर आडवा पडला .

त्या व्यक्तींचा आवाज आता जवळ जवळ येत होता.

विक्रमने रस्त्याच्या फाट्याला थांबवलेले ते दोन कॉन्स्टेबल आता त्यांच्या नव्या जागी, म्हणजे त्या पुलापाशी थांबायला येत होते

जिमीला अंधारात कोण आहे ते दिसत नव्हते, पण त्यांचा आवाज त्याला आता बऱ्यापैकी ऐकू येत होता. आवाज जवळ जवळ येत गेला आणि मग काही अंतरावर थांबला. जिमी आजिबात हालचाल न करता जमिनीला चिकटून झोपला होता.

त्या दोघांच्या आवाजावरून त्या व्यक्ती काही अंतरावर थांबल्या आहेत हे जिमीने ताडले. पोलिसांव्यतिरिक्त इथं अंधारात दुसरं कोणी येण्याची शक्यता नव्हती. करण म्हणत होता ते खरंच होतं.

जिमी पुन्हा हळू हळू शेजारच्या झाडीत शिरला आणि दबक्या पावलांनी तो बंगल्यात परतला.

 

जिमी खोलीत शिरला तेंव्हा तो घामाने चिंब भिजला होता, झाडाची तुटलेली पान , माती त्याच्या सर्वांगाला चिकटली होती.

“दोघे जण आहेत तिथे.. आत्ताच आलेत साले.. “, जिमी दम खात म्हणाला
“नक्की पोलीस आहेत? तू पाहिलेस?”, रोशनने विचारले
“साल्या.. इथे अंधारात झक मारायला दुसरे कोण येणारे..?, करण.. इन्स्पेक्टर आहे का हवालदार मला कळले नाही, अंधारात काहीच दिसत नाहीए, पण दोघेजण आहेत नक्की..”

“माझा अंदाज खरा होता, त्यांनी इथं लक्ष ठेवायला त्यांना उभं केलंय .. मला वाटत नाही, फार वेळ ते इथं असतील, विक्रमच्या डोक्यात नक्की काहीतरी चालू असणार… तो नक्कीच कश्यासाठी तरी गेला असणार, मला वाटतं तो परत येईल..”

करणने घड्याळात नजर टाकली, रात्रीचे ९ वाजुन गेले होते ..

“आता?”, शैला
“आपल्याला शेखरची बॉडी इथून हलवावीच लागेल, दुसरा पर्यायच नाहीए, विक्रम आला इथे तर आपण फसलो पूर्ण”, करण

“आपण ठरवलेला पहिला प्लॅन बदलावा लागेल.. एक अर्धवट आयडिया आहे डोक्यात… धोका प्रचंड आहे.. पण मला दुसरं काहीच सुचत नाहीए..”, करण
“बोल पटकन..”, जिमी
“आपल्याला एक नाटक करावं लागेल.. “, करण

“नाटक?”, जिमी, रोशन, शैला, तिघंही एकदमच म्हणाले..

“हम्म, नाटक.. एक अर्धवट स्क्रीनप्ले डोक्यात आहे, फार वेळ न घालवता, आपल्या ह्या नाटकाची स्क्रिप्ट फुलप्रूफ पूर्ण करुन ते नाटक सकाळ व्हायच्या आत.. किंवा खरंतर विक्रम परत यायच्या आत संपवायचं आहे.. ”

“काय आहे डोक्यात तुझ्या?”, शैला म्हणाली
“सांगतो..”, असं म्हणून करणने आपला नवीन प्लॅन सांगायला सुरवात केली

 

[क्रमशः]

डबल-क्रॉस (भाग १२)


डबल-क्रॉस (भाग ११) पासून पुढे >>

मोहित घाबरुन पटकन जागचा उठला आणि वेदनेची एक तीव्र कळ त्याच्या पायातून मस्तकापर्यंत गेली. शैलाची गोळी मोहितच्या गुडघ्यात घुसली होती आणि त्याच्या गुडघ्याच्या वाटीचा पार भुगा झाला होता. मोहीत जिवाच्या आकांताने ओरडला आणि खाली कोसळला. त्याला असह्य वेदना होऊ लागल्या होत्या आणि त्या सहन न होऊन तो जोरजोरात ओरडायला लागला. त्या भयाण शांततेत मोहीतच ते किंचाळणं अधिकच भेसूर वाटत होते.

शैलाने पिस्तुलची नळी मोहितकडे वळवली, पण ह्या वेळी करण अलर्ट होता. त्याने शैलाचा हात सावकाश खाली केला.

शैला अजूनही भानावर आलेली नव्हती. तिचे डोळे विस्फारलेलेच होते, जोर-जोरात श्वास घेण्याने तिची छाती वेगाने खालीवर होत होती. तिच्या घश्यातुन तिच्याही नकळत ‘हम्म हम्म’ असा आवाज येत होता.

करणने सावकाश ते पिस्तुल काढून घेतले.

“जगायचं असेल तर तुझा आवाज बंद कर”, करण दबक्या आवाजात मोहीतला म्हणाला
“भेंचोद, इथे गुडघा फुटलाय माझा, हि साली हरामी.. हिने.. हिने गोळी घातलीय पायात माझ्या भेंचोद, स्वतःच्या पायात गोळी घालून मग दाखव शांत होऊन”, मोहितने दोन्ही हाताने आपला गुडघा दाबून धरला होता आणि त्यातून वाहणारे रक्त थांबवण्याचा तो असफल प्रयत्न करत होता.

 

मोहितचा चेहरा घामाने डबडबला होता. वेदना आणि भीतीने त्याचा चेहरा भेसूर भासत होता

“साला.. हिचे डोळे बघ कसे झालेत, .. सायको आहे का हि?”
“प्लिज.. मोहित.. जरा शांत बस …”, करण समजावणीच्या सुरात म्हणाला. खुद्द करणलाही शैलाची काही खात्री देता येत नव्हती
करण पटकन बेडरूम मधून एक बेडशीट घेऊन आला

“फाड हि आणि बांध घट्ट पायाला, तोपर्यंत मी हिला बघतो..”, असं म्हणून तो शैलाला घेऊन आतल्या खोलीत निघून गेला. शैलाला त्याने बेडवर बसवले, मग परत लिव्हिंग रुम मध्ये येऊन त्याने बार कॅबिनेट मधून स्कॉचचा एक लार्ज पेग बनवला, दोन बर्फाचे क्युब्स त्यात टाकले आणि परत शैलाकडे गेला.

शैलाने तोवर तिच्या पर्समधून कसलीशी एक औषधाची गोळी घेतली होती आणि ती बेसीनपाशी उभं राहून तोंडावर पाण्याचे सपकारे मारत होती.

“आर यु ऑलराइट?”, हातातला ग्लास शैलाला देत करण म्हणाला
“बेटर..”, शैला बेडवर बसली आणि तिने करणने आणलेला तो स्कॉचचा ऑन-द-रॉक्स पेग टॉप-टू-बॉटम संपवला
“नीड मोर?”
“नो”

बाहेरुन मोहितच्या कर्कश ओरडण्याचा अजूनही आवाज येत होता

“ह्याच काय करायचं?”, शैला मानेनंच बाहेर खुणावत विचारलं, “ही नोज टू मच. ह्याला सोडून देणं आपल्याला परवडणार नाही”
“आय नो, पण त्याला लगेच मारून टाकण्यात अर्थ नाही.. ऑलरेडी इथं शेखर आणि आता इशिताची बॉडी पडलेली आहे.. त्यात अजून ह्याची भर नको”
“हम्म, खरंय, पण मग?”
“मला थंड डोक्याने थोडा विचार करु देत.. “, खोलीत येरझाऱ्या घालत करण म्हणाला
“हो, पण हा असा ओरडत बसलाय, माझं डोकं उठलंय त्याच्या आवाजानं .. “, डोकं दोन्ही हाताने दाबून धरत शैला म्हणाली

“माझ्याकडे काही पेन-किलर गोळ्या आहेत..सकाळी मोहितने घेतल्या होत्या… आणि शेखरच्या काही झोपेच्या गोळ्या सुद्धा आहेत..”, अचानक आठवलं तसं शैला अगदी हळू आवाजात म्हणाली
“गुड आयडिया … “, करणने बाहेरून पटकन अजून एक स्कॉचचा पेग बनवून आणला. शैलाने तो पर्यंत गोळ्यांची पुड बनवली होती.

“जास्ती नाहीयेत ना झोपेच्या गोळ्या?”, करण
“डोन्ट वरी”, असं म्हणून शैलाने ती पूड त्या ग्लासमध्ये मिक्स केली

 

करण ग्लास घेऊन बाहेर मोहितपाशी गेला

मोहितच्या पायावर जणू गुडघा दिसतच नव्हता, तिथे केवळ एक मासाचा गोळा असल्यासारखं भासत होतं. मोहितने ती बेडशीट एव्हाना फाडून मांडीभोवती घट्ट गाठ मारून बांधली होती.

करणने ग्लास पुढे केला तसा मोहितने तो ग्लास पटकन ओढून घेतला आणि गटागटा पिऊन टाकला

“आय नीड डॉक्टर.. प्लिज.. मी कुणाला काही बोलणार नाही.. प्लिज.. “, मोहीत म्हणाला
“येस .. येस .. मी करतो फोन, यु टेक रेस्ट, बॅटरी डाऊन आहे, मी करतो फोन चार्ज झाला कि”
“त्या वेडी पासून लांब रहा, आय एम टेलिंग यु..”, मोहित शैला नाहीए ना ह्याची खात्री करत करणला म्हणाला

करणने मोहीतला सावकाश सरकवत एका कोपऱ्यात न्हेलं आणि त्याला जमिनीवर आडवं केलं, आणि तो पुन्हा बेडरुम मध्ये आला.

काही मिनिटं मोहितच्या विव्हळण्याचा, शैलाला शिव्या घालण्याचा आवाज येत राहिला आणि मग काही वेळाने त्याच्या आवाजाची तीव्रता कमी होत गेली. साधारण अर्ध्या तासात मोहीत झोपून गेला

करणने एकवार मोहीत झोपल्याची खात्री केली आणि मग तो शैला होती त्या बेडरुममध्ये आला

 

“टू मेनी प्रॉब्लेम्स.. आधी शेखरच्या बॉडीचं काय करायचं हा प्रश्न होता, त्यात आता अजून इशिताच्या बॉडीच भर. हे कमी म्हणून कि काय, त्यात हे किडनॅपिंगचं नवीनच लफडं. संदीपला शेखरचा फोन नाही गेला तर तो अलर्ट होईल..”

करण खोलीत येरझाऱ्या घालत स्वतःशीच बोलत होता

“शैला, तुम्ही गेल्यानंतर ते परत येईपर्यंत काय काय झालं ते सगळं नीट, कसलाही तपशील न गाळता सांग.. ”

शैलाने पहिल्यापासून सगळा वृत्तांत करणला सांगायला सुरुवात केली .

“म्हणजे संदीप पैसे द्यायला तयार आहे जर शेखरशी त्याचं बोलणं झालं तर.. बरोबर?”, मध्येच शैलाला थांबवत करण म्हणाला
“माहीत नाही, म्हणजे तसं तो स्पष्ट काही बोलला नाही. शेखरशी बोलणं झाल्यावर पुढंच बघू एवढंच तो म्हणाला..”
“बरं.. पुढे?”

शैलाच पुढचं बोलणं त्याने शांतपणे ऐकून घेतले

 

“मोठ्ठा प्रॉब्लेम झालाय एकूण..”, खुर्चीत रेलून बसत डोक्यावरुन हात फिरवत करण म्हणाला.. “आता शेखरचं कुठुन बोलणं घडवून आणणार संदीपशी.. आणि नाही फोन केला तर संदीपला संशय येईल.. ”

“तुला काय वाटतं? संदीपने पोलिसांना कॉन्टॅक्ट केला असेल? का तो सहज पैसे देऊन टाकेल?”, शैलाने विचारले
“नाही, मला नाही वाटत इतक्यात त्याने पोलिसांना फोन केला असेल. ही मस्ट बी बँकिंग ऑन मी.. मी इथे आहे तर परिस्थती हॅण्डल करेन हा विश्वास असेल त्याला. उद्या शेखरशी बोलणं झाल्यावर कदाचित तो काही हालचाल करेल.. शेखरशी बोलणं झालं तर् .. ”

करण आणि शैला दोघेही विचारात गढून गेले, पण कुणालाच काही सुचेना.

“कधी फोन करायचाय संदीपला?”, वैतागून करणने विचारले
“उद्या”
“ठीके, आहे आपल्याकडे अजून थोडा का होईना वेळ आहे विचार करायला. त्याआधी इशिताच्या बॉडीचं काहीतरी करायला हवं.. तू तिला मारायला नको होतंस शैला…”
“का? ती तुझी गर्लफ्रेंड होती म्हणून? आणि मला सांग, तिने विचार केला असता का गोळी मारताना?”
“नाही तसं नाही, पण आता आपल्या हातून खरोखरंच एक गुन्हा घडलाय, शेखरचा मृत्यू एक अपघात होता हे सिद्ध होऊ शकेल, पण इशिताचा???.. कदाचीत नाही.. ”
“एनीवेज, ते नंतर बघू.. आधी इशिता आणि मोहीतच काय करायचं ते ठरवाव लागेल .. ”

“इशिताला आपण तिकडे ती केबिन आहे ना.. तिकडे खड्यात पुरुन टाकू.. मोहीत बाबत मात्र घाई नको करायला.. त्याला कुठे वापरता येते का बघू. नाहीच काही तर शेखरच्या खुनाचा आरोप त्याच्यावर ढकलायची काहीतरी अरंजमेण्ट करु.. ”
“ठीके, पण तो उठला कि परत ओरडा-आरडी सुरु करेल मग?”

“एक मिनिट, तू खाली एक तळघर आहे म्हणाली होतीस, हॉल मधून रस्ता आहे.. “, थोडा विचार करुन करण म्हणाला
“हो आहे.. गुड आयडीया, खाली कितीही तो ओरडला तरी त्याचा आवाज येणार नाही… ”

दोघेही हॉलमध्ये आले. शैलाने फायर-प्लेसच्या शेजारी भितीतले एक छोटे कपाट वाटेल असे दार उघडले आणि करणला खाली तळघरात जायचा रस्ता नजरेस पडला.

“ठीके.. न्हेऊयात खाली?”, करणने संमती दर्शवत विचारले
“हो, पण मला वाटतं आधी इशिताला तिकडे न्हेऊन पुरुन टाकु?”, शैला म्हणाली
“का?”
“बाहेर बघ..”, शैला बाहेर बोट दाखवत म्हणाली
बाहेर कुंद हवा पडली होती. नावालाही वारा नव्हता.

“कुठल्याही क्षणी जोरदार पावसाला सुरुवात होईल आणि मग इशिताला बाहेर घेऊन जाणं अवघड होईल. तसाही हा झोपलाय, आपण आधी तिला पुरुन येऊ?”
“मेक सेन्स..”, असं म्हणून करण पुन्हा बेडरुम मध्ये गेला आणि येताना एक मोठी बेडशीट घेऊन आला

“झोळी करु ह्याची, न्यायला सोपं पडेल”
शैलाने मान डोलावली, आपल्या मोकळ्या सोडलेल्या केसांची पोनी बांधली आणि मग करण आणि शैलाने इशिताची बॉडी बेडशीटवर ठेवली.

“खड्डा खणायला आहे काही फावडे, कुदळ वगैरे?”
“नाहीए, पण शेखर बागकाम करायला छोटी खुरपं वगैरे वापरायचा.. ते चालेल?”, शैला विचार करत म्हणाली
“नाही, त्याने वेळ खूप लागेल.. अजून काही?”, करण इकडे तिकडे बघत म्हणाला

“तू थांब मी बघतो आजूबाजूला..”, असं म्हणून करण बंगल्याच्या मागच्या बाजूला गेला. पण शैला म्हणाली ते खरंच होतं, सहजतेने खड्डा खणता येईल असं काहीच अवजार आजूबाजूला नव्हतं.

करणने आपला मोर्चा कुंपणाकडे वळवला. लोखंडी जाळी लोखंडी रॉड्सला गुंडाळलेल्या प्रकारातले ते कुंपण होते. ती जाळी तोडून वेगळी केली तर ते लोखंडी रॉड्स कामास येऊ शकत होते.

करणने एक मोठ्ठा दगड उचलला आणि त्या जाळीवर प्रहार करायला सुरुवात केली. बराच वेळ प्रहार केल्यावर हळू हळू त्या जाळीचे टोक त्या लोखंडी रॉड पासून सुट्टे होऊ लागले. एव्हाना शैला सुद्धा त्याच्या मदतीला आली होती. दोघांनी खूप प्रयत्न करुन अखेर एक रॉड मोकळा केला.

 

आता दुसरं संकट पुढे उभं होतं. त्या रॉड्सचं बेस जमिनीत सिमेंटमध्ये रोवलेला होता.

करणने सगळी ताकद लावून तो रॉड जमिनीतून बाहेर काढायचा प्रयत्न केला, पण तो रॉड काही जागचा हलायचा नाव घेईना. करण पुरता घामाघूम झाला होता. पण दुसरा पर्यायही नव्हता.

करणने संतापून त्या रॉडला जोरात लाथ घातली.. “भेंचोद.. निघ ना साल्या…. ”
“करण प्लिज.. चिडून काही होणार नाहीए…”, करणला शांत करत शैला म्हणाली.
दोघांनी मिळून पुन्हा तो रॉड हलवून हलवून जमिनीतून बाहेर काढायचा प्रयत्न केला. पण तो रॉड जमिनीत चांगलाच घट्ट बसला होता

शैलाने बरोबर घेतलेले माती खुरपण्याचं खुरपं घेतलं आणि त्या रॉडच्या बाजूने खड्डा खणायला सुरुवात केली. काम वेळखाऊ होते, पण शेवटी तो रॉड सिमेंटच्या बेससकट जमिनीतून थोडा मोकळा झाला.

करणने पुन्हा तो रॉड हलवून हलवून जमिनीतून शेवटी बाहेर ओढला. त्याने तो रॉड उचलून बघितला, खाली सिमेंटचा बऱ्यापैकी मोठ्ठा गोळा असल्याने एकट्याने उचलला जात असला तरी तो बराच जड होतं होता.

“ह्यांनी खड्डा नाही खणता येणार.. खूप जड आहे..”, करण निराश होत म्हणाला
“पण दुसरा पर्याय नाहीए करण, आपण दोघे मिळून करु .. चल..”

शेवटी हो नाही, हो नाही करता करता करण आणि शैला तो रॉड घेऊन पुन्हा व्हरांड्यात आले.
“एक मिनिट थांब, मी किल्ली घेऊन येते”, शैला म्हणाली
पावसाचे बारीक पण टपोरे थेंब पडायला सुरुवात झाली होती

“सोड ना, तो कै उठणार नाहीए, चल लवकर”, करण घाई करत म्हणाला
करणने तो रॉड इशिताच्या वरच बेडशीटवर टाकला आणि दोघांनी इशिताला ठेवलेल्या बेडशिट्सची दोन टोक पकडून बाहेर पडले.

 

इशिताला उचलून त्या केबिनपर्यंत जाईपर्यंत दोघांनाही चांगलीच धाप लागली होती.
केबिनपाशी पोहोचताच शैलाने जमिनीवरच बसकण मारली

“शिट्ट, उगाच ऐकलं तुझं करण, सरळ पोलिसांना फोन केला असता तर हि वेळ आली नसती. एक गोष्ट लपवायला दुसरं, दुसरं लपवायला तिसरं असला प्रकार चाललाय सगळा”, शैला संतापाच्या सुरात म्हणाली

“गप्प बस, माझं ऐकलंस म्हणूनतरी आज अजूनही आपण मोकळे आहोत.. थोडं डोकं वापरलं तर अजूनही सर्व काही आपल्या हातात आहे.. तुझं ऐकलं असतं तर आपण आत्ता तुरुंगात असतो.. “, करण शैलावर खेकसत म्हणाला

दोघेही श्वास नियमित होईपर्यंत जमिनीवर बसून राहिले, परंतु हातात फार वेळ नव्हता आणि पावसाची रिपरिपहि सुरु झाली होती. करणने थोडी भुसभुशीत जमीन शोधली आणि खोदायला सुरुवात केली

पहिल्या दोन तीन घावातच करणच्या लक्षात आले, हे काम जितके अवघड वाटले होते त्यापेक्षा कित्तेक पटीने अधिक कठीण होते. तो जड रॉड उचलण्यातच बरीचशी शक्ती वाया जात होती आणि त्यामुळे त्याचा जमिनीवरचा आघात म्हणाव तीतका परिणामकारक ठरत नव्हता.

पाऊणतासाच्या अथक प्रयत्नानंतरही जेमतेम एखादं दुसरं रोपट लावण्याइतपतच खड्डा तयार झाला होता.

“धिस वोन्ट वर्क, आपल्याला किमान दोन फूट बाय पाच फूट तरी खड्डा हवाय, ह्याच वेगाने जात राहिलो तर रात्र होईल”, करण वैतागून म्हणाला

करणने तो रॉड फेकून दिला आणि झाडाला टेकून खाली बसला.

“मग आता काय करायचं? नदीत सोडून देऊया का?”, शैलाने अधिरतेने विचारले
“नको, एक तर बॉडी पाण्यात बुडणार नाही, उगाच वहावत दुसऱ्या कुठल्या किनाऱ्यावर गेली आणि कुणाच्या नजरेस पडली तर नसती पंचाईत”

 

काही काळ शांततेत गेला आणि मग अचानक शैलाला काहीतरी आठवले

“करण, रामुकाकांनी ना कुठेतरी एक झाडांच्या खतासाठी खड्डा बनवला होता. आम्ही इकडे राहायचो तेंव्हा सगळा ओला कचरा ते कुठल्याश्या खड्यात पुरायचे..”
“गुड.. व्हेरी गुड… कुठे?”
“कुठे ते मला कसं माहीत असणार, मी थोडी न त्यांच्याबरोबर जायचे कचरा घेऊन..”
“बंगल्याच्या मागे होता का?”
“नाही, इकडेच यायचे कुठेतरी ह्या केबिनच्या आजूबाजूला”
“चल मग शोधू तो”

दोघंही नव्या जोमाने उठले. काही वेळ शोधा शोध केल्यावर केबिनच्या थोडं मागे कचऱ्याच्या दुर्गंधीचा वास तीव्र होऊ लागला आणि काही अंतरावर अखेर ती जागा सापडली.

करण ने नाकाला रुमाल बांधला आणि खड्यातून तो अर्धवट जिरलेला कचरा उकरून काढायला सुरुवात केली. खड्डा पूर्ण रिकामा झाल्यावर अखेर करणच्या चेहऱ्यावर थोडेसे हास्य पसरले. अगदी हवा तितका मोठा नसला तरी इशिताची बॉडी कशीबशी मावू शकेल इतपत तो खड्डा नक्कीच मोठा होता.

पुन्हा करण आणि शैला केबिनपाशी गेले, इशिताची बॉडी ओढत ओढत त्या खड्यात आणून टाकली आणि वरुन बाकीचा कचरा आणि माती लोटून टाकली.

“हुश्श.. डन .. ”
“येस्स.. डन”

करण आणि शैलाने एकमेकांना टाळी दिली

 

पावसाने आता बऱ्यापैकी जोर धरला होता. दोघंही जण आधी घामाने आणि आता पावसाच्या धाराने निथळून निघाले होते.

ओला झालेला टी शर्ट शैलाच्या अंगाला घट्ट चिकटून बसला होता आणि आधीच आकर्षक असलेली शैलाची फिगर उठून दिसत होती, तर करणचे हाताचे, मानेवरचे स्नायू श्रम करून टरारून फुगले होते. दोघांच्याही डोळ्यात एकमेकांबद्दलचे आकर्षण, ओढ स्पष्ट दिसून येत होती.

करणने शैलाला आपल्या जवळ ओढले आणि आपले ओठ तिच्या ओठांवर टेकवले
“उम्म्म..”, त्याला दूर लोटत शैला म्हणाली, “सगळा कचऱ्याचा वास येतोय तुझ्या अंगाला, जा आधी घरी जाऊन आंघोळ कर.. ”
“मागच्या वेळेला राहिलंच आपलं, केबिन आहे आणि आपल्या तिघांशिवाय इथं कोणीच नाही..”, शैलाला परत जवळ ओढत करण म्हणाला
“तिघं?”
“हो मग.. तू मी आणि इशिता..”, करण हसत हसत म्हणाला
“जा मग, घे तिलाच केबिन मध्ये, आय निड अ हॉट वॉटर शॉवर .. “, असं म्हणून शैला बंगल्याकडे पळाली, करणंही तिच्या मागोमाग धावला

 

करण बंगल्यापाशी पोहोचला तेंव्हा शैला दारातच उभी होती.. तिच्या चेहऱ्यावर काळजी स्पष्ट दिसत होती..

“शैला.. काय झालं?”
“मोहीत… ”
“मोहीत? काय झालं मोहीतला..”, शैलाला बाजूला ढकलून करण आतमध्ये शिरला

जिथे मोहित झोपला होता ती जागा आता रिकामी होती.
करणने घड्याळात नजर टाकली, त्यांना बाहेर पडून २ तास होऊन गेले होते

“शिट्ट.. आतमध्ये बघू कुठे आहे का?”, असं म्हणून करण आतल्या खोल्यामध्ये बघायला गेला
शैला अजूनही थिजून दारातच उभी होती

काही वेळाने करण बाहेर आला.. “मोहित आत नाहीए

“तो फार लांब नसेल गेला.. आधीच त्याला चालता येत नाहीए, त्यात हा पाऊस, चल शोधू आपण. उजव्या बाजूला नदी आहे, मागे बंगल्याचं कुंपण आणि नदीच. फक्त डावीकडूनच रस्ता आहे.. मला नाही वाटत तो हाय-वे पर्यंत पोहोचला असेल..

“हे तुझ्यामुळे झालं करण, मी चांगलं दाराला कुलूप लावून आले असते तर तो बाहेर गेला नसता”, शैला चिडून म्हणाली
“हो, पण मी तुला दार उघड टाकून ये नव्हतो म्हणालो, निदान दाराला कडी तरी लावायचीस बाहेरून..”
शैलाने काहीतरी बोलायला तोंड उघडले, पण हि वेळ भांडण करण्याची नाही हे तिच्या लक्षात आले

करण आपली रिव्हॉल्व्हर घ्यायला आतमध्ये गेला आणि त्याच्या लक्षात आले कि त्याची रिव्हॉव्हलर सुद्धा गायब आहे.

“शैला.. तुझी रिव्हॉव्हलर आहे तुझ्याकडे?”
“का? तुझी कुठे गेली?”
“माहीत नाही, आतमध्ये नाहीए, कदाचित मोहित..”
“व्हेरी गुड, म्हणजे आता ह्या आधीच पाऊस त्यात अंधारून आलेले आणि आपण ज्याला शोधतोय तो कुठे लपलाय माहित नाही.. कदाचित तो आपल्याला बघू शकत असेल.. तुझी रिव्हॉल्व्हर घेऊन.. कधी कुठून गोळी येऊन लागेल काही भरोसा नाही.. “, शैला परत संतापून म्हणाली

“हे बघ, तुला यायचं नसेल तर तू घरीच थांब, मी जातो शोधायला”
“आय होप करण, ऑल धिस एंड्स सुन .. “, शैला करणच्या नजरेला नजर मिळवत म्हणाली
“लेट्स गो देन.. ”
“करण .. मोहीत जर पोलिसांपर्यंत पोहोचला तर आपला खेळ खल्लास.. ”
“डोन्ट वरी, तो फार लांब नसेल गेला, वुई विल कॅच हिम.. चल…”

शैलाला जवळ जवळ ओढतच करण बाहेर पडला.

थोड्याच वेळात त्यांनी तो पूल पार केला आणि ते जंगलाच्या रस्त्याला लागले

“मला वाटत नाही मोहित ह्या पायवाटेने गेला असेल.. त्याला आधीच चालता येत नाहीए, तो वेगाने नाही जाऊ शकणार. अर्थात त्याला आपण पकडले जाऊ ह्याची खात्री असणार, मला वाटतं तो समोरच्या झाडीतून गेला असेल..”, करण पायवाटेच्या कडेने वाढलेल्या झाडाकडे बोट दाखवत म्हणाला

त्याने शैलाकडून तिची रिव्हॉलव्हर घेतली आणि दोघे जण त्या दाट झाडीत शिरले.

 

ह्या सगळ्या घटनाक्रमापासून दूर, पण काही अंतरावरच एका खोलीमध्ये जिमी, रितू आणि रोशन एकमेकांचा हात पकडून उभे होते.

“ऑल सेट?”, जिमीने विचारले
“येस्स.. ऑल सेट”, रोशन आणि रितू एकदमच म्हणाले
“आता इथून माघार नाही.. बरोबर?”
“येस्स.. बरोबर..”

जिमीने आपला केसांचा फुगा सोडला तसे त्याचे मानेच्याही खालपर्यंत रुळणारे केस मोकळे झाले. टेबलावरचे एक रबर उचलून जिमीने ते केस एकत्र बांधून टाकले. त्याच्या डोळ्यात एक वेगळीच, खुनशी चमक झळकत होती

“जिमी.. नो ब्लड बाथ राईट?”, रोशनने काहीसे घाबरत विचारले
“डोन्ट वरी, ह्याची गरज मला कधीच पडली नाही, नुसतं बघितला तरी लोक थरथर कापतात..”, ड्रॉवर मधून आपला ६” चा चाकू काढून जॅकेटच्या खिशात ठेवत जिमी म्हणाला

“ऑल द बेस्ट गाईज..” दोघांनाही मिठी मारत रितू म्हणाली

“रोशन.. स्वतःची काळजी घे.. तुला माहितीच आहे तो जिमी कसा आहे.. अगदीच वेळ पडली तर डोन्ट हेजिटेट.. मी तुझी वाट बघतेय..”, जिमी बाहेर पडला तस रितू हळूच रोशनला म्हणाली

थोड्याच वेळात जिमी आणि रोशन त्याच्या जुनाट कावासाकी बाईकवर बसून निघाले कॅनबेरा नावाच्या कॅसीनोच्या दिशेने..

इट वॉज अ बिग डे फॉर देम….

 

[क्रमशः]

डबल-क्रॉस (भाग ११)


डबल-क्रॉस (भाग १०) पासून पुढे >>

शैला कपडे बदलायला खोलीत निघून गेली. करणच्या डोक्यात पुढचा विचार सुरु झाला होता. सगळ्यात पहिल्यांदा त्याला शेखरची बॉडी पुन्हा डिप-फ्रिझर मध्ये लवकरात लवकर ठेवणे आवश्यक होते. बॉडी बाहेर काढून १० मिनिटं होऊन गेली होती आणि एकदा का बॉडी रुम-टेम्परेचरला आली कि इतक्या वेळ गोठलेला रक्त प्रवाह पुन्हा सुरु होण्याची शक्यता होती. शिवाय अधिक वेळ बॉडी बाहेर ठेवणंही करणला परवडणारे नव्हते.

एकदा मोहित गेला की इशिता त्याला एकट्याला शेखरच्या खोलीत जाऊन देईलच ह्याची शक्यता नव्हती. समजा ती सुद्धा आतमध्ये आली तर?

शैला आवरुन बाहेर आली तसं करण मोहीतला म्हणाला, “मी फक्त दोन मिनिटं सर झोपले आहेत कि नाही बघून येतो.. ”
“ए दादा.. अरे आत्ताच झोपवून आलास ना तू त्यांना.. झोपतील ना ते.. बस इथं..”, कोपऱ्यातल्या खुर्चीत करणला ढकलत मोहित म्हणाला
“अरे.. दोनच मिनिटं .. मी लगेच येतो..”

पण मोहितने करणचे काही एक ऐकले नाही.. त्याला खुर्चीत बसवले. मग काही अंतरावर दुसरी एक खुर्ची आणुन ठेवली आणि मग तो इशिताला म्हणाला, “हि… लक्ष्मण रेषा .. हा बॉडीगार्ड ह्या खुर्चीच्या पुढं आला कि पुढचा मागचा विचार न करता शुट करायचं.. कळलं?”

इशिताने काही न बोलता मान डोलावली

“शहाणपणा नाही.. “, करणकडे बघत मोहीत म्हणाला

“तुझीच गाडी घेऊन जाऊ.. पाऊस थांबलाय आता, चिखल पण सुकला असेल, गाडी निघेल तुझी.. “, बाहेर पडताना मोहित म्हणाला आणि तो आणि शैला बाहेर पडले

करण त्या खुर्चीत बसुन राहीला.

इथून हाय-वे पर्यंत चालत जायला किमान अर्धा तास, तेथून पुढे गावात जायला आणि यायला किमान दीड-दोन तास. म्हणजे पुढचे अडीच-तीन तास तरी मोहीत-शैला परतणार नव्हते.

 

दोघजणं दिसेनासे झाल्यावर इशिताने दार लावून घेतले आणि ती त्या लक्ष्मण-रेषेच्या पलीकडच्या सोफ्यावर जाऊन बसली. दोन्ही पाय एकमेकांवर क्रॉस केले, रिव्हॉव्ल्हर कडेच्या टेबलावर ठेवली आणि ती सोफ्यावर आरामशीर टेकुन बसली.

काही काळ शांततेत गेला. भिंतीवरच्या घड्याळाची टिक-टिक त्या शांततेला भरुन टाकत होती.

करणच्या डोक्यात अजूनही शेखरच्या बॉडीचा विचार चालू होता. काय करता येईल कि जेणेकरुन त्याला शेखरच्या रुम मध्ये जाता येईल, शेखरची बॉडी परत फ्रिझर मध्ये ठेवता येईल आणि ते सुद्धा इशिताला न कळता..

इशिताच्या हातात रिव्हॉल्व्हर होते, पण समजा करण जागेवरून उठला आणि इशिताला न जुमानता सरळ शेखरच्या खोलीकडे जाऊ लागला.. तर इशिता काय करेल? जसं मोहीत म्हणाला तसं खरंच गोळी मारेल?

करणला तेव्हढी खात्री होती कि इशिता त्याच्यावर बंदुक नक्कीच चालवणार नाही. फक्त तिला संशय येऊ न देता हे काम करणं महत्वाचं होतं.

करण मनाची तयारी करतच होता तोच अचानक इशिता म्हणाली, “मला मिस केलेस?”

करणने आश्चर्याने तिच्याकडे पाहिले

“.. सांग ना, आठवण आली माझी? का गेलास तुझ्या शैलामॅडम मध्ये गुरफटून.. “, हसत हसत इशिता म्हणाली
“तुला काय त्याच्याशी? तुला आहे ना तुझा बॉयफ्रेंड मोहीत .. मला वाटलं नव्हतं इशु तु अशी निघशील .. का केलंस तू असं?”, करण मुद्दाम इमोशनल होत म्हणाला

इशिता किंचितशी हसली

“माझं आणि मोहीतच ब्रेक-अप झालं, तू भेटल्या नंतर.. तुझ्यासाठी मी त्याच्याशी ब्रेक-अप केलं.. ”
“मग हे सगळं?”
“सांगते, पहिल्यापासुन सांगते…”, इशिता त्या सोफ्यावरुन उठली आणि शेजारची रिव्हॉल्व्हर घेऊन करण समोरच्या खुर्चीत येऊन बसली

“ज्या दिवशी तुला त्या इन्शोरंन्स कंपनीमध्ये नोकरी मिळाली त्यानंतर काहीच दिवसांनी मी मोहितशी ब्रेक-अप करायला त्याला भेटायला गेले. खरं तर आमच्या नात्यात तसंही काही उरलं नव्हतं. ना त्याला माझ्यात इंटरेस्ट उरला होता, ना मला त्याच्यात ..

निघताना त्याने तुझ्याबद्दल विचारलं.. तुझी माझी भेट कधी, कुठे, कशी झाली, तू काय करतोस वगैरे.. अर्थात मला तुझ्या कामाची काहीच माहिती नव्हती. मी आपलं तू अमुक-अमुक इन्शोरंन्स कंपनीचं काहीतरी काम करणार आहेस आणि त्यासाठी २-३ महिने कुठेतरी जाणार आहेस एव्हढंच सांगितलं.

पण मोहित हुशार निघाला. मार्केटमध्ये त्याच वेळेस शेखरच्या नवीन येऊ घातलेल्या पुस्तकाची, त्यावरून बनणाऱ्या मालिकेची आणि सर्वात महत्वाचे म्हणजे त्या इन्शोरंन्स पॉलिसीची चर्चा रंगली होती.

मोहितने दोन अधिक दोन केले आणि त्याने तुझ्यावर पाळत ठेवायला सुरुवात केली. तुझं काम त्या पॉलिसी आणि शेखरशी संबंधित आहे हा त्याचा अंदाज बरोबर ठरला. त्याने हा प्लॅन तयार केला आणि एके दिवशी त्याने मला तो सांगितला सुध्दा. मी मदत केली तर १ करोड रुपये मला द्यायचे त्याने अमिश दाखवले.

तुला तर माहितीच आहे करण, ह्या रंगभूमीच्या कामात किती पैसे मिळतात. तुझा जॉबही नवीन होता. मला त्या एक करोड रुपयाची भुरळ पडली. डोक्यात विचार आला, थोडी रिस्क घ्यायला काय हरकत आहे? त्यामुळे जर आपलं दोघांचं आयुष्य कायमचं सुखाचं होणार असेल तर का नाही?

पण मन तयार होत नव्हते. मोहितने पुन्हा पुन्हा मला खात्री दिली कि तुझ्याच काय, कुणाच्याच जिवाला काही धोका नाहीए. शिवाय पोलिसांचा ससेमिरा लागणार नाही ह्याचीही त्याने खात्री दिली आणि शेवटी मी तयार झाले.. ”

 

“मुर्ख आहेस तू.. आणि मुर्ख आहे मोहीत.. तुला तो संदीप काय दूध-खुळा वाटला का? तुला काय वाटतं? मोहीत एक फोन फिरवेल आणि संदीप पाच करोड रुपये हातात आणुन देईल?”
“…….”

“.. आणि.. आणि तुम्हाला सगळ्यात पहिल्यांदा कळालं कसं कि मी इथे आहे.. “, करण चवताळून म्हणाला

“ह्याच्यामुळे..”, करणच्या हातातल्या घड्याळाकडे बोट दाखवत इशिता म्हणाली.. “ह्याच्यात जीपीएस ट्रॅकर आहे.. मोहितने ते तुला गिफ्ट म्हणून द्यायला सांगितले होते.. “, इशिता काहीशी वरमून म्हणाली

“धिस इज बुलशीट.. बुल…. शिट्ट…. तो मोहीत मरेलच आणि बरोबर तुला पण घेऊन जाईल.. ”
“ट्रस्ट मी करण .. मोहीत इज टु गुड.. हे बघ त्याचा दावा सरळ-सोट आहे.. संदीपला ते १५० करोड महत्वाचे का ५ करोड.. तो फारशी घासाघीस न करता देऊन टाकेल. मोहीत म्हणाला ह्या इन्शोरंन्स कंपन्यांकडे खुप काळा पैसा असतो.. आपला प्लॅन खात्रीपूर्वक सफल होईल ह्याची मोहीतला खात्री आहे.. ”

“बिनडोक आहात तुम्ही.. केवळ स्वप्न-रंजन आहे हे.. ”
“असेल… करण मी तुझ्याबरोबर होते आणि तुझ्या बरोबरच राहीन.. जर का वाटलं कि हा प्लॅन बॅक-फायर होतोय.. किंवा काही प्रॉब्लेम होतोय.. तर आपण इथून पळून जाऊ.. ”

करण काही बोलणार त्या आधीच इशिता खुर्चीतून उठली..
“मला माहितीय तुझा माझ्यावर विश्वास बसणार नाही.. हि बंदुक ठेव तुझ्याकडे मग तर झालं?”, असं म्हणून तिने तिच्या हातातली रिव्हॉल्व्हर करणच्या हातात ठेवली.

करण दोन मिनिटं शॉक लागल्यासारखा इशिताकडे पहात राहीला. त्याच्या पुढे पडलेला प्रश्न क्षणार्धात सुटला होता.
त्याने इशिताकडून बंदूक घेऊन पॅन्टच्या खिशात ठेवून दिली आणि इशिताला घट्ट मिठीत घेतले

“माय गॉड इशिता, तु माझ्यासमोरचा मोठ्ठा प्रश्न सोडवला आहेस, तुला माहित नाही, इथे काय काय झालंय ..”
“का? काय झालं?”
“तु त्या एक करोडचं काय घेऊन बसलीस, आपण नीट प्लॅन केला तर चांगले ३०-३५ करोड मिळवू शकू..”
“३५ करोड?????”, इशिताचे डोळे विस्फारले गेले
“येस्स, ३५ करोड.. आणि ते पाच करोड तसेही तुम्हाला मिळालेच नसते.. ”
“का?”
“ये दाखवतो..”, असे म्हणून करणने इशिताला बाजूला केले आणि तो तिला घेऊन शेखरच्या बेडरुमपाशी गेला.
त्याने खोलीचं दार उघडले आणि इशिताला म्हणाला , “काय दिसतंय आत मध्ये?”
“शेखर झोपलेत…”, गोंधळून इशिता म्हणाली
“झोपलेत नाही. वर गेलेत.. शेखरची डेड-बॉडी आहे ती..”, खोलीत जात करण म्हणाला.

त्याने हलकेच शेखरच्या अंगावरचे पांघरुण बाजुला केले आणि शेखरची रक्ताळलेले, चाकूने भोसकलेले शरीर इशिताच्या नजरेस पडले.
तोंडावर हात ठेवून इशिता दोन पावलं मागेच सरकली. तिचा तिच्या नजरेवर विश्वासच बसत नव्हता..

“हे… हे काय आहे करण? असं कसं झालं? कोणी केलं?”
“सांगतो.. सगळं सांगतो, पण त्याआधी महत्वाचं काम करायचंय.. तू पाय धर शेखरचे आणि उचल.. बॉडी फ्रिझरमध्ये ठेवायची आहे..”, फ्रिझरच दार उघडत करण म्हणाला

इशिता अजूनही घाबरुन मागेच उभी होती

“घाबरु नकोस, तो काही नाही करणार तुला..”, हसत करण म्हणाला

दोघांनी मिळून शेखरची बॉडी फ्रिजर मध्ये ठेवली आणि खोलीचं दार लावून दोघेही बाहेर आले.

 

इशिता अजूनही शॉकमध्येच होती. भीतीने तिचा चेहरा पांढरा-फटक पडला होता.

करणने तिला सोफ्यावर बसवले, बार कॅबिनेटमधून व्हॅट-६९ ची एक बॉटल काढून त्याचे दोन लार्ज पेग बनवले, त्यात बर्फाचे दोन मोठे खडे टाकले, सोडा टाकला आणि एक पेग इशिताला देऊन तो खुर्चीवर बसला.

इशिताने व्हिस्कीचे दोन मोठे घोट घश्याखाली उतरवले.

थोडा वेळ शांततेत गेल्यावर पांढरा पडलेला तिचा चेहरा हळू हळू पूर्ववत झाला. मग करणने तिला पहिल्या रात्री कशी शैला त्याच्या खोलीत शिरली होती, कसं तिने रिकाम्या गाद्या-उश्या चाकूचे वार करून फाडले होते.. दुसऱ्या दिवशी तिचं शेखरची झालेलं भांडण आणि त्या रात्री झोपेतच तिने शेखरवर केलेला प्राणघातक हल्ला सांगितला.

“मला वाटलंच ती जरा वेडी आहे, तिचे डोळे बघितलेस का तू?”, त्या धक्क्यातून जरा सावरल्यावर इशिता म्हणाली
“सोड ना, आपल्याला काय करायचंय? आपण आपले पैसे घ्यायचे आणि निघायचं”
“नको ते पैसे आपल्याला करण.. फुकटच अडकू आपण ह्यात.. त्या मोहीत आणि शैलाला बघू देत काय करायचं.. चल, जाऊ आपण इथून.. ”
“वेडी आहेस का.. मी सुद्धा ह्यात थोडं फार अडकलो आहेच.. हे सगळे पुरावे मिटवायच्या कामात माझा पण सहभाग होताच.. आणि तू म्हणतीस तसं.. थोडी रिस्क घेऊ पण आयुष्यभर काम सुद्धा करायला नको कसलं, आरामात आयुष्य जाईल आपलं.. ”

करणने घड्याळात बघितलं, एक तास उलटून गेला होता, एव्हाना मोहीत आणि शैला गावात पोहोचले असतील.. कदाचित ह्यावेळी ते संदीपशी बोलतही असतील..

“बरं, काय प्लॅन आहे तुझा?”, इशिताने विचारले

करण आपल्या खुरट्या वाढलेल्या दाढीवरुन हात फिरवत डोळे मिटून बसला. त्याचा चेहरा जरी शांत होता तरी त्याच्या डोक्यात असंख्य विचार चालू होते हे इशिताने ताडले.

तिने आपला ग्लास रिकामा केला आणि करणचा रिकामा ग्लास उचलून ती बारपाशी दुसरा पेग बनवायला गेली.

 

“हा मोहीत.. नक्की कोण आहे तो?” डोळे बंद ठेवूनच करणने विचारले
“कोण म्हणजे?”
“कोण म्हणजे, खरंच तो काँट्रॅक्ट किलर वगैरे आहे?”
“नाही रे, साधा सडकछाप आहे आजकाल, फालतू पीक-पोकेटिंग कर, बिल्डर्सच्या सांगण्यावरुन कुणाला धमकाव असलीच काम करतो..”
“अम्म.. काही पोलीस रेकॉर्ड वगैरे आहे त्याचं? म्हणजे कधी तुरुंगात वगैरे गेलाय?”
“हो, एकदा जाऊन आलाय तुरुंगात.. पण तू का विचारतो आहेस? त्याला पण घ्यायचंय का आपल्या प्लॅन मध्ये?”

करणने अचानक आपले डोळे उघडले..

“म्हणजे तो हिस्टरी-शिटर आहे तर.. व्हेरी गुड.. मग आपलं कामच झालं.. ”
“नाही, मला नाही कळालं..”
“सांगतो.. संदीपला पैश्याची डिमांड करुन मोहीत घरी आला. तो घरी नसताना तू माझ्या बाजूने झाली होतीस. तू, मी आणि शेखरने मिळून मोहीतचा प्रतिकार करायचे ठरवले.. ”
“पण शेखर तर…”
“.. ऐक आधी.. मोहीत घरी आला.. माझ्याकडे हे तू दिलेलं रिव्हॉल्व्हर होते, पण ऐन वेळी ते मिसफायर झालं.. आपला प्लॅन उधळला जातोय हे पाहून मोहित संतापला .. त्याने किचन मधून सुरा आणला आणि शेखरवर हल्ला केला. तेवढ्यात मला संदीपने दिलेलं माझं, पण सध्या तुझ्याकडे असलेलं रिव्हॉल्व्हर आठवलं. मी ते तुझ्याकडून घेतलं आणि मोहीतला शूट केलं. अर्थात तोपर्यंत उशीर झाला होता, शेखरला आपण वाचवू शकलो नाही .. ”

“नो .. नो.. नो… “, इशिता
“का? फुल प्रूफ प्लॅन आहे.. पोलिसांकडे मोहीतच रेकॉर्ड आहे.. त्यांचा विश्वास बसेल. शिवाय संदीपही साक्ष देईलच कि संदीपचा त्याला आलेल्या फोन बद्दल.. ३५करोड इशु .. त्यापुढे एक मोहीत गेला तर काय होतंय.. ”
“नाही करण .. पैश्यासाठी आपण खुन करायचा मला नाही पटत.. एका रक्ताने माखलेल्या पैश्यावर मी माझं आयुष्य नाही घालवू शकत, आणि तुलाही तसं करु देणार नाही.. ”

“इशु भावनेच्या भरात विचार नको करुस.. थंड डोक्याने विचार कर.. शेखरच्या खुनाचा प्रश्न सुटेल म्हणजे मी मोकळा, मोहीतही मार्गातून बाजूला होईल अख्ख आयुष्य आहे आपल्यापुढे इशु.. ”
“..पण म्हणून आपण कोल्ड-ब्ल्डेड मर्डर करायचं? मला नाही पटत.. त्यापेक्षा आपण मोहीतला विश्वासात घेऊ.. उलट त्याच्याकडे अजून कल्पना असतील.. फार तर काय होईल.. थोडा पैश्याचा हिस्सा त्याला द्यावा लागेल.. ठीके ना..”
“पण मी म्हणतो कश्याला उगाच कॉम्प्लिकेटेड करायचं? आणि समजा उद्या त्याने आपल्याला ब्लॅकमेल करायला सुरुवात केली तर? दर वेळी पैसे मागायला लागला तर?”

“अजून एक तास तरी आहे आपल्याकडे तो परत येईपर्यंत.. नीट विचार कर..”

 

इकडे करण इशिताला समजावत होता तर तिकडे गावात शैला आणि मोहित गावातून गाडी हळू हळू चालवत PCO शोधत होते.

“आजूबाजूला कुठेही सीसीटीव्ही नकोय, दुकानाच्या आजूबाजूला गर्दी नकोय..”, मोहित शैलाला सूचना देत होता.

बराच वेळ फिरल्यावर अखेर त्यांना मनासारखं एक PCO चं बूथ मिळालं. शैलाने गाडी कडेला लावली आणि दोघेही त्या बूथमध्ये गेले.

आजूबाजूला कोणी नाही बघून मोहितने संदीपचा नंबर फिरवला
“हॅलो, संदीप बोलतोय..”, पलीकडून काहीसा रुक्ष आवाज ऐकू आला
“माहितीय मला..”, मोहीत म्हणाला

“कोण बोलतंय?”
“तुझा बाप”
..
“एक मिनिट फोन ठेवू नकोस, १५० करोड प्रिय असतील तर.. “.. पटकन मोहित म्हणाला
“कोण बोलतंय?”, संदीपने त्याच रुक्षपणे विचारले
“शेखर पाहीजे ना जिवंत? मग आता प्रश्न विचारायचे नाहीत.. फक्त ऐकायचं.. “, मोहित बोलू लागला

“तुझा १५० करोडचा शेखर सध्या माझ्या ताब्यात आहे.. तो मेला तर तुला. अर्थात तुझ्या कंपनीला, पॉलिसीनुसार १५० करोड द्यावे लागतील.. माझं ऐकशील तर फक्त ५ करोड.. मला ५ करोड दे आणि तुझ्या शेखरला सोडवून घे.. ”
“मी कसा विश्वास ठेवू तू खरं बोलतो आहेस?”, संदीपच्या सुरात काडीचाही फरक पडला नव्हता, मगाचच्याच त्या रुक्ष टोन मध्ये त्याने विचारले
“हे घे बोल इकडे.. शैलाला ओळखतोस ना? शेखरची बायको.. बोल तिच्याशी..”
“माझा आणि शैलाचा काही संबंध नाही.. शेखर माझा क्लायंट आहे.. तो जेंव्हा माझ्याशी फोन वर बोलेल त्यानंतर बघु पुढचं”, असं म्हणून त्याने फोन ठेवून दिला

फोन वरचा तो बीप-बीप आवाज ऐकून मोहीतचा क्षणभर स्वतःच्या कानांवर विश्वास बसेना. त्याला वाटलं होतं त्याची धमकी ऐकून संदीप घाबरेल, पैश्यासाठी वेळ मागेल.. पण तसं काहीच घडलं नाही.. त्याने चक्क फोन ठेवून दिला होता.

“काय झालं?”, मोहीतचा गोंधळलेला चेहरा बघून शैलाने विचारलं
“त्याने फोन कट केला.. ”

शैलालाही हे अनपेक्षित होतं..

“मग? आता?”

मोहितने पुन्हा संदीपचा नंबर फिरवला

“हॅलो संदीप!”
“ए, जास्ती नाटक करु नकोस, पुन्हा फोन कट केलास तर शेखरची कट केलेली बॉडी मिळेल.. पैश्याची व्यवस्था करायला लाग, तो वर मी शेखरच आणि तुझं बोलणं घडवून आणतो.. तुझ्याकडे फक्त २४ तास आहेत.. मला ५ करोड हवेत.. सुट्या नोटांमध्ये १००-१०० च्या..”

संदीपने टेबलावरचा कॅलक्युलेटर समोर ओढला आणि त्यावर आकडेमोड केली (५००००००० % १००) %१००

“तुझं गणित कच्च आहे का?”
“का?”
“५ करोड शंभर नोटांमध्ये.. एक नोटांचा बांदल १०० नोटांचा ह्या हिशोबाने शंभराच्या नोटांची पाच हजार बंडल होतील. इतके पैसे काय मी पोत्यात भरून आणू का? आणि बँकेला काय सांगू?”
“बँकेला काय सांगायचंय? तुमच्या इन्शोरन्स कंपन्यांकडे काय कमी काळा पैसा असतो का? तुमच्यासाठी ५ करोडची कॅश काढणं काही मोठं काम नाही.. ठीके थोड्या १०० आणि बाकीच्या ५००च्या नोटा.. नंबर सिरीयल नकोत.. मी उद्या पुन्हा फोन करतो”, असं म्हणून मोहितने फोन ठेवून दिला

उत्साहाच्या भरात मोहित मागे वळला आणि त्याच्या पाठीतून एक सणक डोक्यापर्यंत गेली. थोड्यावेळ तो पाठ धरुन बूथला टेकून उभा राहिला. ती वेदना कमी होईपर्यंत मोहीतचा चेहरा वेदनेने वेडावाकडा झाला.
शैलाने पाठीत मारलेल्या स्क्रू-ड्रॉयव्हरने पाठीच्या मणक्याला थोडीफार इजा झाली होती ती आता चांगलीच ठणकायला लागली होती.

त्याने इकडे-तिकडे नजर फिरवली.. थोड्या अंतरावर एक मेडिकलचे दुकान होते. त्याने शैलाला पुढे ओढले आणि म्हणाला, “जा त्या दुकानातून पेन-किलर आणि बँडेज घेऊन ये.. छिनाल साली…”

त्याच्या पाठीतून अजून एक सणक आली तसा तो विव्हळत तिथेच खाली बसला.
शैलाच्या चेहऱ्यावर एक हलकेसे हास्य उमटून गेले. ती मोहीतला तिथेच सोडून मेडिकलच्या दुकानातून त्याने सांगितलेल्या गोष्टी घेऊन आली.

मोहितने पटकन तिच्या हातातून त्या पेन-किलर काढून घेतल्या आणि २-४ घश्यात कोंबल्या आणि दोघेजण पुन्हा गाडीत बसून परतीच्या वाटेवर लागले.

“साला संदीप, समजतो कोण स्वतःला, त्याला माहित नाही मोहित काय चीज आहे..” मोहित स्वतःशीच बरळत होता

शैलाच लक्ष मात्र रस्त्यावर होते.. समोर एक मोठा खड्डा दिसला तसा तिने गाडीचा वेग हलकेच वाढवला आणि गाडी मुद्दाम खाद्यातून न्हेली.
खड्याच्या त्या हादऱ्याने पुन्हा एक तीव्र कळ मोहितच्या सर्वांगातून फिरली.

“भडवे.. नीट चालावं ना गाडी.. “, पाठीवर हात दाबून धरत तो विव्हळला

शैलाने त्याच्या बोलण्याकडे साफ दुर्लक्ष केले आणि जेंव्हा जेंव्हा संधी मिळेल तेंव्हा तेंव्हा तिने गाडी व्यवस्थित खड्यातूनच न्हेली. सव्वा तासाच्या त्या त्रासदायक प्रवासानंतर शेवटी एकदाचा मोहीत फार्म-हाऊसवर पोहोचला.

शैलाने गाडी पार्क करेपर्यंत तो सावकाश सावकाश दारापाशी पोहोचला. दार उघडेच होते. तो हलकेच दार उघडून आतमध्ये शिरला आणि आत मधील दृश्य बघून तो जागच्या जागीच उभा राहिला

समोर हातात रिव्हॉव्हल्व्हर धरुन करण उभा होता आणि त्याच्या पाठीमागे, त्याच्या खांद्यावर हात ठेवून उभी होती मोहीतची पार्टनर इशिता…

 

“तुझा खेळ संपलाय मोहीत.. “, कुत्सित हसत करण म्हणाला
पाठोपाठ शैलाही आतमध्ये आली.. करणच्या हातामध्ये पिस्तूल बघून तिला भयंकर आनंद झाला.

“वॉव करण, टू गुड.. “, असं म्हणून ती हि करणच्या मागे येऊन थांबली

“तुझा प्लॅन बरा होता, पण तू विसरलास, तुझी गाठ माझ्याशी होती.. असो.. ”

करण बोलत होता, पण मोहित त्याच्या बोलण्याकडे दुर्लक्ष करून करणच्या दिशेने यायला लागला..

“मोहित.. आहेत तिथेच थांब…”, करण म्हणाला.. त्याला मोहितच्या चेहऱ्यावर भीती अपेक्षित होती.. पण ती राहिली दूर, उलट तो बिनधास्तपणे करणच्या दिशेने हळू हळू पुढे सरकत होता

“शूट हिम करण .. “, शैला म्हणाली

मोहित एक हाताने पाठ दाबून धरत पुढे पुढे सरकत होता..
“करण.. शुट हिम..”, शैला पुन्हा म्हणाली

“मोहीत.. गोळी चालवायला मला भाग पडू नकोस.. आहेस तिथेच थांब.. ”

मोहीत जणू बहिरा झाला होता.. तो हळू हळू करणच्या जवळ येऊन पोहोचला होता..
“करण, पिस्तूल माझ्याकडे पण आहे.. विसरलास?”, असं म्हणून त्याने पिस्तूल काढायला खिश्यात हात घातला

“करणsssssss शूsssssssटssssss”, इशिता जोरात ओरडली तसं करणने पिस्तुलचे ट्रिगर दाबले.. पण गोळी उडालीच नाही..
“करणsssssss शूsssssssटssssss”.. इशिता पुन्हा ओरडली

पुन्हा करणने ट्रिगर दाबले पण ह्या वेळेसही गोळी उडालीच नाही

करण स्तंभित होऊन पिस्तूल पुन्हा पुन्हा बघत होता, तोवर मोहितने आपल्या खिश्यातुन पिस्तूल काढून करणवर रोखले होते

“गोळी उडेलच कशी करण? बंदुकीतल्या गोळ्या तर माझ्याकडे आहेत…”, इशिता मागून हसत हसत म्हणाली आणि सावकाश मोहितच्या बाजूला जाऊन उभी राहिली

करण अजूनही गोधळून एकदा त्याच्या हातातल्या बंदुकीकडे तर एकदा इशिताकडे बघत होता

“यु वेअर राईट मोहीत.. तु म्हणालास तसंच झाले.. थोडं ह्याच्याशी गोड बोलले आणि हा सगळं ओकुन मोकळा झाला आणि जे व्हॉट, मला कपडे काढायची गरज पण नाही पडली.. ”

मोहीत आणि इशिता जोर जोरात हसायला लागले..

“बोल.. काय काय ओकलंय हे?”, मोहित
“मोहीत .. शेखर इज डेड.. धिस बीच किल्ल्ड हिम इन स्लिप.. त्याची बॉडी त्या खोलीत फ्रिजर मध्ये आहे… ”

करणने खेदाने शैलाकडे बघितले. ती संतापाने लाल झाली होती.. ताड ताड पावलं टाकत ती करणच्या जवळ आली आणि तिने त्याच्या कानशीलात लगावून दिली.

“चुत्या साला…”

शैला संतापाने थरथरत होती..

“मोहीत.. तुला माहिते.. हा करण म्हणत होता म्हणे तुलाच मारून टाकू आणि शेखरच्या खुनाचा आळ तुझ्यावर ढकलू.. बऱ्याच काथ्याकूट करून कसलासा प्लॅन बनवला होता.. कसला रे हा गुप्तहेर, स्वतःच्या बंदुकीत गोळ्या आहेत का नाहीत ते तरी बघायचं आधी?”, हसत हसत इशिता म्हणत होती

“तसं तर तु पण कॉन्ट्रॅक्ट किलर वाटत नाहीस.. निदान तू तरी बघायचं होतंस तुझ्या बंदुकीत गोळ्या आहेत कि नाही..”, शैला म्हणाली..

मोहितने पटकन आपल्या रिव्हॉल्व्हरची लीड उघडली, आतमध्ये गोळ्या होत्या, पण त्याआधीच शैलाने आपल्या पर्समधून एक छोटेसे पिस्तूल काढले आणि
मोहितच्या पायावर गोळी झाडली..

मोहित धाडकन खाली कोसळला…

“करण, पिस्तूल घे त्याची.. “, शैलाच आवाज वेगळाच.. घोघरा झाला होता..
करणने पटकन पिस्तूल उचलली…

“दे इकडे.. “, शैला
करणने ती पिस्तूल शैलाकडे दिली

“मी माझ्या गाडीत नेहमी एक पिस्तूल ठेवते मोहीत .. पुढच्या वेळी लक्षात ठेव…”..
करणने बघितले बोलताना शैलाच्या तोंडातून बारीक साबणासारखा फेस येत होता…

तिला बहुतेक कसलातरी अटॅक वगैरे येत होता..

“शैला… कुल डाऊन..”, करण म्हणाला , पण शैलाच त्याच्या बोलण्याकडे लक्षच नव्हते..

तिने बंदुकीची नळी इशिताकडे वळवली.. “तुला काय वाटलं तू फार शहाणी का? जस्ट सो यु नो इट.. आय हेट दोज हू ट्राय टू डबल-क्रॉस” आणि असं म्हणून तिने इशितावर गोळी झाडली जी इशिताच्या पोटात घुसली

इशिता जागच्या जागी खाली कोसळली..

“नो.. शैला.. नो.. “, करण ओरडला, पण गोळी आधीच इशिताला लागली होती

करण आणि मोहीत शॉक लागल्यासारखे एकदा शैलाकडे तर एकदा इशिताकडे बघत होते..

इशिताच्या पोटातून रक्ताची धार लागली होती.. थोड्याच सेकंदात तिच्या तोंडातूनही रक्ताचा एक पाट बाहेर आला आणि इशिताचे तडफडणारे शरीर शांत झाले..

 

[क्रमशः]

डबल-क्रॉस (भाग १०)


डबल-क्रॉस (भाग ९) पासून पुढे >>

करण काही बोलणार इतक्यात इशिताने त्याला हळुच गप्प राहायची खुण केली.

मोहीत आणि इशिता दोघांचेही पाय चिखलाने भरलेले होते. दोघांनीही बुट बाहेर काढले आणि पाय पुसुन आतमध्ये आले. शैला अजूनही मोहितकडे बघण्यातच गुंग होती. थोडेसे मानेपर्यंत रुळणारे त्याचे काहीसे कुरळे केस पावसाने चिंब भिजले होते. गालावरची खुरटी दाढी, एका कानातले किंचितसे लोंबते इअरिन्ग, मनगटाला बांधलेले काळ्या मण्यामण्यांचे ब्रेसलेट, हायअँकले शूज आणि एकूणच त्याचा मर्दानी लुक शैलाला मोहवून टाकत होता. त्याच्या मानाने इशिता अगदीच अवतारात दिसत होती. इतक्या पावसातून चालत येऊनही मोहितच्या चेहऱ्यावर मात्र अदबशीर, मंद हसू होते.

करणला शैलाचे मोहितकडे असं वेड्यासारखं बघत राहणं अस्वस्थ करत होतं.

मोहित शूज काढून सोफ्यावर बसायला गेला तसा करण म्हणाला, “अं.. फोन तिथे आहे..”, असं म्हणून त्याने कोपऱ्यातल्या फोनकडे बोट दाखवले.

“ओह फोन येस.. “, असं म्हणून मोहित उठला आणि फोनपाशी गेला

“थँक्स मॅम, थोडं पाणी मिळेल, इतकं अंतर चालून दमलोय खुप”, इशिता म्हणाली
शैलाला त्यांना इथं एकटं सोडुन जावंस वाटत नव्हतं, पण करण आजारी आहे असं सांगितल्याने त्याला पाणी घेऊन ये, असंही सांगता येईना.

शैला आत गेल्या बरोब्बर इशिताने करणला घट्ट मिठी मारली..
“आय मिस्ड यु सो मंच..”, आपले गाल फुगवत इशिता म्हणाली

करणने पटकन तिला बाजूला केले.

“तु इथं कशी काय? आणि तुला कळलं कसं मी इथे आहे ते?”, हळु आवाजात करण म्हणाला
“ए, काय रे, मला इथे बघून तुला आनंद नै झाला?”, इशिता
“झाला, पण ..”
“सांगते, सगळं सांगते, पण आजच्या रात्रीपुरती आमची इथे राहायची सोय तर कर”, इशिता
“ते शक्य नाहीए”, करण किचेनकडे बघत म्हणाला
“का?”
“का काय का?, माझं घर आहे का हे?, शैलाने आधीच सांगितलेय ना फोन झाला कि जा इथून म्हणून..”
“अरे व्वा, मॅडम बीडम काई नै, एकदम शैला?”, करणकडे संशयाने बघत इशिता म्हणाली… “आणि तू कधी पासून तिचा नवरा झालास? तो शेखर का कोण तो कुठेय?”
“आहे आत मध्ये, खरं तर त्यांचीच तब्येत बरी नाहीए, सकाळपासून ताप भरलाय अंगात म्हणून झोपून आहेत”, करण म्हणाला
“ए, माझी ओळख करुन दे ना, मी त्यांचा जुना फोटो पाहिलाय, ही इज सो हँडसम.. ”

करण काही बोलणार इतक्यात शैला आतून पाणी घेऊन आली.

 

“सॉरी हा, तुम्हाला उगाचंच त्रास..”, पाणी पिऊन झाल्यावर आपली मान किंचितशी झुकवत मोहित म्हणाला, “..एक फोन करतो आणि लगेच निघतोच आम्ही..”, असं म्हणुन त्याने फोन उचलला

नंबर फिरवल्यावर काही वेळाने त्याने बोलायला सुरवात केली..

“ओ दादा,.. अहो हो.. ऐका.. तुमच्या मागोमागचं निघालो होतो आम्ही, पण वाटेत बंद पडली गाडी.. कुठे काय..? मला काय माहित, ह्या भागात रोज फिरतो का आम्ही? हो इशिता मॅडम ठीक आहेत.. इथे जवळच एक बंगला मिळाला नशिबाने. सेल फोनला पण रेंज नाही, बंगल्यातुनच फोन करतोय..

हं..
हं …

एक काम करा, मागे फिरा तुम्ही, नाही, आम्ही गाव नव्हतं ओलांडलं.. त्याच्याही बरंच अलीकडे या.. आमची गाडी रस्त्याच्या कडेलाच उभी केलीय. ती सापडली कि तेथून थोडं पुढे डाव्या हाताला एक छोटा कच्चा रस्ता गेलेला दिसेल तुम्हाला. जरा वळणावरच एक लाल-पांढरी पजेरो उभी आहे, खड्यात अडकलेली. तेथून सरळ सरळ आतमध्ये या ..

हं …
या लवकर…”, असं म्हणून त्याने फोन ठेवून दिला.

“सॉरी मॅडम, तुम्हाला न विचारताच त्यांना खरं इथं बोलावून घेतलं, पण पायाचे तुकडे पडलेत. परत पावसाच माघारी इतकं चालत जायचं आणि ते येईपर्यंत त्यांची पावसात वाट बघायची.. आय होप यु डोन्ट माईंड..”, गालावर खळी पडेल इतपत हसत मोहित म्हणाला

“नो, इट्स ओके, आय अंडरस्टॅंड”, शैला म्हणाली

कुणाला कुणाशी काय बोलावं सुचेना आणि त्यामुळे काही वेळ शांतता पसरली.

करणने अधूनमधून इशिताकडे बघून ती काही सांगु पाहतीय का ह्याचा अंदाज घेतला, पण तिचं करणकडे लक्षच नव्हते.

“विल यु माईंड इफ आय स्मोक?”, मोहितने शांतता भंग करत करणला विचारलं
“नो.. प्लिज गो अहेड..”

मोहितने खिश्यातुन सिगारेटचं पाकीट काढलं, मग सावकाश शर्टच्या खिश्यातुन लायटर काढला, सिगारेट शिलगावली आणि मग मोठ्ठा कश घेऊन हवेत धुराची वलय सोडत खुर्चीत आरामशीर टेकून बसला.

घड्याळाचा सेकंद काटा ‘टिक-टिक’ आवाज करत पुढे सरकत होता.

“सो तुम्ही जाहिरातीच्या शूटिंगसाठी इथे आला होतात का?”, करणने इशिताला विचारले
“हम्म..”
“कसली जाहिरात होती?”

“मिशलीन टायर्स..”, मोहित म्हणाला.. “.. इकडे निसर्ग सौंदर्य फारच छान आहे, शिवाय शूटिंगला पाहिजेत तसे ऑफरोड पण होते ..”
“कोणते प्रोडक्शन हाऊस?”, करण

करणच्या प्रश्नाने मोहित काहीसा गोंधळला पण मग स्वतःला सावरत म्हणाला, “मिडिया विंग्ज.. ”

अर्थात अश्या नावाची कोणती कंपनी आहे किंवा नाही हेच करणला माहित नव्हते. आणि असेलच तरीही खरंच कश्यावरुन त्यांचं इथे ऍड शुट होते हेही कळण्याचा कोणताच मार्ग नव्हता.

“छान आहे हा तुमचा बंगला.. किती रुम्स आहेत?”, मोहितने विषय बदलत विचारले
“३ बीएचके…”, शैला
“मी आतुन बघु शकते का? मला पण केंव्हा पासून माझ्या प्लॉट वर एक बांधायचा आहे”, इशिता जागेवरून उठत म्हणाली

“पाऊण तास उलटून गेला आहे, मला वाटतं तुम्ही पुन्हा एकदा फोन करुन तुमची टीम कुठपर्यंत आली ते बघावं”, इशिताला जणू दुर्लक्षित करत शैला म्हणाली

नाईलाजाने इशिता पुन्हा खुर्चीत बसली

“मेक सेन्स, मी बघतो फोन करून कुठं पर्यंत आलेत.. सॉरी, तुम्हाला उगाचच त्रास”, म्हणून मोहित खुर्चीतून उठला आणि त्याने फोनवर बोलायला सुरुवात केली.

शैलाने पाण्याचे ग्लास उचलले आणि ती किचन मध्ये गेली.

“करण, डु समथिंग, आजच्या रात्रीपुरती सोय कर आमची इथे राहायची.. जस्ट यु अँड मी इन खास विल्डरनेस्ट.. काय मज्जा येईल..”, इशिता हळू आवाजात बोलत होती..

शैलाला किचन मधुन येताना बघुन तिने हळूच करणला तिच्याशी बोलण्याबाबत डोळ्याने खूण केली.

करणने शैलाकडे बघितले, पण तिचं लक्ष मोहितकडेच होते. शैला संथ पावलं टाकत पुढे येत होती.

“देअर इज समथिंग रॉंग”, करणच्या मनात विचार येऊन गेला. शैला मगाजची शैला नव्हती. तिच्या चेहऱ्यावर काहीसे विचित्रच भाव होते.

मोहित अजूनही फोनवर बोलण्यात मग्न होता. शैला शांतपणे मोहितच्या मागे जाऊन उभी राहिली. ती जशी करणला पाठमोरी झाली तशी करणला “व्हॉट वॉज रॉंग” जाणवले, शैलाने पाठीमागे हातात दडवून एक स्क्रू-ड्रायव्हर आणला होता. करण काही बोलणार इतक्यात शैलाने तो स्क्रू-ड्रायव्हर वेगाने हवेत उचलला आणि मोहितच्या पाठीत खुपसला.

बेसावध मोहित त्या आघाताने जोरात विव्हळला, क्षणार्धात तो मागे वळला आणि त्याने शैलाच्या जोरात कानफडात लगावून दिली. मोहितवर वर करण्यासाठी उगारलेला शैलाच हात वेगाने खाली आला, पण तिचा निसटता वार मोहितच्या दंडात घुसला. मोहितच्या त्या कानफडाटाने शैला मागच्या टेबलावर कोसळली.

शैला सावरून उभी राहिली आणि पुन्हा मोहितच्या अंगावर झेपावली. पण ह्यावेळी इशिता सावध होती, तिने पटकन मध्येच पाय घालून शैलाला खाली पाडले.

करणला काय चालू आहे ह्याचाच बोध होत नव्हता. सगळं काही इतक्या वेगाने घडत होते कि तो जणू थिजून एका जागी उभा होता.

मोहितने दंडात रुतलेला तो स्क्रू-ड्रायव्हर बाहेर काढला आणि पाठ दाबत तो भिंतीला जाऊन टेकला.

“करण अरे बघतोयेस काय, गेट हिम..”, शैला ओरडली तसा करण भानावर आला. पण तो जागच्या हलण्याआधीच मोहितने पॅन्टच्या खिश्यातुन पॉइंट.३२ बाहेर काढली होती

“डोन्ट ऍक्ट स्मार्ट..” करणवर रिव्हॉल्व्हर रोखत मोहित म्हणाला
“करण.. किचन मधले सगळ्या चाकू-सुऱ्या कुठेत?”, शैला नाकातून आलेले रक्त पुसत म्हणाली
“मी,.. मी लपवून ठेवल्या होत्या..”, करण
“का??”, आश्चर्याने डोळे मोठे करत शैला म्हणाली

करण काहीच बोलला नाही

“का करण?.. … .. ओह तुला वाटलं मी त्यातली एखादी सूरी घेऊन…”, पण लगेच शैलाला तिची चूक लक्षात आली आणि ती गप्प बसली

“साली हरामी, छिनाल..”, मोहित अजूनही वेदनेने तडफडत होता.. त्याच्या पाठीतून बऱ्यापैकी रक्त वहात होते, पण रक्तापेक्षाही महत्वाचे म्हणजे शैलाचा तो वार मोहितच्या मणक्यावर बसला होता त्यामुळे त्याच्या पूर्ण शरीरभर वेदना पसरली होती

“मोहित, तो फोन गेली कित्तेक वर्ष बंद आहे, आम्ही केंव्हाच डिस्कनेक्ट केलाय. केवळ तो फोन तेथून काढायचा कंटाळा म्हणून अजूनही तिथेच पडून आहे इतकंच”.. कुत्स्तित हसत शैला म्हणाली

मोहित संतापाने उठून उभा राहिला, पण पुन्हा एकदा वेदनेची कळ त्याच्या मस्तकापर्यंत गेली आणि परत तो भिंतीला टेकून खाली बसला.

करणने आश्चर्याने इशिताकडे बघितले. मगाचच्या त्या प्रेमळ भावना इशिताच्या चेहऱ्यावर नावालाही नव्हत्या. तिचा चेहरा भावनाशून्य होता, तिने शैलाला बाजूला ढकलले आणि ती मोहितकडे गेली.

“आर यु ऑलराइट?”

मोहित वेदनेने तळमळत होता

“गेट मी व्हिस्की, रम एनिथिंग .. लार्ज… ”

इशिताने हॉलमध्ये नजर फिरवली, एका कोपऱ्यात शेखरची बार-कॅबिनेट होते. इशिताने तेथून एक व्हिस्कीची बॉटल उचलली आणि मोहीतला न्हेऊन दिली. मोहितने त्याची रिव्हॉल्व्हर इशिताकडे दिली, आणि व्हिस्कीचे ४-५ घोट पोटात ढकलले.

त्याचा चेहरा घामाने डबडबला होता.

“शेखर कुठेय बघ…”, इशिताकडून रिव्हॉल्व्हर परत घेत मोहित म्हणाला
“शेखरची तब्येत बरी नाहीए, तो आतल्या खोलीत आहे.. मी लॉक केलीय त्याची रुम..”, शैला एका खुर्चीत आरामात बसत म्हणाली
“बाहेर बोलावं त्याला”, आपली रिव्हॉल्व्हर शैलावर रोखत मोहित म्हणाला
“बोलावते.. पण मला आधी हे काय चाललंय हे नीट कळायला हवं. तुम्ही कोण? आणि इथे कशासाठी आलात?”

“मी मोहित, कॉन्ट्रॅक्ट-किलर आहे, सुपारी घेऊन खून करणारा… “, मोहितचं वाक्य पूर्ण व्हायच्या आधीच करण ताडकन उठला
“ओ बॉडीगार्ड, जास्त शायनींग नै… जागेवर बस काय.. “, रिव्हॉल्व्हरच सेफ्टी लॉक उघडत मोहीत म्हणाला

त्याच्या डोळ्यातले खुनशी भाव बघून करणच्या लक्षात आले कि हा वेळ पडली तर खरंच रिव्हॉल्व्हर चालवायला मागे पुढे पाहणार नाही. तसं करण परत खाली बसला..

“.. तर मी मोहीत .. आणि हि इशिता, माझी गर्लफ्रेंड… तू तर ओळखतच असशील हिला…”, करणकडे हसत बघत मोहित म्हणाला

शैलाने करणकडे रोखून पहिले

“इथे कशाला आला?”, शैलाने विचारले
“सांगतो कि.. त्याशिवाय काम कसं व्हायचं आमचं? काय रे .. बॉडीगार्ड, खरंय ना?”

करण त्याचं बोलणं काळजीपूर्वक ऐकत होता, पण त्याच वेळी तो आपली रिव्हॉल्व्हर कुठे ठेवलीय ह्याचा विचार करत होता
“आम्ही इथं शेखरसाठी आलोय.. “, मोहीत आपली पाठ अधिक जोराने भिंतीवर दाबत म्हणाला.. त्याचा चेहरा वेदनेने काही क्षण वेडावाकडा झाला

“..पण त्या आधी.. ए.. बॉडीगार्ड, रिव्हॉल्व्हर कुठेय तुझी? इशिता म्हणली तू रिव्हॉल्व्हर घेऊन आलाय म्हणे बरोबर?”

शैलाने ह्यावेळी पुन्हा करणकडे रोखून पहिले ..

“करण व्हॉट इज धिस? तुझ्याकडे रिव्हॉल्व्हर आहे? आणि कोण आहे हि इशिता? तू कसा ओळखतोस हिला.. ?”

“ओ .. तुमच्या गप्पा नंतर.. बॉडीगार्ड… रिव्हॉल्व्हर कुठेय?”
करणने रागाने इशिताकडे बघितले. रिव्हॉल्व्हर त्याच्या खिश्यातच होते, पण मोहितने नेम करणवरच धरलेला होता. शिवाय रिव्हॉल्व्हरचे सेफ्टीलॉक ऑन होते, रिव्हॉल्व्हर बाहेर काढून सेफ्टीलॉक काढेपर्यंत नक्कीच मोहीतने वेळ दिला नसता.

करणने खिश्याकडे बोट दाखवले तसे इशिता वेगाने करण जवळ आली आणि तिने त्याच्या खिश्यातुन रिव्हॉल्व्हर काढुन घेतले.

“गुड.. अजून काही आहे? बॉम्ब-बिंब?” हसत हसत मोहित म्हणाला
“नाही..”

म्हणजे तुला शेखरला मारायची सुपारी दिलीय?.. “, शैला
“अहो काय असे लहान पोरांसारखे प्रश्न विचारताय?”

….

“आम्हाला काय सुपारी वगैरे नाही दिलीय कोणी शेखरची. कशाला कोण मारेल शेखरना, इतका भला माणुस तो. आमचं काय शेखर रावांशी वैर नाही.. आजारी आहेत ना ते??.. असुद्या.. झोपुद्या त्यांना..”
करण आणि शैलाची काही क्षण नजरानजर झाली.. शेखर आतल्या खोलीत मरुन पडला आहे हे कसंही करुन ह्या दोघांना कळता कामा नये असेच काहीसे विचार दोघांच्याही मनात होते.

“..उलट शेखर चांगले धडधाकट असणं, जिवंत असणं हेच आमच्या दृष्टीने फायद्याचे आहे.. “, इशिता मध्येच बोलली
“मग? तुम्ही इथे काय शेखरला प्रोटेक्ट करायला आलाय?”, शैला

“तसं समजा हवं तर.. तुम्ही उगा पाठीत माझ्या तो स्क्रू-ड्रायव्हर खुपसलात.. जरा दमानं घ्यायचं नं.. “, मोहितने व्हिस्कीची बाटली परत तोंडाला लावली आणि २-४ घोट घश्यात ढकलले

“..आणि ह्या उपकाराच्या बदल्यात??”,.. शैला
“हा..स्स आता कसं कामाचं बोललात.. घेणार ना.. पैसे मोजून घेणार.. अंन ते पण चांगले ५ करोड.. ”

“५ करोड?? अरे काय बँक उघडलीय का आम्ही इथे..”, खुर्चीतून ताडकन उठत करण म्हणाला
“ए अरे बॉडीगार्ड.. तुला म्हणलं का मी ५ करोड तुम्ही द्या? तुम्ही फक्त २-३ दिवस राहूद्या आम्हाला इथं.. आमचे पैसे आले कि आम्ही जाऊच इथून.. ”

“हे बघा, तुम्ही खूप कोड्यात बोलताय.. मला काही कळत नाहीए.. जर आम्ही तुम्हाला पैसे नाही द्यायचे तर मग कोणी?”, शैला
“ती आहे ना तुमची इन्शोरन्स कंपनी आणि तो संदीप, तो देईल की ..”, मोहित
“का? तो का देईल?”, संदीपचं नाव निघताच करण जरा सावध झाला. संदीप जर का या गोष्टीत इन्व्हॉल्व्ह झाला आणि तो इथपर्यंत आला तर..

“त्याने नै दिले तर शेखरला ठोकू आम्ही अन मग त्याच्या इन्शोरन्स कंपनीला द्यावे लागतील १५०करोड. आता १५० करोड देणं सोप्प? का ५ करोड?”, मोहित
“म्हणजे तुम्ही शेखरना त्याच्याच घरात किडनॅप करुन ठेवणार पैसे मिळेपर्यंत?”
“भारी आहे कि नै प्लॅन? आणि संदीपला कुठे माहितेय हे घर कुठेय?”, मोहित
“मग तुम्हाला कसं कळलं?”

“तुम्हीच तर आणलेत आम्हाला इथं, ह्या तुमच्या हातातल्या घड्याळाने”

“जेंव्हा इशिताने मला पहिल्यांदा तुमच्याबद्दल सांगितले, कसं तुम्हाला हॉटेलमध्ये आणलं होतं, कसं तिने तुम्हाला बेशुद्ध करायचा प्रयत्न केला, मग संदीप तिथे आला.. त्यानंतर तुम्हाला मिळालेलं काम.. मग शेखरबद्दल, तुमचं त्याच्या घरी.. इथं.. येऊन राहण्याबद्दल, मार्केटमध्ये रंगलेली त्या इन्शोरन्स पॉलिसीची चर्चा.. ..”

“.. मग मोहितने प्लॅन बनवला..”, इशिता म्हणाली, “त्यावेळी.. हॉटेलमध्ये तू भाळला नाहीस माझ्यावर आणि ते ड्रिंक्स घेतलं नाहीस, पण ह्यावेळी नाही.. तुला माझ्या प्रेमात पाडायला भाग लावले मी आणि तुला हे घड्याळ दिले.. जीपीएस ट्रॅकर असलेलं. तुम्ही निघालात त्याच दिवशी आम्ही पण निघालो.. पण तुमची अन आमची चुकामुक झाली.. तुम्ही अचानकच गायब झालात.. ”

“हम्म, पण आम्ही धीर सोडला नाही, तुमचं जीपीएस लोकेशन दिसत होते, पण इथे यायचं कसं ते कळेना.. आम्ही त्या गावात एका लॉज मध्येच राहिलो.. सकाळी जेंव्हा तुमचं लोकेशन इथे गावातच दिसलं तेंव्हा तुमचा पाठलाग सुरु केला आणि आलो इथपर्यंत..”, मोहित

“हे बघा, तुम्हाला जे काय करायचंय ते करा, पण शेखरला त्याचा त्रास होता काम नये.. त्याच्यापासून जोपर्यंत तुम्ही लांब आहेत तो पर्यंत मला काही प्रॉब्लेम नाही.. तुम्ही शेखरजवळ जायचा प्रयत्न केलात तर मलाही माझे हात हलवावे लागतील..”, करण निर्वाणीच्या सुरात म्हणाला

“नाय ओ नाय, कुनाला पण त्रास नाय देणार.. फक्त एकदा भेटून घेतो शेखरना.. ज्यांच्या जीवावर इतके पैसे कमावणार, त्यांना एकदा भेटायला नको?”, असं म्हणून भिंतीचा आधार घेत मोहित कसा बसा उभा राहिला

करण आणि शैलाच्या डोळ्यासमोर एकदम काजवेच चमकले. जर का हा मोहित खोलीत गेला तर..

“भेटा तुम्ही.. पण शेखर आता झोपतील.. मला नाही वाटत तुम्ही त्यांना भेटावं.. उगाच त्यांना टेन्शन वगैरे आलं आणि त्यांचं लिखाण थांबलं तर..”, शैला
“च्यामारी.. अहो कसलं टेन्शन? सांगू नका त्यांना आम्ही कोण? कशाला आलो? सांगा ह्या करणचे मित्र…”.. इशिताचा आधार घेत मोहित पुढं सरकू लागला..

लवकरच काहीतरी करणं गरजेचं होत..

“बरं .. बरं.. तुम्ही २ मिनिटं थांबा, मी आणि करण फक्त त्यांना औषध देऊन येतो.. त्यांना झोपू देत, मग फार तर हळूच दार उघडुन त्यांना बघा? ओके?”
“चालतंय की .. डोळ्यांना शेखर दिसल्याशी घेणं.. नाहीतर तुम्ही म्हणायचा शेखर आत मध्ये आहेत, आणि आत कोणीच नसायचं..”, काही काळ विचार करून मोहित म्हणाला

शैला आणि करण लगबगीने आतल्या खोलीत गेले..

“आलं लक्षात..”, शैला काही बोलायच्या आधीच करण म्हणाला.

दोघांनी खोलीचं दार हलकेच लोटून घेतलं.

“शेखर.. बरं वाटतंय न आता? औषध घेऊन टाक हे घे…”, फ्रिजरच दार उघडता उघडता शैला म्हणाली
“उठु नका तुम्ही.. हि घ्या गोळी.. ह्याने शांत झोप लागेल.. सकाळपर्यंत वाटेल बरं..”, करण म्हणाला

दोघांनी पटकन फ्रिजरमधून शेखरची बॉडी काढली.. आधीच जाड-जुड, त्यात बॉडी आता चांगलीच जड व्हायला लागली होती. कसलाही आवाज होऊ न देता ती बॉडी काढून बेडवर ठेवेपर्यंत दोघांची चांगलीच दमछाक झाली.. शैलालातर श्वास घेणं जड जाऊ लागलं.

करणने पटकन शेखरच्या बॉडीवर पांघरुण टाकले, डोक्याखाली दोन उश्या सरकवल्या आणि एक मंद नाईट-लॅम्प चालू केला.

सगळं ठीक ठाक आहे बघून दोघंही खोलीच्या बाहेर आले.

बाहेर मोहीत बंदुक तयार ठेऊन उभा होता..

“नै म्हणलं, आतून दुसरी बंदूक वगैरे घेऊन आलात तर आपलं असावं.. “.. मोहित हसत हसत म्हणाला.. “मला माहिते, तुम्ही असा वेडेपणा करणार नै, पण लोकांचं काय सांगता येत नै ओ आजकाल”

दोघांचे हात रिकामे आहेत ह्याची खात्री झाल्यावर त्याने रिव्हॉल्व्हर खिश्यात ठेवून दिली..

“झोपले का शेखर?”
“थांबा १० मिनिटं.. झोपतच एवढ्यात..”, करण म्हणाला

पण मोहीतला धीर धरवत नव्हता.. लंगडत लंगडत तो खोलीपाशी आला, त्याने करणला बाजूला सरकवले आणि हळूच खोलीचं दार उघडून आत डोकावले.

समोरच्या बेडवर शेखरची बॉडी शांत पसरलेली होती..
स्वतःची तसल्ली झाल्यावर मोहीत सावकाश बाजूला झाला..

लिव्हींगरुम मध्ये येऊन सगळे बसल्यावर मोहीतने घड्याळात नजर टाकली.. संध्याकाळचे ५.३० वाजत आले होते..

“..आता मुद्याचं बोलू.. चला संदीपशी बोलण्याची वेळ झाली..”, असं म्हणून त्याने खिश्यातुन मोबाईल बाहेर काढला..

तो नंबर फिरवणार इतक्यात करण हळू आवाजात ओरडला, “थांब..”
“का? काय झालं?”
“अरे कसला कॉन्ट्रॅक्ट किलर तू.. फडतूस पिक-पॉकेट करणारा पण वाटत नाहीस तू..”, करण काहीसं चिडून म्हणाला
“ए.. बॉडीगार्ड..”
“ए.. गप्प तू.. अरे काय अक्कल आहे कि नाही तुला.. इथून फोन लावतो आहेस? मूर्खा, दोन तासात पकडला जाशील…”, करण
“ते कसं ब्वा?, संदीपला तर पत्ता माहीतच नाहीए इथला..”
“बरोबर आहे.. माहित नाहीए, पण तुझा फोन लागला कि तो ट्रेस करायला असा कितीसा वेळ लागणारे? १०-१५ मिनिटांत तुझा नंबर किंवा मोबाईलचा आय.एम.इ.आय क्रमांक ट्रॅक होईल आणि पोलीस पोहोचतील इथे.. ”

“येस्स, करेक्ट, पण तु का सांगितलेस हे मला? उलट पोलीस इथे पोहोचले असते तर तुम्हाला बरंच होतं की..”, मोहित गोंधळून म्हणाला
“नाही.. पोलीस इथे आले तरी, शेखर होस्टेज आहेत तुझ्याकडे.. जोपर्यंत तुझी बंदुक शेखरवर रोखलेली आहे तोपर्यंत पोलीस काहीच करु शकले नसते. आणि मग अश्या वेळी एखादी चुक, एखादी सुटलेली गोळी.. मग ती तुझ्या बंदुकीतून असो, कि पोलिसांच्या.. शेखरचा जिव धोक्यात आला असता. पैसे संदीपचे जात असतील तर मला काय त्याच्याशी? शेखरच्या जीवाला कोणताही धोका पोचता काम नये..”, करण मोहीतला लक्षपूर्वक न्याहाळत म्हणाला

मोहीतला करणचे म्हणणे पटलेले होते. पण त्याच्या डोक्यात हा विचार आला नाही, कि ह्या घरात फक्त त्याचाच नाही तर शेखर, शैला आणि करणचाही मोबाईल होता. लोकेशनच शोधायचे झाले, तर त्यांच्या मोबाइलवरुनही शोधता आले असतेच..

“हम्म.. पॉईंट आहे.. पॉईंट आहे.. बर मग.. आता काय करायचे?”
“आपल्याला गावात जाऊन तिथल्याच एखाद्या पब्लिक फोन वरुन संदीपला कॉन्टॅक्ट करावं लागेल..”, करण
“आपल्याला??”
“हो मग, संदीप काय तुझ्या बोलण्यावर लगेच विश्वास ठेवेल का? तिथे जर मी असेन तर मी सांगु शकेन त्याला परिस्थिती..”

“हम्म.. हे हि बरोबरच आहे…”

करणला एव्हाना खात्रीच पटली होती हा मोहीत कोणी कॉन्ट्रॅक्ट किलर वगैरे नक्कीच नाहीए.. इतक्या फालतू, बाळबोध चुका कोणी कॉन्ट्रॅक्ट किलर करुच शकत नाही. पहिल्या भेटीत जी थोडीफार भीती त्याला मोहीतची वाटली होती, ती आता कुठल्या कुठे गेली होती. त्याच्या हातात बंदूक नसती तर करणने त्याला केंव्हाच लोळवले असते.

“पण तू नाही.. तुला मी बरोबर न्हेणार नै..”, अचानक काहीतरी सुचल्यासारखं मोहीत म्हणाला

करणला तेच हवं होतं.. तो मोहीतचं बरोब्बर माईंड-रिड करायला लागला होता.. किंबहुना तो मोहितच्या दोन पावलं पुढं जाऊन विचार करत होता

“का? काय झालं?”
“आधीच मला इथे नीट चालता येत नाहीए.. तिथे भर गर्दीत, गावात तू मला चकवा देऊन पळून गेलास तर?”

करणला आता मोहीतच हसायला यायला लागलं होत..

“हम्म.. पॉईंट आहे..”, त्याची नक्कल करत करण म्हणाला .. “मग?”
“हि.. शैला येईल माझ्याबरोबर.. आणि इथे इशिता राहील तुझ्याबरोबर.. विसरु नकोस, पोरगी असली तरी तिच्या हातात रिव्हॉल्व्हर असेल… चालाखी केलीस तर तुझ्या आधी शेखर वरती पोहोचले असतील..”, मोहित उसन्या आवेशाने म्हणाला

“नै.. असे मी काहीहि करणार नाही..”, करण मनातल्या मनात हसत म्हणाला

त्याच्या डोक्यात केंव्हाच एक प्लॅन तयार झाला होता, आणि त्यातला पहिला भाग जसा करणला हवा होता, तसाच पार पडला होता.

 

हि तर फक्त एक सुरुवात होती.. अजून पुढे बरंच काही घडणं बाकी होते.. काय? ते जाणून घेण्यासाठी.. वाचा डबलक्रॉसचा पुढचा भाग.. तोपर्यंत…

[ क्रमशः ]

डबल-क्रॉस (भाग ९)


डबल-क्रॉस (भाग ८) पासून पुढे >>

दुसऱ्या दिवसाची सुरुवात कुंद वातावरणानेच झाली. पाऊस थांबला असला तरी आकाश काळ्या ढगांनी गच्च भरलेले होते. वारा पडला होता त्यामुळे हवेत गारठा असूनही अस्वस्थ व्हायला होतं होते.

करणला जाग आली तेंव्हा काही क्षण आपण कोठे आहोत हेच त्याच्या लक्षात येईना. समोरच चित्र सगळं अंधुक अंधुक दिसत होते. त्याने मोठ्या कष्टाने डोळे उघडले आणि तो बिछान्यावरच पडून राहिला. हळू हळू कालच्या रात्रीच्या घटना त्याच्या डोळ्यासमोर तरळून गेल्या. काही क्षण त्याला वाटले ते सर्व एक भयाण स्वप्नच होते.. एक नाईटमेअर..

तो धडपडत खोलीतून बाहेर आला आणि तडक शेखरच्या खोलीत शिरला. समोरच्या बेडवर शेखर अर्थातच नव्हता. खोलीत एका कोपऱ्यात रक्ताळलेल्या कपड्यांचा, बेडशिट्सचा ढीग पडला होता. जमीन अजूनही काहीशी ओलसर लागत होती.

करण शून्यात नजर लावून खोलीच्या दरवाज्यात उभा होता.

“स्वप्न नव्हतं ते करण”, मागून शैलाचा आवाज आला तसा करण भानावर आला
“मलाही असंच वाटलं होतं, ते सगळं एक स्वप्न होतं. कदाचित शेखर बाहेर त्या सोफ्यावर बसला असेल, किंवा बाहेर गार्डनमध्ये वॉक घेत असेल. पण दुर्दैवाने काल जे काही घडलं ते सगळं खरंच होतं..”

शैलाने गडद निळ्या रंगाचा पलाझो आणि वर पिवळ्या रंगाचा, पांढऱ्या फुलांची नक्षी असलेला टॅंक टॉप घातला होता. अनपेक्षितपणे शैला फ्रेश आणि अधिकच सुंदर दिसत होती.

“कॉफी घेणार?”, शैलाने विचारले
“हम्म, चालेल..”, असं म्हणून करणने शेखरच्या खोलीचं दार लावून घेतले आणि तो बाहेरच्या हॉल मध्ये येऊन बसला

थोड्याच वेळात शैला कॉफीचे कप घेऊन बाहेर आली.

कॉफीचे दोन घोट घश्यात गेल्यावर करणला थोडी तरतरी आली.

काल संध्याकाळपासून, खरं तर काल दुपार पासूनच दोघांनीही काहीच खाल्ले नव्हते आणि त्यामुळे आता पोटात भुकेचा डोंब उसळला होता.

“काही खायला आहे?”, कॉफी संपवून करण म्हणाला
“प्लिज मला आत्ता किचन मध्ये जायला सांगू नकोस, डोकं खूप ठणकतंय माझं”, जमिनीवरच्या बिनबॅग वर पाय गुडघ्यात दुमडून जवळ घेऊन बसत शैला म्हणाली
“डोन्ट वरी, मी बघतो काहीतरी”, असं म्हणून करण किचनमध्ये शिरला. फ्रिजमध्ये काही पॅक केलेली सँडविचेस, चिप्सची दोन पाकीट आणि काही बॉइल्ड एग्स होते ते घेऊन तो बाहेर आला

शैलाने एक सॅन्डविच, थोडे चिप्स कसे बसे खाल्ले आणि तिने प्लेट बाजूला ठेवून दिली. शेजारच्याच टेबलावर तिचा आणि शेखरचा एक जुन्या काळचा फोटो फ्रेम मध्ये ठेवलेला होता तो उचलून तिने छातीशी धरला

“असं नाहीए कि आजकाल आमचे संबंध फार सलोख्याचे होते, किंवा आमचं एकमेकांवर जीवापाड प्रेम उरले होते. पण पहिले काही वर्ष आम्ही खूप छान एकत्र घालवली होती. आणि त्या आठवणी कायमच माझ्याबरोबर राहतील…”, शैला म्हणाली

“शेखरवर अनेक मुली फिदा होत्या. आधीच हँडसम आणि त्यात बुक्स हिट झाल्यावर प्रसिद्धी पण मिळाली म्हणल्यावर त्याचे लेडीज फॅन फॉलोविंग खूप होते. पण असे असतांनाही आम्ही दोघे जवळ आलो. त्यानं त्या सगळ्यांमधून मला निवडले ह्याचा मला खूप जास्ती आनंद होता.

ते दिवस आमचे खूपच छान होते. पण नंतर जणु कुणाचीतरी दृष्ट लागली आणि एक एक करत आमच्यात दुरावा वाढतच गेला.”, शैला बोलत होती

करणंच मात्र तिच्या बोलण्याकडे लक्ष नव्हते. त्याच्याकडे असल्या नॉन-सेन्सला वेळ नव्हता. त्याने प्लेटमधली सॅन्डविच संपवली, मूठभर चिप्स तोंडात टाकली, एक बॉइल्ड एग घेतले आणि तो तिथून उठला व दार उघडून बाहेर आला.

 

बाहेर कुठल्याही क्षणी पाऊस येईल अशीच परिस्थिती होती.

चपला न घालताच तो चालत नदीपाशी गेला. पायाला थंडगार चिखलाचा स्पर्श सुखावत होता. नदीचे गारठलेले पाणी त्यानं सपासप तोंडावर मारले तसं त्याला थोडं फ्रेश वाटलं. तेथीलच एका दगडावर पाण्यात पाय सोडून तो बसला.

आदल्याच दिवशीच्या सकाळी तो आणि शेखर समोरच्या दगडावर गप्पा मारत बसले होते

जादू आहे करण ह्या जागेत.. जादू“, शेखर त्याला म्हणाला होता, “इथं बसलं ना कि मेंदु कसा फटाफट चालायला लागतो

करणला आज ह्याच जादूची गरज होती. त्याचा थिजलेला मेंदु जितका भराभर काम करायला लागेल तितकं चांगलं होतं.

त्याने दिवसभर करायच्या कामांची यादी करायला सुरुवात केली

१. सगळ्यात पाहिलं.. संदीपला फोन करुन सर्व काही ठीक-ठाक असल्याचा अपडेट द्यायचा
२. शेखरच्या ईमेल मधून झेड चैनलला एक ईमेल करुन काम सुरु झाले असल्याचे सूचित करायचे.
३. शेखरची खोली नीट नजरेखालून घालायची. कुठेही रक्ताचे डाग असतील तर ते नष्ट करायचे
४. काल रात्री खरंच कोणी घरात होतं का ह्याचा तपास करायचा. बाहेरचा दरवाजा आतून बंद होता. म्हणजे बाहेरुन तर कोणी आले नव्हते. मग घरात यायला दुसरा कुठला रस्ता आहे का आणि असेल तर तिकडून कोणी आलं होतं का हे तपासायचं
५. शेखरची बॉडी फ्रिजर मध्ये असली तरीही ती कायमचीच तेथे फ्रेश राहू शकणार नाही हे तो जाणून होता. एक-दोन दिवसांतच शेखरचा मृत्यू झालाय हे जाहीर करणे महत्वाचे होते. त्यानंतर कोणताही गल्लीतला डॉक्टर ही बॉडी खूप आधीची आहे हे सांगू शकला असता
६. शेखरचा मृत्यू अपघाती दाखवणं शक्यच नव्हतं. शरीरावर इतके वार शेखरचा मृत्यू एक मर्डर आहे हे स्पष्ट करत होता. मग त्यासाठी तशी एखादी सिच्युएशन निर्माण करणे गरजेचे होते..
७. आणि जर ते शक्य नाही झाले तर सरळ सर्व पैश्यावर पाणी सोडून तेथून पोबारा करणे हा एकमेव मार्ग होता. शेखरच्या मृत्यूनंतर तेथील पुरावे नष्ट करून त्याने आपल्या निर्दोषपणाचे सर्व रस्ते नष्ट करून टाकले होते. त्यामुळे तोही आता ‘ऍक्सेसरी टु मर्डर’ होताच. शैला आली तर शैला बरोबर, नाहीतर तिच्याशिवाय तेथून पळ काढणे हा शेवटचा मार्ग होता. अर्थात हा पर्याय करणने अगदीच शेवटचा ठेवला होता. शैला आणि आता शैलाची झालेली हि सर्व संपत्ती तो मिळवणारच ह्याच विचाराचा होता.

एकदा कामांची आखणी झाली कि मग करण तेथुन उठला. प्रत्येक क्षण महत्वाचा होता. आपला फोन आणायला तो आतमध्ये गेला. शैला अजूनही शेखरचा फोटो घेऊन बिन-बॅगवर बसुन होती. कुठेतरी स्वतःच्याच विचारात बुडलेल्या शैलाने करणकडे बघितलेही नाही. करणनेही तिच्याकडे दुर्लक्ष केले आणि आपल्या खोलीतून मोबाईल घेऊन तो बाहेर पडला.

 

घड्याळात सकाळचे ९.३० वाजून गेले होते. करण काही अंतर चालून गेला आणि मग त्याने संदीपला फोन लावला

“बोल करण, मी तुझ्याच फोनची वाट बघत होतो. एव्हरीथिंग ऑलराईट?”
“येस्स बॉस, एव्हरीथिंग इज ऑलराईट”, आपला आवाज नॉर्मल ठेवत करण म्हणाला. मग त्याने काल दुपारपासून आत्तापर्यंतचे ५ मिनिटांत काल्पनिक ब्रिफींग केले आणि परत दुपारनंतर फोन करतो म्हणून निरोप घेतला
“बर करण, मी दुपारी शेखरना फोन करेन, माझा फोन येईल म्हणून त्यांना आधीच सांगून ठेव”, करण फोन ठेवत असतानाच संदीप म्हणाला

करण अचानक चपापला.. “शेखरला फोन? कशाला?”
“अरे त्यांना आपल्या इन्शोरंन्स कंपनीचा फीडबॅक फॉर्म पाठवायचा आहे.. त्यांच्याकडून टेस्टिमोनी आणि रेटिंग्स मिळाले तर आपल्याला हवंय ना ते..”

शेखर ह्या जगातच नाही तर संदीप कुठून बोलणार त्याच्याशी. बिकट परिस्थिती होती, कसंही करून वेळ निभावून न्हेणे महत्वाचे होते.

संदीपचा फोन येईल तेंव्हा एक वेळ शेखर बाथरुममध्ये आहेत वगैरे सांगता येईल.. पण किती वेळा? संदीप परत फोन करेलच.
अचानक करणला एक कल्पना सुचली

“किती वाजता फोन कराल तेवढं सांगा म्हणजे मी शेखरना बाहेर येऊन थांबायला सांगतो..”, करण म्हणाला
“बाहेर? का?”
“घरात थोडा फोनच्या रेंजचा प्रॉब्लेम आहे, फोन लागत नाहीत. इथे बाहेर यावे लागते. थोडं आड बाजूला घर आहे ना.. म्हणून..”
“ओह.. अच्छा मी साधारण १२च्या सुमारास करेन”
“हरकत नाही. कालपासून पाऊस खूपच लागून राहिलाय. दुपारी पाऊस नसेल तर ते येऊन थांबतील.. नाहीच तर तसेही ते मेल्स चेक करतातच. तुम्ही इमेल पाठवून ठेवा”
“चालेल, पण मी फोन करीनच”, असं म्हणून संदीपने फोन ठेवून दिला.

निदान आजच्या दिवसापुरतं तरी संदीपला टोलवण्यात करण यशस्वी ठरला होता. थोड्यावेळात तीनही फोन ‘फ्लाईट-मोड’ ला टाकून ठेवले कि संदीपला फोन ‘अनरिचेबल’ लागला असता. ‘झेड चॅनल’ बरोबरच संदीपच्या ईमेललाही शेखरच्या ईमेल अकांउंट मधून उत्तर देऊन टाकले कि काम झाले होते.

करण आतमध्ये गेला तेंव्हा शैला बाहेर हॉल मध्ये नव्हती. शेखरचा लॅपटॉप बाहेरच लोळत पडला होता. करणने तो चालू केला. चार्जर नसल्याने बॅटरी अगदी शेवटच्या काही पर्सेंटेज पूर्ती शिल्लक होती. करणने ब्राउझर ओपन केला आणि पटापट हिस्टरी चेक केली. नशिबाने पासवर्ड सेव्हड असल्याने ईमेल-अकाऊंटच्या हिस्टरीवर क्लिक केल्यावर ईमेल्स उघडल्या गेल्या.

करणने जुजबी शब्दात ‘झेड चॅनल’ ला मेल करून टाकली तोवर संदीपची मेल इनबॉक्स मध्ये येऊन धडकली होती.

करणने शक्य तितक्या पटापट तो फॉर्म भरला, पूर्ण सॅटीस्फाईडचे फाईव्ह स्टार रेटिंग दिले आणि लॅपटॉप बंद करून टाकला.

 

लैपटॉप जागेवर ठेवून तो शेखरच्या खोलीकडे निघाला. शैलाचा तिच्या खोलीतून गाणं गुणगुण्याचा आवाज येत होता. करण प्रथम तिच्या खोलीत गेला.

“शैला, नीट आठव आणि मला सांग ह्या घरात यायला अजुन कुठला रस्ता आहे का?”
“मला कसं माहीत असणार, मी रोज येते का इथं राहायला? शेखरने हे घर बांधलं होतं, असेल कुठला रस्ता तर तो त्यालाच माहीत”, शैलाने कॅज्युअली उत्तर दिले
“शैला मुर्खासारखी उत्तर देऊ नकोस. लहान मुलांचा खेळ नाही चाललाय इथे. एक छोटीशी चुक आणि आपण दोघेही उरलेल्या आयुष्यात तुरुंगात असु”

“माझ्या माहितीत तरी फक्त एकच एंट्रन्स आहे, बाहेरुन..”, शैला

“मी सगळी दारं, खिडक्या तपासल्या, सगळ्या आतूनच बंद आहेत, कुठूनही तोडफोड किंवा जबरदस्तीने आतमध्ये घुसू शकेल अशी खूणही दिसत नाहीए”, करण
“अम्म, एक तळघर आहे खाली, पण त्यालासुध्दा बाहेरुन रस्ता नाहीए”, शैला
“तळघर?”, करण एकदम सावध झाला, “कुठेय दाखव”

शैला काही न बोलता खोलीतून हॉलमध्ये आली. हॉलमध्ये एक मोठ्ठी विंग चेअर होती ती बाजूला सरकवली आणि जमिनीला लागून असलेली एक कडी नजरेस पडली.

“हे दार आहे तळघरात जायला, पण ह्याला सुद्धा कडी आहे..” शैला दाराकडे बोट दाखवत म्हणाली

शेखरच्या मनात असलेली अंधुकशी आशा, कि बाहेरूनच कोणीतरी येऊन शेखरच खून केला, ती हि आता नाहीशी झाली होती.
शैला मात्र एव्हाना करणकडे रोखुन बघत होती.

“काय झालं? असं का बघतीयेस माझ्याकडे?”, करणने वैतागून शैलाला विचारले
“करण , शेखरला तुच तर मारलं नाहीस ना?”, शैला
“काय डोकं बिकं फिरलय का तुझं? मी कश्याला मारु शेखरला?”
“माझ्यासाठी.. पैश्यासाठी.. काल दुपारी मार्केटमध्ये तुझ्या चेहऱ्यावर स्पष्ट दिसत होतं तू कसला विचार करत होतास ते.. ”

“ओके, गो अहेड, प्रुव्ह इट, चल पोलिसांना फोन करुच आपण”, करण फोनकडे जात म्हणाला
“ओके ओके.. आय एम सॉरी”, शैला
“शैला, हे बघ, आपण आता अश्या परिस्थतीत आहोत कि तुला माझ्यावर आणि मला तुझ्यावर विश्वास ठेवण्याशिवाय दुसरा कुठलाही पर्याय नाहीए. आपल्याला एक टीम म्हणूनच काम करायचंय हे कायम डोक्यात ठेव. एकही चुक होता काम नये. राहील लक्षात?”
“हम्म”, शैला

“बरं, चल बघु काय आहे खाली त्या तळघरात..”, असं म्हणून करणने दाराची कडी उघडली, तेवढ्यात शैलाचा फोन वाजला ..

“फॉर गॉड्स सेक शैला, पुट युअर फोन ऑन फ्लाईट-मोड”, करण ओरडला, पण नंतर त्याच्या लक्षात आलं कि त्याने शैलाला याबाबद्दल काहीच सांगितले नव्हते. इतकंच काय, पण त्याने त्याचा स्वतःचा फोन सुद्धा त्याने अजून फ्लाईट-मोडला टाकलेला नव्हता.

“कुणाचा आहे?”
“माझ्या मैत्रिणीचा, क्लब पार्टनर आहे”
“ओके, नॉर्मल बोल, कसला पण संशय येता कामा नये, मध्येच शेखरला कॉफी ठेवलीय असं ओरडून सांग ओके?”
“हम्म”, असं म्हणून शैलाने फोन उचलला

शैला फोनवर बोलत होती तोवर करणने पटकन आपला फोन फ्लाईट-मोडला सेट केला.

मध्येच शैलाने करणने सांगितल्याप्रमाणे मुद्दाम शेखरला उद्देशुन कॉफी टेबलावर ठेवलीय, लॅपटॉप चार्जींगला लाव वगैरे सूचना दिल्या. थोड्याफार गप्पा मारून शैलाने फोन ठेवून दिला.

“हे काय होते मागाचचे करण? कशाला माझ्यावर ओरडलास? आणि फ्लाईट-मोडचा काय प्रकार आहे?”, शैला कमरेवर हात ठेवुन करण समोर उभी राहीली
“सांगतो, सगळं सांगतो, आधी तो फोन फ्लाईट-मोडला कर”, असं म्हणून करणने शैलाचा फोन काढून घेतला आणि फ्लाईट-मोड चालु केला.

आजूबाजूला बघताना करणचे लक्ष हॉलमधल्या लँडलाईन फोन कडे गेलं.
“ह्याचा नंबर कुणाकुणाकडे आहे? संदीपकडे?”, करणने त्या फोनकडे बोट दाखवत विचारले
“नाही, कुणाकडेच नाही. तो फोन अगदी इमर्जन्सी म्हणून आम्ही ठेवलाय, इथे रेंजचा प्रॉब्लेम आहे ना, सो कधी लागलाच तर म्हणून. पण नंबर कुणाकडेच नाहीए”, शैला
“शुअर?”
“डेड शुअर”
“गुड देन..”

“अरे, पण अश्याने आपल्याला कुणाचाच फोन येणार नाही”, शैला गोंधळुन म्हणाली
“आय नो..”, असं म्हणुन करणने त्याचं संदीपशी झालेलं संभाषण सांगितले

“ओह, आय सी.. करण वुई हॅव टु ऍक्ट फास्ट. काय विचार केला आहेस तु?”, शैला
“अजुन तरी काही नाही. वन ऍट अ टाइम. सगळ्यात पहिल्यांदा ते कपडे, बेडशीट्स तू बाहेर घेऊन जा.. थोडं लांब आणि जाळून टाक. तोवर मी शेखरची खोली परत चेक करतो. कुठे काही रक्ताचे डाग उरले नाहीत ना नीट तपासायला हवं.”
“ओके”, असं म्हणुन शैला किचनमध्ये गेली. कॅम्पफायरसाठी थोडं केरोसीन किचनमध्ये ठेवलेले होते ते आणि माचीस-बॉक्स घेऊन ती शेखरच्या खोलीत गेली. करणने आपले काम चालु केले होते. शैलाने कोपऱ्यातील तो कपड्यांचा ढीग उचलला आणि घराबाहेर पडली.

 

तासाभरानंतर करण आणि शैला दम खात हॉलमध्ये बसले होते.

“ऑल डन?”, करणने शैलाला विचारले
“हम्म, तु?”
“येस, ऑल क्लिअर. बर, मी तुला सांगायचं विसरलो.. तो सगळा ढीग पूर्ण जळून झाल्यावर त्याची राख…”
“टेकन केअर बॉस, सगळी राख नदीत फेकून दिलीय”, शैला हसत म्हणाली
“गुड, व्हेरी गुड”

“बरं.. आता?”
करणने घड्याळात नजर टाकली. १२ वाजत आले होते.

“लेट्स इट. तु आंघोळ उरकून घे, मी जेवायचं बघतो काहीतरी. एग्स आहेत, ब्रेड आहे. ऑम्लेट करतो..”
“आय एम फाईन, फ्रिज मध्ये थोड्या पेस्ट्रीजपण आहेत”, असं म्हणून शैला आंघोळीला निघून गेली

शैला आंघोळीला गेलीय ह्याची खात्री झाल्यावर करण उठला आणि पहिल्यांदा किचन मधल्या सगळ्या धारदार वस्तू, जसे चाकू, कात्र्या, चिकन कट करायचा धारधार पातं, बर्फ फोडायचा स्क्रू-ड्रायव्हर वगैरे, उचलल्या आणि कपाटातील एका ड्रॉवर मध्ये टाकून त्याला कुलूप लावून टाकले. शेखरच्या बाबतीत होऊ शकते तर त्याच्या बाबतीत का नाही? शेखरचा खून शैलाच्याच हातून झाला आहे ह्याची त्याला आता खात्री पटली होती. घरात जबरदस्तीने कोणी घुसल्याची कुठलीही खूण नव्हती. सर्व दार, खिडक्या आतूनच बंद होत्या. फक्त एकच गोष्ट त्याला सतावत होती ती म्हणजे शेखरच थंडगार पडलेलं शरीर.

अर्थात त्याचा विचार करायला नंतर वेळ होता, आत्ता वेळ होती ती शेखरचा मृत्यू जाहीर करायची आणि त्यासाठी परफेक्ट प्लॅन असणं जरुरी होतं. एक छोटीशी चुक आणि होत्याचं नव्हतं होणार होतं.

करणने गॅस चालू केला आणि हातातले अंड फोडून पॅन मध्ये टाकलं

बाहेर जवळजवळ काळोखच पसरला होता. करणची २-३ ऑम्लेट्स होईपर्यंत जोरदार पाऊस सुरु पण झाला.

करण मगाशी शैलाला म्हणाला खरं कि एकमेकांवर विश्वास असणं गरजेचं आहे, एकत्र टीम म्हणुन काम करु वगैरे, पण समहाऊ करणचाच शैलावरचा विश्वास कमी झाला होता. शेखरच्या मृत्युनंतर अचानकच करणला तिच्या वागण्यात बदल जाणवला होता. करणबद्दल तिच्या डोळ्यात असलेली ती चमक अचानकच दिसेनाशी झाली होती.

“शेखरचा मृत्यू खरोखरच एक अपघात होता की शैलाने जाणूनबुजून..”, करणच्या मनात विचार तरळून गेला
ही बाई जरा डेंजरच आहे, प्रत्येक पाऊल उचलताना नीट काळजी घेऊनच वागावं लागणार आहे हे करणने त्याचं वेळी मनोमन ठरवून टाकले.

करणने शैलाचा विचार मनातून काढून टाकला आणि पुन्हा शेखरच्या मृत्यूचा विचार सुरु केला.

काहीही झालं तरी शेखरचा मृत्यू झाला तेंव्हा तिथे आपण स्वतः हजर होतो हे दाखवणं गरजेचं होतं. शेखरच्या इन्शोरंन्स पॉलिसीमध्ये शैला ५०% भागीदार असल्याने आणि शेखरच्या मृत्यूचा फक्त आणि फक्त तिलाच फायदा होत असल्याने, संशय पहिला तिच्यावरच गेला असता. शेखरच्या मृत्यूच्या वेळी शैला कुठेतरी दुर होती हे सिध्द होणं गरजेचं होतं. दुसरी गोष्ट म्हणजे शेखरची बॉडी मिळता कामा नये, नाहीतर पोस्टमोर्टमध्ये मृत्यू कसा झाला हे प्रकाशात आलेच असते. सो, त्या दृष्टीनेसुद्धा विचार होणे गरजेचे होते.

“अपघात..”, सगळ्यात पहिला विचार करणच्या डोक्यात आला

“समजा तो आणि शेखर मासे पकडायला बोटीने नदीत गेले.. शेखरने खूप प्यायली होती. त्याने करणला न जुमानता लॉंच आपल्या ताब्यात घेतली. वेगाने चालवताना त्याचा ताबा सुटला. करणने जीव वाचवायला पाण्यात उडी घेतली आणि लॉंच खडकावर आपटली, त्याचा स्फोट झाला आणि शेखर त्यात जळून मृत्यू पावले..”

पहिल्यांदा करणला तो विचार हास्यास्पद आणि फारच फिल्मी वाटला. पण अधिक विचार करता त्याला त्यात काही दोष सुद्धा सापडेनासे झाले.

असा अपघात होणं शक्य आहे.. होऊ शकते. फक्त नदीत असे काही मोठे खडक आहेत का ते बघणं जरुरी होते आणि लॉंचचे अवशेष बघून करणंच बोलणं पटावं अशी परिस्थिती निर्माण करणं आवश्यक होतं.

खाऊन झाल्यावर लॉंचने नदीत एक चक्कर मारुन मोठे खडक तपासून यायचं करणने निश्चित केलं खरं, पण बाहेरचा पाऊस बघुन सध्या तरी ते शक्य होईल असे वाटत नव्हते. पाऊस कमी होईपर्यंत हातावर हात घेऊन बसणं हा एकच पर्याय होता. शिवाय लॉंच किनाऱ्याच्या दुसऱ्या बाजूला होती, कारण चार्जर आणायला जाताना करण लॉंच घेऊन गेला होता, येताना मात्र ते कार घेऊन आले होते.

म्हणजे आता परत कारने त्याबाजूला जाऊन लॉंच घेऊन परत येण्याशिवाय दुसरा पर्याय नव्हता. त्यात अजून वेळ जाणार होता. इथे प्रत्येक क्षण महत्वाचा असताना हा अनावश्यक वेळेचा अपव्यय पाहून करण चरफडला.

करणंच जेवणं तयार झालं तोवर शैला आंघोळ करुन आवरुन आली होती.

करणंही पटकन आंघोळ करुन आला आणि मग जेवता जेवता त्याने आपला प्लॅन शैलाला सांगितला.

“ते ठीक आहे करण, पण शेखरला फक्त बेडवरुन त्या फ्रिजमध्ये न्हेताना आपली इतकी वाट लागली होती. आणि तू म्हणतो आहेस त्याला बेडरुममधून बाहेर लॉंच पर्यंत घेऊन जायचं… जमेल का आपल्याला..?”
“जमवायलाच लागेल कसंही करुन. पण ते बघू नंतर, आधी लॉंच इकडे आणणं महत्वाचं. त्यानंतरच मी रेकी करायला नदीत जाऊ शकतो.”

“करण, माझ्या डोक्यात अजून एक भारी कल्पना आलीय.. सांगू?”, शैला
“हम्म, सांग..”
“हे बघ, आपण लॉंच आणायला गावातूनच जाणार बरोबर?”
“येस, बरोबर..”
“मग, आपल्या बरोबर शेखर सुध्दा येईल..”
“शेखर? मला नाही कळलं..”
“सांगते, गावात शेखरचे लांबचे नातेवाईक राहतात. एकटेच असतात ते, बरेच म्हातारे आहेत.. दिसतही नाही त्यांना नीट. इथे आलो आम्ही कि शेखर त्यांना आवर्जून धावती भेट देतो आणि काही पैसे देतो मदत म्हणून.. ”
“बरं मग..”
“मग ह्यावेळी हि तसंच होईल.. फक्त शेखरला दारू थोडी जास्ती झालेली असल्याने तो गाडीतच बसून राहील आणि मी घरी जाऊन पटकन पैसे देऊन येईन..”
“नाही.. मला नाही कळलं अजून..”
“अरे असं काय करतोस.. शेखरच्या ऐवजी खिडकीत तू बसशील, ती टोपी, गॉगल घालून. अंगात शेखरचे दोन-चार कोट घाल एकावर एक.. आणि नुसता खिडकीतून हात कर..”
“काही काय.. एव्हढं कळणार नाही का?”
“तूच बघ बाहेर, किती अंधारलंय. त्यात पाऊस. त्या म्हाताऱ्याला लांबून काय कळणारे. मी सांगते, शेखरने जास्त झालीय, त्यांना उद्या परवा घेऊन येईन घरी परत. त्या थेरड्याला काय पैसे मिळाल्याशी घेणं.. ”
“बरं.. पण त्याने काय होईल?”

“त्याने दोन गोष्टी होतील, एक म्हणजे तो म्हातारा पुरावा आहे कि शेखर आज दुपार पर्यंत जिवंत होता आणि त्याला खूप दारू चढलेली होती. मग तेथून तू लॉंच घेऊन परत ये. समजा तुला हवा तसा खडक मिळालाच तर शेखरचा अपघाती मृत्यू करून टाकू.

पोलिसांना आपण हेच सांगणार कि गावातून घरी येताना तुम्ही दोघे लॉंच ने आलात आणि मी कारने. म्हणजे मी तुमच्या बरोबर नव्हते. शेखरला दारु जास्ती झाली होती ह्याचा तो म्हातारा पुरावा आहेच. त्यात अंधार आणि जोराचा पाऊस, अपघात होऊ शकतो लॉंचचा.. “, शैला आपल्याच कल्पनेवर खुश होतं म्हणाली.

“व्हेरी गुड आयडिया.. पण इतक्या पावसात मासे पकडायला कोण जाईल?”
“हम्म, ओके सो मासे पकडायला नाही गेलात तुम्ही. नुसती लॉंच घेऊन परतत होतात. आपण शेखरला समजावयाचा प्रयत्न केला आत्ता नको लॉंच न्ह्यायला, पण त्याने ऐकलं नाही आपलं.. सिंपल..”

“ठीक आहे, मला एक तासभर वेळ दे, नीट विचार करु देत प्लॅनचा, कुठे काही लूप-होल नाहीये ना नीट बघावं लागेल”
“गो अहेड, मी तोवर शेखरचे कपडे काढून ठेवते.. ”

दोघजणं प्लॅनबद्दल बोलतच होते तोच दारावरची बेल वाजली.

दोघांनीही चमकून एकमेकांकडे बघितले.

करणने शैलाला गप्प राहायची खूण केली, तो दबक्या पावलांनी दरवाज्यापाशी गेला आणि दरवाजाच्या पिप-होल मधून बाहेर पहिले. पण बाहेरच्या काळोखात काहीच कळत नव्हते. फक्त दोन आकृत्या दिसत होत्या. पावसात चिंब भिजल्याने दोघेही कुडकुडत होते.

“कोण आहे?”, शैलाने हलक्या आवाजात विचारलं
करणने माहीत नाही अशी खूण केली.

एव्हाना परत बेल वाजली.

“काय करायचं?”, शैलाने पुन्हा हळू आवाजात विचारलं
करणने हळूच आपल्या पॅन्टच्या खिश्याला हात लावला. त्याच रिव्हॉल्व्हर खिश्यातच होतं.

“नक्की तू किंवा शेखरने कुणाला इकडे बोलावले नव्हते?”
“नाही.. इथे आम्ही कधीच कुणाला बोलावत नाही..”

दरवाज्यावरची बेल पुन्हा वाजली

“शैला तू दार उघड, मी इथे मागे अंधारात लपून बसतो. शक्यतो जे कोण आहे त्याला बाहेरच्या बाहेरच कटवायचा प्रयत्न कर. अगदीच वेळ आली तर मी येईन बाहेर आणि जबरदस्तीने आपण त्यांना घालवून देऊ.. ओके?”, करणने शैलाच्या जवळ जाऊन कुजबुजत विचारले
“ओके..”, असं म्हणून शैला दरवाज्यापाशी गेली आणि तिने दार उघडले. तोवर करण दरवाज्याच्यामागे लपून बसला, त्याचा एक हात रिव्हॉल्व्हरवर तयार होता.

“येस्स?”, शैलाने बाहेरच्या व्यक्तींना विचारले
“सॉरी टु डिस्टर्ब् यु मॅम, पण आमची गाडी तिकडे बाहेर रस्त्यावर बंद पडलीय. फोनला नेटवर्कही नाहीए, फक्त एक फोन करू शकलो तुमच्याकडे लँडलाईन असेल तर.. तर फार उपकार होतील..”, तो माणुस म्हणाला
“पण तुम्हाला इथं बंगला आहे कसं कळालं. मुख्य रस्त्यापासून तर खुप आतमध्ये आहे हे.. “, शैला
“हो बरोबर.. पण त्या वळणावर तुमची पजेरो बंद पडलेली दिसली.. आम्ही आपलं चान्स घ्यावा म्हणून अंदाजानेच आलो इकडे..”, तो माणूस म्हणाला
“तुमच्या मागे कोण आहे?”, शैला

“ओह ह्या.. मॅडम ह्या मॉडेल आहेत, एका जाहिरातीचं शूटिंग होतं इकडे म्हणून आम्ही आलो होतो…”, तो माणूस म्हणाला
“आणि तुम्ही? तुम्ही पण मॉडेल का?”, शैला
“नाही.. मी मॅडमचा बॉडीगार्ड आहे.. प्लिज आपण आत मध्ये येऊन बोलूयात का? मॅडम पण थंडीने कुडकुडल्यात…”
“एक मिनिटं..”, असं म्हणून शैलाने पोर्चमधला दिवा चालू केला आणि समोरचा तो हँडसम तरुण बघून ती जागेवरच खिळली.

गोरापान, कमावलेली शरीरयष्टी, शर्ट भिजल्याने शरीराला चिकटलेला.. त्यामुळे त्याची बॉडी दिसत होती. हसल्यावर गालाला पडणारी खळी शैलाचा श्वास थांबवत होती.

नकळत शैलाला आपल्या हृदयाचे वाढलेले ठोके जाणवू लागले.

तिने त्या मागच्या तरुणीकडे बघितले. साधारण मॉडेल कश्या असतात तशीच ती होती. शैलाने पुन्हा त्या तरुणाकडे आपले लक्ष वेधले.

“हे बघा.. आत्ता माझा नवरा झोपलाय, जरा तब्येत बरी नाहीए त्यांची..”
“डोन्ट वरी मॅडम, मला लक्षात येतंय.. इथे आड बाजूला.. असं अनोळखी व्यक्तींना घरात घेणं तुम्हाला असुरक्षित वाटू शकतं, आम्ही खरंच आर्टिस्ट आहोत.. हे माझं कार्ड”, असं म्हणून त्या व्यक्तीने आपलं कार्ड शैलाच्या हातात दिलं.

कुठल्याश्या मॉडेल-एन्जन्सी आणि सेक्युरिटी फोर्स च ते कार्ड होतं .. कोपऱ्यात ‘मोहित’, असं नाव लिहिलं होतं.

“ही इज सो हॉट अँड यट क्युट.. मोहित.. नाव अगदी शोभतंय”, शैला स्वतःशीच म्हणाली
“मॅडम.. पाहिजे तर मी बाहेर थांबतो.. मॅडम आत येऊन फक्त आमच्या टीमला फोन करतील म्हणजे कोणीतरी मागे येऊन आम्हाला घेऊन जाईल” , मोहित हसत म्हणाला

“नाही, त्याची आवश्यकता नाही, तुम्ही या आत मध्ये, पण फक्त एकच फोन आणि ऑफ यु गो.. ओके?”
“ओके”, असं म्हणून दोघंही आतमध्ये आले…तसा करण पटकन सोफ्यावर जाऊन बसला

शैलाने हॉल मधील बाकीचे दिवे चालू केले आणि करणकडे बोट दाखवत ती त्या दोघांना म्हणाली, “हे माझे मिस्टर…”

करण आजारी असल्याचं भासवत उभा राहिला, त्याने मोहितशी हातमिळवणी केली व मागे उभ्या असलेल्या त्या तरुणीकडे कटाक्ष टाकला आणि तो जागच्या जागी खिळलाच..

त्याच्या समोर.. त्याची गर्लफ्रेंड.. इशिता उभी होती..

 

[क्रमशः]

डबल-क्रॉस (भाग ८)


डबल-क्रॉस (भाग ७) पासून पुढे >>

करणला काय करावं काहीच सुचत नव्हते. आयुष्यात पहिल्यांदाच तो इतका ब्लँक झाला होता. सर्व संवेदना जणू गोठल्या होत्या, मती गुंग झाली होती. शैला मात्र लगेचच भानावर आली होती. समोर काय घडलंय हे तिच्या लक्षात आले होते आणि ती जोर जोरात किंचाळत रडत होती.

“फक, व्हॉट हॅव आय डन.. शिट्ट, शेखर.. शेखर.. डॅम.. आय एम डेड नाऊ…. फक.. फsssक …”

बाहेर कोसळणाऱ्या पावसाच्या आवाजात तिचा आवाज दबून जात होता तरीही तिचं किंचाळणे करणला असह्य होत होते.

“शैला, प्लिज शांत बस, मला विचार करू दे”, करण कपाळावरुन हात फिरवत म्हणाला

शैला आपल्याच रडण्या-ओरडण्यात मग्न होती. पुन्हा पुन्हा ती शेखरला हलवून जागं करण्याचा प्रयत्न करत होती

“गेट अप शेखर, प्लिज गॉड्स-सेक वेक अप प्लिज… ”

“शैला, प्लिज शांत हो, शेखर इज डेड.. तुझ्या ओरडण्याने तो उठून बसणार नाहीए”

“शेखर, उठ शेखर.. तुझं .. तुझं पुस्तक अपूर्ण आहे, हजारो, करोडो लोक तुझ्याकडे नजर लावून बसली आहेत.. हे बघ.. मी.. मी तो चार्जर घेऊन येते.. चिकन पीस.. काय ज्युसी आहेत, तुला आवडतात तसे, प्लिज उठ”

करणंच डोकं भणभणायला लागलं होतं. तो तणतणत शैलापाशी गेला आणि पुढचा मागचा विचार न करता त्याने शैलाच्या मुस्काटात ठेवून दिली.

शैलाचे अर्धवट बांधलेले केस त्या आघाताने चेहऱ्यावर येऊन विसावले. शैला मटकन खाली बसली.

“लुक ऐट हीम शैला, लूक..”, शेखरचा हात हातात धरत करण म्हणाला, “ही इज डेड बाय टू अवर्स नाऊ..”

करणला अचानक स्वतःच्याच बोलण्याचे आश्चर्य वाटले. त्याने परत शेखरचा हात हातात घेतला, त्याच्या कपाळाला हात लावला.

“धिस इज इन्सेंन”, करण स्वतःशीच बडबडला आणि मग त्याने कोपऱ्यात बसलेल्या शैलाला दंडाला धरुन उभे केले आणि म्हणाला, “शैला नीट आठव.. तू शेखरच्या खोलीत कधी आलीस? कधी मारलस तू शेखरला?”

शैलाच्या डोळ्यातून आश्रू वाहत होते.

“शैला.. काय विचारतोय मी, तू शेखरच्या खोलीत कधी आलीस?”

“नाही, मला काहीच आठवत नाहीए…”, डोळे पुसत शैला म्हणाली, “आणि काय फरक पडतो, मी शेखरला मारलंय हेच सत्य आहे.. वुई शुड कॉल पोलीस, मी विक्रमला फोन करते” असं म्हणून शैला खोलीतून बाहेर जायला वळली.

“थांब शैला, डोन्ट मूव्ह”, करण जवळ जवळ ओरडलाच , “तुझ्या पायाला सगळं रक्त लागलंय, घरभर ठसे उमटतील, दोन मिनटं थांब”
“काय फरक पडतो, पोलिसांना फोन तर करावाच लागेल”
“हो, पण दोन मिनिटं थांब, हे बघ.. शेखरचा हात बघ..”, शैलाला मागे ओढून शेखरकडे ढकलत करण म्हणाला

शैलाने शेखरचा हात काही क्षण हातात धरला.

“काही वेगळं वाटलं?”, करणने विचारले
“नाही.. का?”
“त्याचा हात बघ.. किती गार पडला आहे”
“ऑफकोर्स करण, शेखर इज डेड नाऊ, अर्थात त्याची पूर्ण बॉडीच गार असणार”

“बरोबर, पण इतकी?”
“म्हणजे? काय म्हणायचंय तुला करण?”

“हे बघ, मी ह्या खोलीत आलो तेंव्हा तू शेखरवर चाकूने वार करत होतीस, समजा शेखर त्यावेळी मेला किंवा समज फार तर अर्धा तास आधी. मला इथे येऊन अर्धा तास झाला. ह्याचा अर्थ शेखरला मरून जास्तीत जास्ती एक तास झाला असला पाहिजे. बरोबर??”
“बरोबर.. मग?”
“मग??.. कमॉन शैला, एका तासात शरीर इतके गार नाही पडत, थोडी तर धक असते शरीराला, थोडे तरी कोमट लागायला नको शरीर?”

“करण, मला काळात नाहीए तुला काय म्हणायचंय, प्लिज स्पष्ट बोलतोस का?”
“बोलतो.. दोन गोष्टी, एक तर तू शेखरवर निदान एक तास तरी वार करत होतीस.. अर्थात शेखरच्या बॉडीकडे बघून तसे वाटत नाहीए. तू तासभर त्यावर वार केले असतेस तर एव्हाना त्याच्या बॉडीची चाळणी व्हायला हवी .. ”
“.. आणि दुसरी गोष्ट??”

“दुसरी गोष्ट अशी कि शेखरला तू नाही, दुसऱ्या कोणीतरी मारलंय.. ”
“काय बोलतोयेस तू करण, माझ्याव्यतिरिक्त इथे दुसरं म्हणजे तूच आहेस.. तुला असं म्हणायचंय, तू मारलस शेखरला??”
“नाही शैला, मला म्हणायचेय आपल्या दोघांव्यतिरिक्त ह्या घरात अजून कोण तरी आहे.. “, शेखर कानोसा घेत म्हणाला

“करण प्लिज.. प्लिज मला घाबरवू नकोस, आधीच खूप घाबरलीय मी. आपण.. आपण पोलिसांना फोन करु”
“शैला, पोलिसांना फोन करून काय होणार? इथे प्रथमदर्शी सरळ सरळ दिसतेय तुझ्या हातून खून झालेला. त्यांच्या दृष्टीने हि ओपन-अँड-शट केस आहे.”

“करण, तुला माहिते ना, मी मुद्दाम नाही केले.. मगाशी .. मगाशी आपण बाहेरून आलो.. शेखरने मला मारलं.. तेच डोक्यात होतं माझ्या… करण, पोलिसांना इंफॉर्म करावंच लागेल ना? उलट नाही केलं प्रॉब्लेम होईल.. विक्रम आमच्या ओळखीचे आहेत, ते नक्की हेल्प करतील”, शैला बोलत होती

“वेडेपणा करू नकोस, आत्ता परिस्थती अशी आहे कि कोणी तुला हेल्प करू शकणार नाही?”
“का?”, डोळे मोठ्ठे करत शैलाने विचारले

“का काय? तूच विचार कर, शेखरची ती इन्शोरन्स पॉलिसी, त्यात तू ५०% भागीदार… पॉलिसी काढून महिना पण नसेल झाला.. आपण इथे ह्या निर्जन स्थळी येतो.. इथे येऊन किती दिवस झाले? फक्त २.. आणि दुसऱ्या दिवशी रात्रीच शेखरचा ‘खून’ होतो.. एक अधिक एक करायला पोलिसांना असा कितीसा वेळ लागणारे. पोलिसच काय, कोणीही हेच म्हणेल कि पैश्यासाठी तू शेखरचा खून केलास.. ”

“पण करण, तू आहेस ना पुरावा.. तुला माहिते मला झोपेत चालण्याचा आजार आहे.. तू स्वतः अनुभवले आहेस ते.. आपण बाहेरून आलो तेंव्हा जे घडले तेंव्हाही तू तेथे होतास.. आणि मी.. मी शेखरने मारत होते, तेंव्हाही तू तेथे होतास.. तू बघितले असशीलच ना मी झोपेत होते..”, शैला

करण काहीच बोलला नाही

“शिवाय तू तर त्या इन्शोरंन्स कंपनीचाच एजंट आहेस, तूच तशी साक्ष दिलीस तर प्रश्नच संपला. उलट आपण पोलिसांना उशिरा फोन केला तर त्यांना संशय येईल..”, शैला

“वेडी आहेस तू, इतकं साधं वाटतं का तुला सगळं? तो संदीप.. इतक्या सहजी मान्य करेल हे? इन्शोरंन्स कंपनीचा १ रुपया तो सोडणार नाही, इथे करोडो रुपयांचा प्रश्न आहे. उलट तो मला ह्या प्रकरणात गुंतवायचा प्रयत्न करेल. तुझं आणि माझं अफेअर होते आणि आपण दोघांनी मिळून हा मर्डर प्लॅन केला असे म्हणेल तो..”, करण

“ह्यॅ, असं कसं म्हणेल तो? दोन दिवसात कुणाचं अफेअर होतं का असं?”, शैला करणला उडवून लावत म्हणाली

तिच्या त्या वाक्याने क्षणभर करण दुखावला गेला, क्षणभर त्याला वाटलं कि शैलाच्या मनात आपल्याबद्दल काही नसेलच तर कशाला हिला मदत करुन स्वतःला अडकून घ्या? करेनाका पोलिसांना फोन.

“बरं मग? तु काय करायचं म्हणतोयेस?”

करणने तोंडावर हात ठेवून तिला शांत बसायची खूण केली.

 

“तू इथेच थांब, अज्जीबात हलू नकोस”, सावकाश आवाजात करण शैलाला म्हणाला आणि मग हलकी हलकी पावलं टाकत करण खोलीच्या बाहेर पडला.

बाहेर सर्वत्र मिट्ट काळोख होता. करण पावलांचा आवाज न करता स्वतःच्या खोलीत गेला, ड्रॉव्हर मधून त्याने आपले रिव्हॉल्व्हर उचलले आणि तो खोलीच्या बाहेर आला. भिंतीचा आधार घेत घेत तो हळू हळू पुढे सरकत होता. प्रत्येक चार पावलांवर थांबून तो कानोसा घेई आणि मग पुढे चाले. कुठल्याही क्षणी अंधारातून कोणीतरी अंगावर झेप घेईल अशीच भीती करणला वाटत होती.

सावकाश सरकत तो पहिल्यांदा हॉल मध्ये आला. बराच वेळ तो भिंतीला टेकून आजूबाजूची चाहूल घेत शांत उभा राहिला. मनाची पूर्ण खात्री होईपर्यंत न हलता करण भिंतीला खेटून स्तब्ध उभा राहिला हॉलमधून कसलाच आवाज येत नव्हता. हॉलमध्ये नक्की कोणी नाही ह्याची खात्री झाल्यावर तो मुख्य दरवाज्यापाशी आला. दरवाजा आतूनच बंद होता.

पुन्हा हळू हळू सरकत तो आधी शैलाच्या बेडरूम मध्ये आणि मग किचन मध्ये गेला. पण संपूर्ण घर रिकामे होते.

 

रिव्हॉल्व्हर खिश्यात ठेवून तो पुन्हा शेखरच्या खोलीत आला.

शैलाने त्याला भुवई उडवून काय झालं? विचारले

“घरात कोणी नाहीए.”, करण म्हणाला
“मग? म्हणजे हा खून मीच केलाय ना?”
“बघू आपण, आत्ता अंधारात काहीच दिसत नाहीए आणि कोणी असेलच आत किंवा बाहेर, तर घरातले दिवे लावून मला आपली हालचाल त्यांना दिसू द्यायची नाहीए”
“बर, मग आता काय करायचं म्हणतो आहेस?

“शैला, हे बघ, जे झालं तर वाईटच झालं. पण आता शेखर परत येणारे का? पोलिसांना फोन करुन तू तुरुंगात जाशील, माझे करीअर बरबाद होईल आणि इन्शोरंन्स चे पैसेही कुणालाच मिळणार नाहीत”

“इफ वुई प्ले इट राईट तर साप भी मरा और लाठी भी ना टुटी होऊ शकेल”
“म्हणजे?”
“म्हणजे आपण शेखरच्या मृत्यू कॅश करू शकलो तर इन्शोरंन्स चे पैसे आपल्याला मिळतील आणि उरलेले आयुष्य आपण दोघे एकत्र घालवू शकु”
“करण अरे समोर माझा नवरा मरुन पडलाय, आणि तो खून मी केलाय हे सरळ सरळ दिसतेय आणि तू कसले प्लॅन करतो आहेस? उलट आपण पोलिसांना फोन केला, माझा डॉक्टर माझ्या आजाराविषयी जाणून आहे, आज ना उद्या ते कोर्टात सिध्द होईलच कि हा खून जाणून बुजून झालेला नाहीए. उलट आपण तसं नाही केलं तर नसते गोत्यात येऊ”

“ही एक आयती संधी चालून आलीय आपल्याला. आपण फक्त आपलं डोकं ताळ्यावर ठेवून वागायचंय. शैला.. ट्रस्ट मी”
“आर यु शुअर करण? कारण एकदा का आपण हे पुरावे नष्ट करायचा प्रयत्न केला की मग मात्र आपल्यावर कोणी विश्वास ठेवणार नाही. मी तर अडकेनच, पण तू सुद्धा अडकशील नाहक ह्यात”

“आय एम शुअर… सगळ्यात पहिल्यांदा आपल्याला शेखरच्या बॉडीच काहीतरी केलं पाहिजे” म्हणत करणने इतरत्र नजर टाकली. उत्तर त्याच्या समोर होते. फ्रोजन फूड स्टोअर करून ठेवायला असलेला मोठ्ठा फ्रिजर समोरच होता
“शैला, आपण शेखरला तात्पुरतं इथे, ह्या फ्रिजर मध्ये, ठेवूया.. दॅट विल किप हिज बॉडी सेफ फ्रॉम डीकंपोजिंग ओके?”

शैलाने काही न बोलता मान डोलावली

“आत्तापर्यंत जे झालं ते झालं, इथून पुढे आपण जे काही करू त्यात आपल्या हातांचे ठसे उमटता काम नयेत. घरात हँडग्लोव्ह्ज आहेत?”, करण
“नाही.. ”
“ओके. निदान पॉलिथिन बॅग्स?”
“हो असतील.. “असं म्हणून शैलाने शेजारच्या कपाटाकडे बोट दाखवले.

करणने खिश्यातुन रुमाल काढला आणि तो हातात धरून ते कपाट उघडले. थोडीफार शोधाशोध केल्यावर एका ड्रॉव्हर मध्ये त्याला दोन-चार प्लॅस्टिकच्या पिशव्या सापडल्या. करणने दोन आपल्या हातात घातल्या आणि दोन शैलाकडे दिल्या.

शैलाने त्या पिशव्या हातात घातल्या आणि तो मोठ्ठा फ्रिजर उघडला.

“शैला, खाण्याचे काही पदार्थ असतील तर ते बाहेर काढून ठेव, आपल्याला इथे किती दिवस काढावे लागतील सांगता येत नाही.”, शेखरचा देह बेडवरुन हळू हळू पुढे ओढत करण म्हणाला.

शैलाने काही न बोलता आत मध्ये खाण्याचे असेल नसेल ते बाहेर काढून टेबलावर ठेवले आणि मग दोघांनी मिळून शेखरचा तो बोजड देह ओढायला सुरुवात केली. वाटलं होतं त्यापेक्षा शेखर ओढायला अधिकच जड होता. त्यात हातातल्या प्लॅस्टिकच्या पिशव्या सारखा सटकत होत्या. दोघांनीही तो देह मोठ्या मुश्किलीने उचलला, त्या फ्रिजरमध्ये कोंबला व फ्रिजरचे दार लावून टाकले.

दोन मिनिटांतच करण आणि शैला घामाने चिंब भिजून गेले होते. धापा टाकत दोघेही बेडच्या किनाऱ्यावर बसले.

“आता?”, शैलाने दम खात विचारले.
“वुई हॅव टू क्लीन धिस मेस..”, जमिनीवर साठलेले रक्त आणि रक्ताने माखलेले बेडशीट दाखवत करण म्हणाला, “मी किचन मधून फरशी पुसायचा आणतो, तू बेडशीट्स वगैरे काढून कोपऱ्यात ठेव..”

शैलाने आपले केस बांधले आणि कामाला लागली. करणने किचनमधून फरशी पुसायचे फडके आणले आणि तो जमिनीवर सांडलेले रक्त पुसू लागला. समोर इतक्या मोठ्या प्रमाणात रक्त बघून दोघांनाही शिसारी येत होती. शैलाने तर दोन-तीनदा अगदी घश्याशी आलेली उलटी मोठ्या कष्टाने थांबवली होती.

जवळ जवळ दोन-तीन तास न थांबता, न बोलता दोघंही कामं करत होते. शेवटी मनासारखं स्वच्छ झाल्यावर दोघेही भिंतीला टेकून खाली बसले.

“निदान मानवी नजरेने तरी इथलं स्वच्छ झालंय. पण पोलीस आणि त्यांच्याकडची कुत्री काही सेकंदात हे बिंग उघड करतील. पण अर्थात ते पुढचं पुढे..”, करण जणू स्वतःशीच पुटपुटला
“करण.. तुला खरंच वाटतंय इथे अजून कोणी आहे किंवा होतं? का तुलाही वाटतंय हा खून मीच केलाय?”
“माहित नाही शैला, आत्ता काहीच सांगता येणार नाही. एकतर आत्ता डोकंही चालत नाहीए आणि शरीरही पूर्ण थकून गेलय. उद्या उजाडल्यावर आणि घराची नीट पाहणी केल्यावरच नक्की काय ते सांगता येईल.”, करण

“उद्याचा दिवस खूप मोठ्ठा असणारे, खूप सारं थिंकिंग आणि खूप साऱ्या गोष्टी करायच्या आहेत आणि त्यासाठी आपलं शरीर आणि मन ताजतवानं असणं गरजेचं आहे. आपले सगळे कपडे, ह्या हातातल्या पिशव्या, फडकी आणि ह्या बेडशीट्स सगळं एका कोपऱ्यात रचून ठेवू, स्वच्छ आंघोळ करु आणि जी काय लागेल तितकी झोप काढू. उद्या सकाळी पहिल्यांदा ह्या कपड्यांची विल्हेवाट लावून टाकू, मग बाकीचं सगळं. ओके?”

“ओके”, असं म्हणून शैलाने कसलाही विचार न करता आपले सर्व कपडे उतरवले आणि कोपऱ्यातल्या त्या ढिगाऱ्यात फेकून दिले व ती तिच्या खोलीत अंघोळीला निघून गेली.
करणनेही मग आपले कपडे त्या ढिगाऱ्यात फेकले आणि तो आपल्या बेडरूममध्ये आंघोळीला निघून गेला

 

करण आपल्या बेडवर पडला तेंव्हा त्याच्या डोळ्यासमोर दिवसभराचा घटनाक्रम झरझर सरकत होता, आणि त्यातील प्रत्येक ऍक्शनसाठी करायची रिऍक्शनही त्याच्या डोक्यात तयार होत होती.

देअर इज नो मास्टर प्लॅन, देअर इज नो परफेक्ट क्राईम. करण हे जाणून होता. आपल्या व्यवसायात त्याने ह्याचा अनेकदा अनुभव घेतला होता आणि म्हणूनच तो घडलेली प्रत्येक गोष्ट आणि नंतर करायच्या प्रत्येक कृतीचा अनेक पैलूंनी विचार करत होता.

पैसा महत्वाचा होताच.. असतोच, पण पैश्याबरोबर करणला शैलाही हवी होती. वॉज शी वर्थ द रिस्क ऑफ करण इज टेकिंग? निदान करणच्या दृष्टीने तरी त्याचे उत्तर हो, असेच होते.

विचार करता करताच करणला कधीतरी झोप लागली.

 

खरंच त्या घरात त्या दोघांव्यतिरिक्त अजून तिसरं कोणी होतं ज्याने शेखरचा खून केला होता? का शैलाच्या हातून नकळत शेखरचा मृत्यू ओढवला होता? पैसा आणि शैलाच्या हव्यासापोटी करणने काही वाकडे पाऊल उचलले होते. का? का? हा सगळा एक बनाव होता जो शैलाने घडवून आणला होता आणि जाणूनबुजून शेखरचा खून केला होता. प्रश्न अनेक होते ज्याची उत्तरं ‘डबल-क्रॉस’चे पुढचे येणारे भागच देऊ शकणार होते.

करण म्हणाला ते खरंच होते. उद्याचा दिवस बिग-डे होताच, पण फक्त तो त्यांच्यासाठीच नाही तर अजून कुणासाठीतरी सुद्धा. नियतीने करण आणि शैलासाठी काहीतरी वेगळेच योजून ठेवले होते. अनपेक्षित, ज्याची कदाचित करणच्या मनात तयार होत असलेल्या प्लॅनमध्ये खिजगणतीलाही जागा नव्हती.

 

[ क्रमशः ]

डबल-क्रॉस (भाग ७)


डबल-क्रॉस (भाग ६) पासून पुढे >>

१५-२० मिनिटांतच पावसाने रौद्र रूप धारण केले.  बादल्या बादल्या भरून पाणी काचेवर एकदम ओतावे तस गाडीच्या विंडशिल्डवर पाणी पडत होते. करणने व्हायपर्स पूर्ण वेगात चालू केले पण त्याचा म्हणावा तास उपयोग होत नव्हता.  अनोळखी रस्ता, त्यात तुफानी पाऊस आणि मिट्ट काळोख त्यामुळे करण गाडी हळुवारच चालवत होता.

साधारणपणे अर्धा तास ड्राइव्ह झाला असेल तसं अचानक शैला म्हणाली, “पुढे एक उजवीकडे कच्चा रस्ता गेलेला दिसेल तिथून गाडी आतमध्ये घे”

करण स्वतःच्याच विचारात आणि त्या कठीण परिस्थितीत गाडी चालवण्यात इतका गुंग होऊन गेला होता कि बरोबर शैला आहे हे तो पूर्ण विसरलाच होता. शैलाच्या आवाजाने काहीसा तो दचकलाच. धुरकटलेल्या काचेतून करणने तो रस्ता बघितला. रस्ता कसला, खरंतर ती जणू एक चिंचोळी पायवाटच होती.  करणने आरशातून मागे बघितले, रस्ता पूर्ण रिकामाच होता. करणने सावकाश गाडी वळवली आणि त्या कच्च्या रस्त्याने तो फार्म-हाऊस कडे जाऊ लागला.  दोन्ही बाजूने गर्द झाडी होती, रस्त्यावर पाण्याची मोठ्ठी डबकी साठली होती, गाडी ५० मीटर पण नसेल गेली तोच गाडीला जोरदार हादरा बसला. गाडीचे उजव्या बाजूचे पुढचे चाक एका मोठ्या खड्यात गेले होते.

करणने गाडी रिव्हर्स गेअर मध्ये टाकली आणि जोरात अक्सिलेटर दाबला. गाडीची मागची चाक वेगाने फिरली, परंतु रस्त्यावर चिखल असल्याने त्याचा म्हणावा तसा उपयोग झाला नाही. त्या निसरड्या रस्त्यावर दोन्ही चाक जणू जागच्या जागीच फिरली. करणने ४ x ४ ड्राईव्हचे बटण दाबले आणि पुन्हा अक्सिलेटर दाबला. ह्यावेळी खड्यात अडकलेली पुढची दोन्ही चाक सुद्धा फिरली पण खड्यात साठलेल्या त्या चिखलाचे फवारे उडण्याव्यतिरिक्त फारसे काही घडले नाही.

करणने शैलाकडे बघितले. ती निर्विकार चेहऱ्याने बाहेर बघत बसली होती.

करण चरफडत खाली उतरला. बाहेर प्रचंड पाऊस कोसळत होता. गाडीचे चाक खड्यात अर्ध्याच्यावर बुडले होते. करणने अंधारात चाचपडत दोन चार मोठे पण आकाराने चपटे दगड गोळा केले आणि खड्यात बुडलेल्या त्या चाकाच्या मागे अंदाजाने ठेवले. मग तो मागच्या चाकांपाशी गेला. तेथेही चाकं फिरून फिरून छोटा खड्डा पडला होता. करणने तिथली माती एकसारखी केली आणि परत तो गाडीत येऊन बसला.

गाडी सुरू केली आणि पुन्हा एकदाअक्सिलेटर दाबला. त्या चपट्या दगडांवरून खड्यातले ते चाक किंचितसे हलले परंतु पूर्ण बाहेर नाही आले. करणने चांगली ५-१० मिनिटं प्रयत्न केले, पण सगळेच व्यर्थ गेले. त्या कोसळणाऱ्या पावसाच्या आवाजातही गाडीच्या इंजिनचा वाढलेला आवाज ऐकू येत होता. एव्हाना क्लच आणि टायरचा तो जळका वास सर्वत्र पसरला होता.

गाडी बाहेर निघणं तर सोडाच उलट अजून चिखलात रुतत चालली होती.

“गाडी राहू देत इथेच, सकाळी पाऊस थांबला कि घेऊन जाऊ..”, अचानक शैला म्हणाली
“शैला.. बाहेर बघ, मिट्ट काळोख आहे, काही फुटांवरच पण दिसत नाहीए. त्यात इतका पाऊस, आजूबाजूला जंगल, चालत जायचं म्हणजे..”, करण
“ऑलराइट, ट्राय युअर लक, मला वाटत नाही गाडी निघेल, मी जातेय चालत”, असं म्हणून शैला उतरली सुद्धा.

करणने एकवार चारही बाजूने गाडी न्याहाळली. शैला म्हणत होती त्यात तथ्य होत. ४ x ४ मोड ड्राईव्ह ऑन होता, पजेरोचं शक्तिशाली इंजिन होतं तरीही १५-२० मिनिटांच्या प्रयत्नानंतरही गाडी खड्यातून बाहेर आली नव्हती. शिवाय क्लच केबल तुटली असती तर नसता व्याप वाढला असता. त्यापेक्षा सकाळी येऊन गाडी काढणं कधीही सोईचं होतं.

करणने इग्निशन बंद केलं, दिवे बंद केले आणि गाडी लॉक करून टाकली. दिवे बंद होताच थोडाफार उजळलेला रस्ताही अंधारात बुडाला. काही म्हणजे काही केल्या रस्त्याचा अंदाज येत नव्हता. पाऊस रपारप अंगाला लागत होता.  शैला मात्र लख्ख सूर्य प्रकाशात चालल्यासारखी चालत होती, तर करण चाचपडत तिच्या मागोमाग चालला होता. ठिकठिकाणी पाण्याची डबकी साठली होती, वेगाने वाहणाऱ्या वाऱ्याने आजूबाजूच्या झाडांच्या फांद्या अंगावर आदळत होत्या.

“शैला… तुला खात्री आहे आपण बरोबर रस्त्याने चाललोय?” साधारण पंधरा मिनिटं चालल्यावर करण म्हणाला
“ऑफकोर्स”
“पण इथे काही म्हणजे काही दिसत नाहीये, हाऊ कॅन यु बी सो शुअर?”
“मी स्लिप-वॉक करते करण..”, शैला म्हणाली

“यु व्हॉट? काहीही ऐकू येत नाहीए”

शैला चालायची थांबली आणि करण जवळ आल्यावर म्हणाली, “मी डोळे झाकून झोपेत चालू शकते, तर ह्यात काय अवघड?”

त्या पावसाच्या आवाजात दोघांनाही बोलणं नीट ऐकू जात नव्हतं, दोघांनाही जोर-जोरात ओरडूनच बोलावं लागत होतं.

“वैताग झालाय नुसता, इतक्यात काही हा पाऊस थांबेल असे वाटत नाही”, करण

“वैताग? आर यु मॅड? मला तर खूप आवडतो पाऊस, खूप मस्त वाटतेय इथे… “, शैला

करणला शैलाच्या ह्या विचित्र मुडी स्वभावाचं आश्चर्य वाटू लागले होते. कधी हि स्वतःशीच गुंग असते तर कधी एकदम मोकळ्या स्वभावाची. काही मिनिटांपर्यंत हि गाडीत तोंड फुगवून बसली होती आणि आता इथे.. एकदम स्वछंद..

अचानक आकाशात वीज कडाडली. त्या निव्वळ काही सेकंदाच्या प्रकाशात करणला शैला दिसली. तिचे सोनेरी हायलाईटेड केस चेहऱ्यावर विखुरले होते, चिंब पावसाने भिजलेले तिचे कपडे तिच्या अंगाला घट्ट चिकटून बसले होते. पावसाच्या त्या माऱ्याने तिच्या पापण्या वेगाने उघडमीट करत होत्या.

विजेच्या आवाजाने दचकून तिने करणचा हात पकडला आणि जणू ती आकाशात कडाडलेली वीज करणच्या नसानसांतून वहावत गेली.

करण काही न बोलता स्तब्ध उभा राहीला.

शैलाने हळुवार करणचा हात सोडला आणि म्हणाली, “मला माहिते तुझ्या मनात काय चाललंय, पण आपण ऑलरेडी त्याबद्दल बोललोय..”, आणि ती माघारी वळली. करणने तिला थांबवायचा प्रयत्न केला पण शैलाने पुढे चालायला सुरुवात केली होती

“शैला… थांब..”, करण जोरात ओरडला

“नाही.. नो.. नेव्हर..”, शैला हसत हसत म्हणाली आणि तिने अजून  भराभर चायलायला सुरुवात केली.

करणनेही चरफडत आपल्या चालण्याचा वेग वाढवला.

“करण, गप्प बस हं…”, असं म्हणून शैलानेही आपल्या चालण्याचा वेग वाढवला

काही अंतर पुढे गेल्यावर दूरवर त्या घरातला दिवा करणला दिसला.

“शैला.. ऐक तर खरं …”

“मला माहिते तुला काय म्हणायचेय आणि काय करायचेय..”, शैला दुरूनच ओरडून म्हणाली

आडवाटेचा तो रस्ता संपून आता तो सपाट पूल सुरु झाला होता तसं शैलाने धावायला सुरुवात केली आणि करणंही तिच्या मागोमाग धावला. पण शैलाला रस्ता ओळखीचा असल्याने ती आधी घरापाशी पोहोचली.. धावतच तिने दार उघडले, आणि मागोमाग करणंही धावतच घरात शिरला.

दोघांनाही पळत आल्याने धाप लागली होती..

 

शेखर हॉलमध्येच त्यांची वाट बघत बसला होता. बाजूलाच बियरचे दोन कॅन आणि व्होडकाची एक रिकामी क्वार्टर पडली होती.

भिंतीचा आधार घेत शेखर कसाबसा उठून उभा राहीला.

“खूप वेळ लागला तुम्हाला? कुठे मेला होतात इतक्या वेळ?”, शेखर तोल सांभाळत म्हणाला
“सर, गाडी चिखलात अडकून पडली, शेवटी आम्हाला चालत यावं लागलं”, करण

“शक्यच नाही, पजेरो इज अ बिस्ट, इतक्याश्या चिखलात कशी अडकून पडेल ती?”, एकदा शैलाकडे आणि एकदा करणकडे संशयाने बघत शेखर म्हणाला

शेखरची ती नजर शैलाला अस्वस्थ करून गेली. तिने विस्कटलेले केस एकसारखे केले, धावताना गुडघ्याच्या वर गेलेला आपला ड्रेस एकसारखा केला.

“सर, खूप प्रयत्न केला, इतका जोरात पाऊस आहे एक तर काहीच दिसत नव्हते, परत उगाच क्लच प्लेट वगैरे तुटली असती तर..”, करण समजावणीच्या सुरात म्हणाला

“ऑलराइट, ऑलराइट..”, शेखरच्या चेहऱ्यावर नाराजी स्पष्ट दिसत होती, “दे तो चार्जर इकडे आणि तो तंदूर आण लगेच गरम करून, खूप भूक लागलीय मला..”

करणला अचानक जाणीव झाली कि ते पार्सल आणि तो चार्जर गाडीतच राहिला होता. तो विसरला होता हि एक गोष्ट, पण लक्षात जरी असतं तरीही ह्या पावसातून तो चार्जर आणि ते खाण्याचं पार्सल आणता आलंच नसतं, पावसात पूर्ण खराब होऊन गेलं असतं.

करणने शैलाकडे पाहिलं.

“शेखर, दोन्ही गाडीतच आहे, ह्या पावसातून शक्य नव्हते आणणे.  पावसात भिजून चार्जर तर वाया गेलाच असता, पण खायचं पण खराब झालं असतं, सो उद्या पाऊस थांबला की …”..

पण शैलाच बोलणं अर्धवटच राहीलं.  शेखर ताडताड पावलं टाकत शैलाजवळ पोचला होता आणि त्याने शैलाच्या एक सणसणीत कानफडात लावून दिली होती.  त्या अनपेक्षित आघाताने शैला बाजूच्या सोफ्यावर कोसळली.

शेखरने तिच्या दंडाला धरून उभे केले आणि ओरडला, “तुला मध्ये बोलायला सांगितले होते? विचारले होते तुला? जा आत्ताच्या आत्ता तो चार्जर आणि खायचं घेऊन ये..”

शैलाच्या त्या नाजूक, गोऱ्यापान गालावर शेखरच्या बोटांचे वळ उमटले होते.

“सर प्लिज, मॅडम म्हणतायेत ते खरं आहे, खरंच नाही आणता येणार आत्ता..”, करण म्हणाला

शेखरने शैलाला बाजूला ढकलले आणि तो करणसमोर येऊन उभा राहीला, “तुला फार काळजी रे मॅडमची? करण, आय वॉंट दॅट चार्जर नाऊ.. ”

“सॉरी सर.. उद्या पाऊस थांबला कि..”

शेखरने संतापाने करणवर हात उगारला, पण करण सावध होता, त्याने तो हात वरच्यावर झेलला, आणि त्याच प्रतिक्षिप्त क्रियेने दुसऱ्या हाताने शेखरच्या कानफडात लगावून दिली. खरं तर करणचा उद्देश फक्त शेखरचा हात रोखणे एवढाच होता, पण केवळ प्रतिक्षिप्त क्रियेने त्याचा दुसरा हात शेखरवर बरसला होता.

शेखरने अविश्वासाने करणकडे बघितले.. “उद्या पाऊस थांबल्या थांबल्या आपली बॅग भरायची आणि निघायचं इथून…… गेट लॉस्ट”, असं म्हणून तो संतापाने फणफणत आपल्या खोलीत निघून गेला

करणला आपली चुक लक्षात आली. त्याने थोडं संयमाने घ्यायला हवं होतं, पण मनात कुठेतरी शेखरने शैलावर उगारलेला हात त्याला झोंबला होता आणि त्या रागातूनच त्याने शेखरवर हात उचलला होता. अर्थात आता पश्चाताप करूनही उपयोग नव्हता, आणि वेळही निघून गेली होती.

त्याने शैलाकडे बघितले. काही क्षण दोघांची नजरानजर झाली आणि मग शैला काही न बोलता दुसऱ्या खोलीत निघून गेली.

 

“शिट्ट शिट्ट शिट्ट.. “, करण स्वतःशीच चरफडला.. संदीपला हे आवडणार नव्हते. हातची चांगली नोकरी तर गेली असतीच, पण संदीपने त्याच मार्केटमध्ये नाव खराब केले असते तर आधीच डबघाईला आलेला त्याचा गुप्तहेरीचा धंदा कायमचा बसायलाही वेळ लागणार नव्हता.

बाहेर पावसाचा जोर अधिकच वाढला होता, बाजूच्या शेडवरच्या पत्र्यावर पावसाचे टपोरे थेंब ताड-ताड आवाज करत आपटत होते. करणने कपाटातली व्हिस्की काढली आणि दोन स्मॉल ऑन-द-रॉक्स पेग रिचवले आणि तो आपल्या खोलीत गेला. ओले झालेल्या कपड्यांनी त्याला थंडी वाजू लागली होती. कपडे बदलले आणि तो तडक अंथरुणात शिरला.

शेखरसाठी करण एक नोकर असला तरीही मुळात त्याचा पेशा नोकराचा नव्हता. त्याने आपला इमान शेखरकडे गहाण टाकला नव्हता नोकरीसाठी. तो इथे एक गुप्तहेर म्हणूनच आला होता आणि त्यासाठी तो शेखरच्या हातचा मार सहन करायला तयार नव्हता.. शैला समोर तर नाहीच नाही.

शेखरच्या मुस्काटात बसल्यावर त्याच्या चेहऱ्यावरचे बदललेले भाव करणला आठवले आणि त्याला क्षणभर बरच वाटलं. आपण केलं ते योग्यच केलं. पुढे जे काय होईल ते बघून घेऊ, पण लाचारी सहन करायची नाही असा काहीसा विचार करून त्याने खोलीतला दिवा मालवून टाकला.

 

रात्री कधीतरी उशिरा त्याला झोप लागली, पण कदाचित काही तासांसाठीच. अचानक तो झोपेतून ताडकन उठून बसला. आपल्याला जाग का आली असावी ह्याच त्याला आश्चर्यच वाटलं. त्याने घड्याळात नजर टाकली. सकाळचे ५ वाजून गेले होते. पाऊस अजूनही जोरात कोसळत होता. त्याने खोलीतून नजर फिरवली. पण खोली रिकामीच होती.

आपल्याला जाग का आली असेल ह्याचे उत्तर त्याला काही केल्या सापडेना. म्हणावं तर त्याला काही स्वप्नही पडलेले आठवत नव्हते. करणचा आपल्या सिक्स्थ-सेन्स वर पूर्ण विश्वास होता. जाग आली आहे म्हणजे त्याला कारणही काहीतरी असणारच होते. करण सावकाश आपल्या बेडवरुन खाली उतरला आणि खोलीच्या दाराला कान लावून उभा राहिला.

बाहेरून कसलाच आवाज येत नव्हता.

 

करण काही मिनिटं अंदाज घेत तिथेच उभा राहिला आणि मग खात्री पटल्यावर हळूच खोलीचे दार उघडून बाहेर आला. हॉलमध्ये सर्व सामसूमच होते. पण करणच्या मनाचे समाधान होतं नव्हते. तो भिंतीचा आधार घेत, चाचपडत शैलाच्या खोलीपाशी आला आणि त्याने हलक्या हाताने दार ढकलले. पण दरवाजा आतून बंद होता.

करणने दरवाज्याला कान लावून कानोसा घ्यायचा प्रयत्न केला, पण बाहेर कोसळणाऱ्या पावसाच्या आवाजामुळे कसलाच अंदाज बांधता येत नव्हता.

करण पुन्हा भिंतीला धरून हळूच स्वयंपाकघरात गेला, टेबलावरचा एक चमचा उचलला आणि पुन्हा शैलाच्या खोलीपाशी आला. दाराच्या त्या मुठी-वजा-कुलुपात चमच्याचे पात्तळ टोक घुसवले आणि हळूच उजवीकडे फिरवले. २-४ प्रयत्नांनंतर ‘कट्ट’ असा आवाज आला आणि दरवाजा उघडला गेला.

करणला कुठलाही धोका पत्करायचा नव्हता, आधीच त्याची नोकरी पूर्णपणे धोक्यात आली होती. काही सेकंद कसलीही हालचाल न करता तो आहे तेथेच उभा राहीला आणि मग दबक्या पावलांनी त्याने शैलाच्या खोलीत प्रवेश केला.

शैलाच्या पर्फ्युमचा मंद सुगंध खोलीभर पसरला होता.

करण स्वतःशीच हसला आणि माघारी जायला वळला खरा, पण काही सेकंदच. शैलाच्या पर्फ्युमचा सुगंध जरी त्या खोलीत असला तरी शैला त्या खोलीत नव्हती. त्या खोलीत करणशिवाय कोणीच नव्हते. करणला न बघताच क्षणार्धात त्या गोष्टीची जाणीव झाली. तो हळूच शैलाच्या बेडपाशी आला. बेड रिकामाच होता. बाथरुममध्येही अंधारच होता.

“शेखर.. “, करणच्या मनात पहिला विचार शेखरचाच आला. तो वेगाने शैलाच्या खोलीच्या बाहेर आला आणि व्हरांडा ओलांडून शेखरच्या खोलीपाशी आला. खोलीचे दार उघडेच होते.

“नक्की काय प्रकार असेल?”, करण स्वतःशीच अंदाज बांधायचा प्रयत्न करत होता, “एक तर ह्या दोघांमधले भांडण मिटले असेल आणि शैला शेखरच्या खोलीत झोपायला आली असेल.. किंवा… .. किंवा.. ”

करण हळूच खोलीत शिरला. कुणाचातरी वेगाने श्वास घेण्याचा आवाज करणला स्पष्ट ऐकू येत होता, त्या आवाजाबरोबरच त्या बेडला नाजूक दणके बसल्याचाही आवाज येत होता.

क्षणभर करणला वाटले कि शेखर आणि शैला बेडवर एकमेकांसोबत..
क्षणभर तेथून पटकन निघून जावे असेही शेखरला वाटले..

त्याने धोका पत्करायचा ठरवले. करणने अंदाजानेच हात आजूबाजूला फिरवला. हाताजवळच्या एका टेबलावर एक काचेची फुलदाणी करणला जाणवली. करणने अगदी हळूच त्या फुलदाणीवर अंगठीने टक-टक वाजवले.

पण तो आवाज येतंच होता. करणने दिव्याचे बटन दाबले, खोली क्षणार्धात उजळून निघाली आणि समोरचं दृश्य बघून करणं थिजून गेला.

समोरच्या त्या किंग-साईज बेडवर शेखरचा निष्प्राण देह पडला होता आणि शेजारी शैला झोपेतच .. अजूनही त्याच्या पोटात हातातल्या चाकूने वार करत होती.

“शैला sssss”, करण जोरात ओरडला तसा शैलाच हात हवेतल्या हवेत थांबला आणि तिने डोळे उघडले

काही क्षण तिच्या डोळ्यात कोणतेच भाव नव्हते. करणकडे बघत असूनही ती जणू काही कुठेतरी शून्यात बघत होती. मग काही वेळाने तिच्या डोळ्यात ओळख दिसली. तिने दचकून इतरत्र पहिले आणि मग तिचं लक्ष बेडवरच्या मृत शेखरकडे गेले.

शेखरच्या पोटाला जणू एक मोठं भोक पडलं होत आणि  त्याच्या पोटातली आतडी बाहेर लोंबायला लागली होती.  शैलाचे हात, कपडे रक्ताने माखले होते. क्षणार्धात शैलाचा चेहरा भीतीने पांढरा फटक पडला. जणू काही हातात एखादा साप दिसावा तसं तिने हातातल्या चाकूकडे बघितले आणि मग तिने तो चाकू फेकून दिला.

तिचे डोळे करणच्या मनात काय चालू आहे हे जाणून घ्यायचा प्रयत्न करत होते..

“करण .. मी.. मी..”, असं म्हणून ती धावत आली आणि तिने करणला घट्ट मिठी मारली.. “मी मुद्दाम नाही केले हे करण.. प्लिज हेल्प मी.. प्लिज …”

करण मात्र अजूनही शॉक बसल्यासारखा जागच्या जागी थिजून उभा होता.

 

[ क्रमशः ]

डबल-क्रॉस (भाग ६)


डबल-क्रॉस (भाग ५) पासून पुढे >>

करणने लोखंडी गजाला बांधलेली लॉंच सोडून मोकळी केली तोपर्यंत शैला आवरुन आली.

“आय ड्राइव्ह”, असं म्हणून तिने करणला बाजूला केलं आणि लॉंच सुरु केली. काही क्षणातच लॉंचने वेग पकडला आणि पाणी कापत ती किनाऱ्याकडे निघाली. बेभान वारा सुटला होता, पाण्याचे तुषार अंगावर आदळत होते. करणने एकदोनदा शैलाकडे बघीतले पण तिचे लक्ष समोरच होते.

किनाऱ्यावर पोचल्यावर करणने पुन्हा लॉंच ओढुन घेतली आणि तेथल्याच एका रॉडला बांधून टाकली, तोपर्यंत शैलाने पजेरो गॅरेजमधून काढली होती. करण शेजारच्या सिटवर बसताच तिने गाडी गेअरमध्ये टाकली.

गाडी मुख्य रस्त्याला लागल्यावर करण म्हणाला, “लूक, आय एम सॉरी. यु नो मला तसं म्हणायचं नव्हतं.”

शैला काहीच बोलली नाही.

“तु काहीच बोलणार नाहीयेस का? तुला कसं पटवून देऊ, एक तर मी मस्करीत म्हणालो होतो आणि मला तसं खरंच म्हणायचं नव्हतं”
“नसेल तुला तसं म्हणायचं कदाचित, पण त्याचा मी म्हणाले तसाही अर्थ निघतोच की, श्शी! किती चिप वागले मी”, बराच वेळ शांततेत गेल्यावर शैला म्हणाली
“एनीवेज, सोड तो विषय, ए पण बरं झालं तू आलीस माझ्याबरोबर”, करण विषय बदलत म्हणाला
“का?”
“मग, तुझ्या एकटीवर मी शेखर सरांना सोडून नसतो आलो?”
“का???”
“मग काय, एक तर तू सकाळी सरांवर चिडली होतीस बरोबर?”
“हो”
“आता दुपारी तू काय करणार होतीस?”
“काय करणार? जेवण करून झोपणार होते”
“एक्झाक्ट्ली, आणि झोपल्यावर तुला स्वप्न पडतात आणि मग ज्या लोकांवर तू चिडलीएस त्यांचा तू खिमा करतेस.. हो ना?”, शैलाच्या डोळ्यात बघत करण म्हणाला

करणच्या त्या लॉजिकने शैलाला हसू आवरले नाही.
“मी इतकी पण नव्हते चिडले शेखरवर”, शैला आपले केस एका हाताने सावरत म्हणाली
“बरं बरं, आणि माझ्यावर पण नाही चिडलीएस ना?”
“नाही… ”
“गुड, मग आता आपण गावात चाललोच आहोत तर जरा मेडिकलच्या दुकानात जाऊन येईन म्हणतो”, मिस्कील स्वरात करण म्हणाला

“नाही करण, मगाचचा तो खरंच माझा मूर्खपणा होता. मान्य आहे गेल्या कित्तेक महिन्यात आमच्यात व्यवस्थित शरीर-संबंध नाहीत. जे कधी थोडेफार झाले त्यात शेखर समाधानी झाले असतील, मी नाही. सतत आपलं काम, काम. एका खोलीत कोंडून घेतात, सोबत तो लॅपटॉप आणि चरायला द्यायला सतत खोलीच्या आतबाहेर करणारे रामुकाका. बस्स हेच दृश्य मी खूप वेळा बघितले आहे.

पहिल्या पहिल्यांदा मी खूप चीड-चीड करायची, त्याच्याशी मला वेळ दे म्हणून भांडायचे. पण त्याचा कधीच काहीच उपयोग झाला नाही. मी त्याची एक शोभेची बाहुली होते बहुतेक, लोकांना दाखवायला.. बघा माझी हॉट बायको, बघा माझा ग्रेटनेस, कसली सुंदर मुलगी पटवली आहे.”, हवेत रागाने हातवारे करत शैला बोलत होती

“अर्थात म्हणून माझा पाय घसरावा, मी पायरी सोडून वागावं हे योग्य नाही. शेखरने कधीच माझ्या पाठीमागे व्यभिचार केला नाही. ठीके आता तो पूर्वीसारखा हॉट राहिला नाहीए, पण जेंव्हा होता, तेंव्हापण तो माझ्याशी एकनिष्ठ राहील. खूप आजूबाजूला फ्लर्ट करणाऱ्या मुली होत्या, पण त्याने कधी मला फसवले नाही. आणि मी सुद्धा तसे करता काम नये.. सो करण, मगाचचा तो मूर्खपणा विसरून जा. मी विसरले आहे, आणि तू सुद्धा निदान शेखर जिवंत असेपर्यंत तरी तू तो विचार मनातून काढून टाक”, शैलाने अचानक रोखून करणकडे बघितले

शैलाच्या डोळ्यातली ती काही क्षणांसाठी का होईना आलेली खुनशी नजर करणच्या हृदयात धस्स करून गेली. शैला कुठल्या विषयावरून एकदमच शेखरच्या जीवन-मरणावर गेली होती. पण दुसऱ्या क्षणी करणला शेखरचा तो मगाचचा चेहरा आठवला. हातात चिकन पिस, तोंडाला सॉस लागलेले, पांढऱ्या टी-शर्ट वर सांडलेले फ्रेंच-फ्राईज. घट्ट ती-शर्ट मधून मधूनच लोंबणारे पोट. ते ओंगळवाणे रूप बघून करणलाच शिसारी आली तर शैलाच काय होत असेल.

“खरंच शेखर जगायच्या लायकीचेच नाहीत. इतके पैसे आहेत, इतकी सुंदर बायको आहे. मी त्याजागी असतो तर मी माझं आयुष्य कसं जगलो असतो, नाहीतर हा हिप्पोपोटॅमस. आधीच इतकी संपत्ती आहे, त्यात ती इन्शोरन्स पॉलिसी. समजा शेखर मेले तर ७५ करोड, पॉलिसीची अर्धी रक्कम, जी शैलाला मिळणार, आणि शैला? शैला किती दिवस माझ्यापासून लांब राहू शकेल? आज नाही तर उद्या ती आपली होणारंच”, एकामागोमाग एक विचार करणच्या मनात येऊन जात होते, इतके वेगात कि त्याला विचार करायलाही वेळ नव्हता.

“ह्या ओसाड, आड बाजूला शेखरना मारणे कितीसे अवघड जाईल? नीट विचार करून प्लॅन केला तर कदाचित शक्य होईल. पण शैलाच काय? तिला आपल्यात सामील करून घ्यावं? ती मदत करेल? का आपल्यापासून अधिक दूर जाईल?

संदीपचा आपल्यावर विश्वास आहे, त्या विश्वासानेच तर त्याने आपल्याला इथे पाठवले आहे. तो कश्याला आपल्यावर संशय घेईल? हि डिटेक्टिव्हगिरी उगाच नाही इतकी वर्ष केली. कोण कुठं चुकतं, कोण कश्याने पकडले जाते सगळंच तर माहिती आहे आपल्याला. अजून निदान महिने-दोन महिने तरी आहोत आपण इथे. जस्ट निड टू प्ले द कार्ड्स राईट.”

करण त्याच्याही नकळत शेखरच्या खुनाचा विचार करू लागला होता.

शैलाने गाडी थांबवली तसा करण भानावर आला. त्याने खिडकीतून बाहेर बघितले. अँपल-स्टोरच्या बाहेरच गाडी थांबली होती.
“तू ते चार्जरचं बघ, तोवर मी बाकीचे खायचे पदार्थ घेऊन येते”, असं म्हणून शैलाने गाडीचा हॅन्डब्रेक लावला आणि ती सुद्धा खाली उतरली.

शेखर म्हणाले होते त्याप्रमाणे त्यांनी आधीच फोनवरून दुकानात माहिती दिली होती. करण दुकानात गेला तेंव्हा चार्जर तयारच होता. करणने पैसे चुकते केले आणि तो बाहेर आला.

“७५ करोड… बापरे इतके पैसे मिळाल्यावर आयुष्य किती मस्त होऊन जाईल, कसलीच चिंता नाही. कामाचं टेन्शन नाही. शैलाबरोबर मस्त जगभर फिरायचं, आरामात आयुष्य जगायचं. त्या शेखरची लायकी तरी आहे ह्या शैलाबरोबर राहायची, स्वतःचं आयुष्य तर बरबाद आहेच, पण शैलाच आयुष्यही बरबाद करतोय..”, एकाबाजूला करणंच विचारचक्र अव्याहतपणे चालू होते… तर दुसऱ्या बाजूला कधी पेपरात वाचलेल्या तर कधी क्राईम-शो वर पाहिलेल्या ‘अनसॉल्व्हड’ केसेस, ज्यांचा अजूनपर्यंत तपास लागला नव्हता, ज्यातला गुन्हेगार अजून सापडला नव्हता अश्या केसेस डोळ्यासमोर येत होत्या. त्याची मॉडस-ऑपरेंडी अभ्यासली जात होती. मधूनच शैलाचा तो विवस्त्र देह डोळ्यासमोर तरळत होता.

करणने इतरत्र नजर फिरवली, शैला जवळपास कुठेच नव्हती. संदीपने करणला जेंव्हा जेंव्हा शक्य होईल तेंव्हा रिपोर्टींग करण्याची तंबी दिली होती. परत वेळ मिळेल न मिळेल म्हणून करणने मोबाईलवरून संदीपचा नंबर फिरवला आणि जितक्या पटकन होईल तितकं, पण काहीही न चुकता सगळं संदीपला सांगितले. अर्थातच करणने शैलाबरोबरचा तो लॉंच काढतानाच आणि सकाळचा त्या केबिनमधला प्रसंग मात्र गाळला होता.

“अरे बापरे, हे तर भयंकर आहे”, करणंच बोलून झाल्यावर संदीप म्हणाला, “शैला झोपेत चालते वगैरे ठीक आहे, पण हे असं चाकू-बिकू घेऊन.. नीट काळजी घे रे बाबा, स्वतःची तर घेच, पण शेखरवर सुद्धा बारीक लक्ष ठेव…”, संदीप सांगत होता आणि करण ऐकत होता.

“बरं, मला सांग तू आता कुठे आहेस? म्हणजे हे फार्म हाऊस नक्की कुठल्या भागात आहे?”, संदीपने विचारले
“मी आत्ता बामणोलीला आहे, मला वाटते ते फार्म हाऊस वासोटा फोर्टच्या बाजूने जे बॅक-वॉटर आहे ना त्याच्या मध्ये कुठेतरी आहे.”, करण
” ओके, आणि तो जो कच्चा रस्ता तू म्हणालास, तो? तो कुठल्या गावातून येतो?”, संदीप

“नाही माहीत संदीप, मला अजून तितकासा अंदाज आला नाहीए, पण मला जसं कळेल तसं मी लगेच रिपोर्ट करेन”, करण बोलत असतानाच त्याला शैला शॉपिंगच्या २-४ बैगा घेऊन येताना दिसली

“ओके संदीप, शैला मॅडम येतायेत, मी नंतर जमेल तेंव्हा परत कॉल करेन…”, करण
“टेक केअर करण, बाय”, असं म्हणून संदीपने फोन ठेवून दिला

शैला गाडीजवळ येईपर्यंत करण ड्रायवींग सीटवर जाऊन बसला. शैलाने मागचे दार उघडून शॉपिंग बॅग्स आतमध्ये फेकल्या आणि आतमध्ये बसण्यासाठी पुढचे दार उघडले तोच तिच्या कानावर परीचीत आवाज पडला

“गुड आफ्टरनून मिसेस शेखर”,
“गुड आफ्टरनून इन्स्पेक्टर विक्रम”, मागे वळून बघायच्या आधीच शैला म्हणाली

शैलापासून काही अंतरावरच एक राखाडी रंगाचा सफारी घातलेला साधारण चाळिशीतला माणूस उभा होता. डोळ्यावर एव्हीटर स्टाईलचा मोठ्ठा गॉगल असूनही त्याच्या नजरेतली जरब करणला जाणवली. त्याने करणकडे काही क्षण रोखून पहिले आणि मग तो शैलाकडे वळला.

“शेखर कुठेत?”, इन्स्पेक्टर विक्रम ने शैलाला विचारले
“फार्म हाऊसवर, त्याचा चार्जर राहिला घरीच म्हणून इकडे आलो होतो नवीन आणायला”
“हा कोण?”, डोळ्यावरचा गॉगल काढून दोन बोटांत फिरवत विक्रम म्हणाला
“हा, करण, ह्यावेळी रामुकाका नाही येऊ शकले, करण इज हेल्प.. प्लस शेखरचा बॉडीगार्ड सुद्धा”, शैला
“बॉडीगार्ड? मॅडम आम्ही असताना शेखरना बॉडीगार्डची गरज पडावी? एक फोन करा, क्षणार्धात हजर होऊ कि आम्ही..”, विक्रम काहीसा कुत्सित हसत म्हणाला. त्याच्या चेहऱ्यावर कर्णबद्दलची नापसंती स्पष्ट दिसत होती

विक्रमला करण फारसा आवडला नसावा, आणि करणच्या बाबतीतही तेच घडले होते. त्याला तो विक्रम अजिबात आवडला नव्हता. त्याची ती भेदक नजर करणला अस्वस्थ करत होती. जणू तो करणच मन वाचत होता, आणि म्हणूनच काही क्षणापुर्वीचे शेखरच्या खुनाचे विचार पुन्हा मनात येऊ नयेत म्हणून करण कसोशीने प्रयत्न करत होता, जणू ते विचार विक्रमला कळले तर?

“असो, ह्यावेळी किती दिवस मुक्काम?”, विक्रम
“काही सांगता येत नाही, शेखर नवीन कथेवर काम करत आहेत, कदाचित २-३ महिने तरी नक्कीच”
“अरे व्वा, म्हणजे पाहुणे बरेच दिवस आहेत ह्या वेळी. चला ह्यावेळी नक्की चक्कर टाकेन तुमच्या फार्म-हाऊसवर. शेखरना नमस्कार सांगा माझा. “, आणि मग मुद्दाम करणकडे बघत म्हणाला, “आपली भेट होईलच लवकर”

करण मनातुन पुरता हादरला होता. शेखरच्या खुनाचा तो एक वेंधळा विचार त्याच्या मनात होता. त्यात काहीही गंभीरता नव्हती किंवा ठाम निश्चय नव्हता. पण तरीही आपला संशय तर त्या विक्रमला नाही आला ना? ह्या विचाराने तो अस्वस्थ झाला होता.

डोळ्यावर गॉगल चढवून विक्रम निघून गेला आणि शैला गाडीत बसली. पण करणचे तिच्याकडे लक्षच नव्हते. तो अजूनही आपल्याच विचारात मग्न होता.

“करण.. काय झालं? चलो…”, करणला हलवत शैला म्हणाली.

करणने गाडी चालू केली आणि वळवून तो परतीच्या रस्त्याला लागला

“कोण होते ते?”, करण
“इंस्पेक्टर विक्रम, इथल्याच पोलीस स्टेशनला असतात. शेखरचे फार मोठे फॅन आहेत. आम्ही सुट्टीला आलो फार्महाऊसला कि शेखर एकदा तरी इथे येऊन विक्रमला भेटतातच.
“आय सी”

“आर यु ऑल राईट?”, करणचा रंग उडुन पांढरा फटक पडलेला चेहरा बघून शैला म्हणाली
“येस्स, येस्स, ऑलराइट.. हवा इतकी घाणेरडी पडली आहे, घुसमटायला होतेय अगदी..”, करण शैलाची नजर टाळत म्हणाला
“हम्म, जोरदार पाऊस येणार बहुतेक”, काचेतून वर बघत शैला म्हणाली.. “एक काम कर, गाडी घरापाशीच घे, लॉंचने नकोच जाऊया, नक्की पाऊस लागणार.. शिवाय सामानपण आहे बरोबर..”

“हो चालेल.. मग इथून सरळच घेऊ का मागे न वळता?”
“हो घे सरळ, मी सांगते रस्ता.. ”

करणने गाडी मार्केटमधून बाहेर काढली आणि हायवेवरून तो परतीच्या मार्गाला लागला..
“करण .. एक विचारु?”, १५-२० मिनिटं गेल्यावर शैला म्हणाली
“हम्म”
“मगाशी.. तू इंस्पेक्टर विक्रमना बघुन घाबरला होतास ना? खरं सांग..”, शैला

करणने काही क्षण शैलाकडे बघतील आणि काहीसं हसून म्हणाला, “हम्म..”
“का?”, शैला

करण काहीच बोलला नाही.

“करण .. मी विचारले.. का?”, शैला
करण परत काहीच बोलला नाही

“मला माहितीय तु का घाबरला होतास.”, करण काही बोलत नाही हे पाहून शैला म्हणाली

“तुझा मनात काहीतरी विचार चालला होता आणि इंस्पेक्टर ना बघुन तू दचकलास, तुला वाटलं त्यांनी तुझ्या मनातला विचार ओळखला तर?.. हो ना?”, शैला
“मग हेही ओळखलं असशील कि मी काय विचार करत होतो ते?”, करण
“करण! आपण काय बोलतोय, काय विचार करतोय कळतंय का तुला? अरे आपण एका माणसाला.. माझ्या नवऱ्याला… मारायचा विचार करतोय. अरे आपली ओळख तरी कितीशी? तुला काय माहित मी कशी आहे ते? आणि मला तरी काय माहित तू कसा आहेस ते? मान्य आहे.. मान्य आहे कि आपल्याला एकमेकांबद्दल ओढ वाटतीय, पण अरे ते क्षुल्लक शारीरिक आकर्षण आहे. एक-दोनदा बेडमध्ये एकत्र घालवले कि हे आकर्षणही संपून जाईल.”, शैला
“आणि पैसे?”, क्षणाचाही विलंब न करता करण म्हणाला
“व्हॉट डु यु मीन?”, काहीसं चिडून शैला म्हणाली
“ओह, डोन्ट ट्राय टु फुल मी, मला माहिते शेखरची पॉलिसी आणि तुझा त्यातला अर्धा हिस्सा.. ७५ करोड, छोटी अमाऊंट नाहीये”, थंडपणे करण म्हणाला
“तुला कसं माहिती?”, शैला
“ते सोड, सध्या ते महत्वाचं नाहीए. पॉलिसीच्या रक्कमेमध्ये आपण फिफ्टी-फिफ्टी चे भागीदार असू”, करण
“ओह.. सो हे प्रेम, हे आकर्षण सगळं खोटं आहे तर, तुला फक्त पैसा महत्वाचा आहे”
“ऑफकोर्स नॉट, पण पैसाही महत्वाचा आहे.. ३७.५ करोड प्रत्येकी”
“विसर.. आय एम नॉट इंटरेस्टेड, ३७ करोड साठी इतकी रिस्क घ्यायला मी तयार नाही. एक तर इतकी मोठ्ठी पॉलिसी, शेखरचा खून झाला तर फार खोलात जाऊन चौकशी होईल. शिवाय, इथे शेखर सोडून फक्त तू आणि मी. पकडले जायला असा कितीसा वेळ लागेल..?”, शैला

“रिस्क अल्मोस्ट क्लोज टू नथींग.. ”
“कशी नाही? तू खून कर काय किंवा अपघाती मृत्यू दाखव, जेंव्हा इतक्या मोठ्या रकमेचे पैसे गुंतलेले असतात तेंव्हा पोलीस चौकशी तर होणारच..”

शैला बोलत होती आणि करणच्या डोक्यात कच्चा प्लॅन सुद्धा तयार झाला होता. करणला स्वतःचंच आश्चर्य वाटत होतं. इतक्या सहजपणे तो खून, पैसे, प्लॅन ह्याबद्दल बोलत होता, ते पण तिच्यासमोर जिच्याशी त्याची फक्त एखाद दिवसांचीच ओळख होती

“होणारच, आणि अपघाती मृत्यू नाही, खूनच होणार, तू तो करणार..”, करण मिस्कील हसत बोलला
“काय वेड वगैरे लागलंय का तुला?”, शैला
“शैला, तू मला ओळखल नाहीयेस, कोण कुठं चुका करू शकतं? कायदा कसा तपास करतो? कायद्यातल्या पळवाटा काय असतात हे सगळं मला पक्क ठाऊक आहे”
“काहीही, एक क्षुल्लक सांगकाम्या आहेस तू, विसरू नकोस”
“सांगकाम्या असेल तुमच्यासाठी. आय एम अ प्रायव्हेट डिटेक्टिव्ह”
“व्हॉट???”, एखादा ४४० व्हॉल्ट्सचा शॉक बसावा तशी शैला ओरडली
“होय आणि इथे मी तुमच्याच इंश्युरन्स कंपनीने पाठवलेला हेर बनून आलोय”

शैला क्षणभर स्तंभित होऊन त्याच्याकडे बघत होती. तिचे ते निळे-घारे डोळे भराभर करणच्या चेहऱ्यावरून फिरत होते.

“करण गाडी थांबव”, काही क्षण शांततेत गेल्यावर शैला म्हणाली
“चिल, डोन्ट वरी, मी तुझ्याच बाजूने आहे”, करण समजावण्याच्या सुरात म्हणाला
“करण… गाडी थांबव .. नाऊ”, जवळ जवळ ओरडतच शैला म्हणाली

करणने पुढंच वळण पार करून गाडी रस्त्याच्या कडेला उभी केली, तशी शैला गाडीतून खाली उतरली. एव्हाना आभाळ चांगलंच भरून आलं होत. संध्याकाळची वेळ असूनही ६.३० – ७ वाजताचा अंधार पडला होता. हवेत गारठाही चांगलाच पसरला होता.

करणने गाडी बंद केली, पार्किंग लाईट्स चालू केले आणि तो सुद्धा खाली उतरला.

शैला आपला मोबाईल चालू करून नंबर शोधत होती

“शैला काय करतीयस?”
“त्या संदीपला फोन लावतीय, चिट.. आम्ही काय चिट वाटलो का त्याला कि आमच्या मागावर गुप्त हेर पाठवावा.. गेट लॉस्ट, अश्या हजार इन्शोरन्स कंपन्या डोळे झाकून पॉलिसी देतील शेखरला.. नाही, मी संदीपला नाही त्या झेड चॅनललाच फोन करते आणि हि पॉलिसी रद्द करते. आम्ही दुसरी पॉलिसी घेऊ.. जे त्यांचा गुप्तहेर आमच्या मागावर पाठवणार नाहीत”

करणने शैलाच्या हातातला फोन हिसकावून घेतला. “वेडी आहेस का? सगळा प्लॅन माझ्या डोक्यात तयार आहे, आपण नीट तो आचरणात आणला तर ते ७५ करोड आपले होते.. विचार कर आपण दोघे एकत्र.. काय काय करू त्या पैश्यात..”

“मला नकोत ते पैसे आणि मला तू पण नकोयेस. कसा विश्वास ठेवू मी तुझ्यावर?, अजून काय काय लपवून ठेवलं आहेस माझ्यापासून काय माहित. मी खरंच मूर्ख आहे, काहीही बडबडले, माझं शेखरवर अजूनही प्रेम आहे, मला कोण्या करणची गरज नाही माझ्या आयुष्यात.. तो .. तो फोन इकडे दे.. ” शैलाचा संताप संताप झाला होता.

“शैला.. प्लिज शांत हो, इट्स इझी मनी, ऐक माझं”, करण शैलाला शांत करायचा प्रयत्न करत होता.

“नो करण, आय वोन्ट, तो फोन आधी इकडे दे”, शैला आपल्या हट्टाला पेटली होती
“ओके ओके.. तू आत्ता खूप चिडली आहेस, हे बघ, रागाच्या भरात कुठला निर्णय घेऊ नकोस.. तू उद्या पर्यंत विचार कर, नाहीच पटलं तर मी स्वतःहून इथून निघून जाईन. पण निदान मला एक चान्स तरी दे, माझा प्लॅन तरी ऐक नीट”
“नो.. मला तुझं काही एक ऐकायचं नाहीये, मी हे सहनच करू शकत नाही कि माझ्यावर कोणी पाळत ठेवू शकतो.. कोण समजतो कोण तो संदीप स्वतःला. मार्केट मध्ये हि बातमी पसरली कि बघ कशी गां* फाटेल, नाही त्याच्या इंन्शोरंन्स कंपनीला बदनाम केलं तर नाव सांगणार नाही.”

“शैला प्लिज, माझ्या नोकरीचा विचार कर, संदीपच जे व्हायचं ते होऊ देत, पण त्याच्या जोडीने माझंही नाव खराब होईल. कोण काम देईल मला?”
“हे बघ करण, मी इथे लोकांच्या नोकऱ्या सांभाळायला बसले नाहीए, तुझं काय होईल तो तुझा प्रश्न आहे. मला उद्या दुपारपर्यंत तू इथून निघून गेलेला हवा आहेस..”, असं म्हणून शैला गाडीत जाऊन बसली

करणला स्वतःचा प्रचंड राग आला होता. आपण आपले पत्ते उघड करायला फार घाई केली असे त्याला वाटून गेले. हातात चांगले २-३ महिने होते. जरा अंदाज घेऊन, शैलाला पूर्ण आपल्या बाजूला वळवूनच मग डाव खेळायला हवा होता असे त्याला वाटू लागले, पण आता वेळ निघून गेली होती.

*******************

करणने ज्या दुकानातुन शेखरचा चार्जर घेतला होता त्या दुकानासमोरच्या इमारतीतल्या समाधान लॉज मधील दुसऱ्या मजल्यावरच्या खोली नं. १०३ मध्ये अर्धवट निघालेल्या अंतर्वस्त्रांमध्ये एक तरुणी पहुडलेली होती. घड्याळात नजर जाताच ती ताडकन उठून बसली.

“ऐक ना जिमी, जाऊ का आता मी?” ती तरुणी, अर्थात रितू, शेजारी ग्लानीमध्ये असलेल्या जिमीला हलवुन विचारत होती?
“ए रितूsss, काय गं तुझं नेहमीचं? थांब ना जरा अजुन …”, रितूचा हात धरत जिमी म्हणाला
“अरे हॉस्टेलला जायला उशीर होतोय, आणि लॉज नाही का सोडायचाय? दोन तासांसाठी घेतला होतास ना?”, रितू

“सोड ना! आज काय पहिल्यांदा आलोय का आपण इथे? बाबू चांगला ओळखतो आपल्याला आता, काही नाही बोलणार तो…”, जिमी
“हो.. पण मला हॉस्टेलला पण जायचेय, उगाच मॅम ओरडतात सारख्या उशीर झाला की…” रितू उठुन कपडे घालत म्हणाली..

“च्चं.. बरं निदान अंघोळ तरी करुयात एकत्र.. हम्मं?”, जिमी
“अम्म.. विचार करावा लागेल ह्या मागणीचा”, रितू हसत हसत म्हणाली..
“हो का? विचार करावा लागतो का तुला?”, जिमी बेडवरुन उठत म्हणाला..
“हो मग..”, बेडवरुन जिमीला उठताना बघुन रितू म्हणाली आणि तडक बाथरुममध्ये पळाली.
जिमी सुध्दा तिच्या मागोमाग धावला..

समाधान लॉजच्या खालच्या मजल्यावर कॅनबेरा नावाचा एक शॅबी कॅसीनो होता. विक-डे असो की विकेंड, नेहमीप्रमाणे गर्दीने ओसंडून वाहणारा. टिनएजर्स, कपल्स, बायको माहेरी गेली म्हणुन मिळालेले बॅचलर-हुड साजरे करण्यासाठी जमलेले मध्यमवयीन ‘तरुण’, तर नवरा सारखाच बिझीनेसमध्ये मग्न म्हणुन किटी-पार्टीच्या नावाखाली पैसा उधळण्यासाठी जमलेल्या सोशली-एक्टीव्ह महीला-मंडळं आपल्या आपल्या ग्रुप्स मध्ये गुंग होऊन गेले होते. निऑन-लाईट्सच्या प्रकाशात ठेका धरायला लावणारे बिट्स, बिअर्सचे टॉवर्स, कॉकटेल्सचे डेकोरेटीव्ह सर्व्हींग्स, ऑन-द-रॉक्स टॉप-टू-बॉटम करुन टेबलावर खाडक़न आपटल्याचे आवाज ह्यांनी तो कॅसिनो भरून गेला होता.

कॅसिनोमधील एका अंधारलेल्या कोपऱ्यात रोशन ओल्ड-मंकचा चौथा लार्ज पेग घेऊन बसला होता. फिरून फिरून त्याची नजर कॅसिनोच्या दरवाज्याकडे लागलेली होती. समोरच्या डिशमधील मूठभर खारट दाणे त्याने तोंडात कोंबले आणि उरलेला चौथा ग्लासही त्याने रिकामा केला. शेवटी वैतागून उठणार तेवढ्यात जिमी आतमध्ये आला.

केसांचा फुगा, डोळ्यावर स्वस्तातला गॉगल, अंगावर काहीसे मळकट पण स्टायलिश चॉकलेटी रंगाचे जैकेत आणि अगदीच हाडकुळी शरीर-यष्टी पण डोळ्यात माज पैलवानांचा अश्या अवतारातला जिमी तडक रोशन शेजारी येऊन उभा राहिला.

“डोळे फिरले ना इतके पैसे बघून?”, जिमीने डोळ्यावरून गॉगल काढला आणि दोन बोटात धरून फिरवत रोशनला म्हणाला.

“जिमी, तुला नक्की कळतंय ना आपण काय करणार आहोत ते? एक छोटी चुक आणि आयुष्य भराचा बांबू लागेल.”, रोशन हळू पण चिंतेच्या स्वरात म्हणाला
“ऑफकोर्स, कित्तेक महिने मी इथे येतोय, इथली प्रत्येक गोष्ट मला ठाऊक आहे. अरे इथला मालक एक नंबरचा चुत्या आहे. त्याला वाटतेय त्याचा सगळा पैसा सेफ आहे.. असेल, होता इतके दिवस.. पण उद्या नसेल. आपण जाता जाता प्लॅन रिव्हाईज करू.. आपला गावठी कट्टा तयार आहे..”

“एकदा तूच म्हणतोयस प्लॅन एकदम सोप्पा आहे, कसलाही धोका नाहीए, मग हा गावठी कट्टा?”
“मग आहेच ना, नाही कोण म्हणतोय, पण बाहेर गाडीपाशी ते दोन सेक्युरीटी गार्ड असतात ना बंदूक घेऊन.. त्यांना आपलं घाबरवायला रे”, जिमी किरकोळीत हसत हसत म्हणाला

बंदूकधारी गार्ड्सच नाव ऐकताच रोशनच्या कपाळावर घर्मबिंदु जमा झाले.

“त्यांच्याकडे बंदूक असताना ते का घाबरतील आपल्या गावठी कट्ट्याला?”, रोशन
“कारण बंदूकधारी असले ना तरीही ते तुझ्यासारखेच फट्टू असतात. अबे त्यांची ती मोठ्ठी बंदूक लोडेड तरी असते कि नाही काय माहीत आणि असली तरीही आपली बंदूक आधीच त्यांच्यावर रोखलेली असणार. अश्यावेळी तू तरी हालचाल करशील का? इट्स ऑल माईंड-गेम. कुणाकडे काय आहे ह्यांनी काही फरक पडत नाही लक्षात ठेव. फुल्ल कॉन्फिडंस ने भिडायचं.. काय?”, जिमी

रोशन कसनुसा हो म्हणाला, पण आत्ताच त्याचे पाय लटपटत होते, उद्या काय होईल ह्याची त्याला आज्जीबात खात्री नव्हती.

“एनीवेज, चल तुझी गाडी आहे ना?”, जिमी
“हम्म चल.. माझी आहे गाडी, पण तुला माहितेय ना जुनी झालीय ती, घाटात चढत नाही पटकन.. त्यापेक्षा तुझ्याच गाडीवरून जाऊ कि”, रोशन
“अरे गेलो असतो, पण रीतुलापण सोडायचे आहे हॉस्टेल वर..”, जिमी
” रितू?? रितू पण आहे इथे?”, रोशन
“हो मग? वरती काय हांथरुणाच्या घड्या घालत होतो का मी?”, डोळे मिचकावत जिमी म्हणाला

बिल भरून दोघेजण बाहेर आले तेंव्हा रितू पार्किंगमध्येच उभी होती. रोशनला तिथे बघताच काही सेकंद ती बावचळली आणि मग चेहऱ्यावर हासू आणत तिने रोशनला हाय केले.

“रोश्या, आता तूच सांग बाबा हिला, हि काय ऐकेना आपलं, सारखं आपलं मुबईला जायचंय, मुंबईला जायचंय धरून ठेवलेय..”, जिमी रोशनला म्हणाला

रोशन नुसताच हसला.

“तुझं खरंच नक्की आहे का पण मुंबईला जायचं? इथे पण मॉडलिंगसाठी संधी मिळतील की गं.. आणि मिळत पण आहेत.?”, जिमी
“जिमी.. आत्ता पर्यंत का कमी प्रयत्न केले मी इथे? कित्ती फुटकळ संधी आणि किरकोळ पैसे मिळतात. दिवसांवर दिवस चाललेत. इथे एक एक दिवस महत्वाचा आहे. आय हॅव टू गेट इन्टू बिझीनेस व्हाईल आय एम यंग…”, रितू.. “..आणि मुंबई काय लांब आहे का इथुन? दोन-चार तासाचं अंतर आपण भेटत रहाणार आहोतच ना?”

“हम्म.. पण परत एकदा.. माझ्यासाठी पुन्हा विचार कर.. करशील..?”, जिमी
मानेनेच हो म्हणत रितूने एकवार रोशनकडे पाहीले

दोघांनीही आपल्या गाड्या पार्किंगमधून बाहेर काढल्या आणि तेवढ्यात जिमीचा फोन वाजला. चरफडत परत v गाडीवरून खाली उतरला आणि फोनवर बोलत थोडा दूर जाऊन उभा राहिला.

“आज परत समाधान लॉज का?”, जिमी दूर गेलेला पाहताच चिडून रोशन म्हणाला..
“अरे बापरे.. ‘जे’ की काय? तु जेलस होतो आहेस रोशन?”, खाली मान घालुन उभ्या असलेल्या रोशनकडे वाकुन बघत रितू म्हणाली
“यु नो आय लव्ह यु रितू. मला नाही आवडत जिमीबरोबर तु..”, रोशन

“आय नो रोशन.. पण माझा पण नाईलाज होता रे. त्याच्या ओळखी आहेत इथे.. त्याच्यामुळेच मला थोडीफार तरी कामं मिळत होती ना..”, रितू
“तु सांगीतलंस आहेस ना त्याला मुंबई शिफ्टचं?”
“हम्म..”
“डोन्ट वरी रितू.. आपणं तिकडे जिवाचं रान करु.. पण आपण सेट होऊ तिथे.. २-४ दिवसांत मी सुध्दा त्याला मुंबईला कॉलेज जॉईन केलंय सांगुन कलटी मारणारे.. आपण लिव्ह-इन मध्ये राहु रितू, एव्हरीथींग विल बी ऑलराईट…”

“रोशन त्याला संशय तर नाही ना येणार? आय मीन आपण तिघंही चांगले मित्र आहोत.. नेहमी एकत्र असतो.. त्याच्या मागे, आपणं दोघं असं..”
“हु केअर्स रितू.. मुंबई प्रचंड मोठ्ठी आहे. आपण दोघं हरवुन जाऊ त्यात.. जिमीने शोधायचं म्हणलं तरी सापडायचो नाही आपण…”, रितूचा हात हातात घेत रोशन म्हणाला…
“पण मला कळत नाहीए, इतक्या पैश्याची तू कशी सोय करणार आहेस? २५-३०लाख कुठून उभे करणारेस तू? माझी त्या इन्स्टिट्यूटची फीच कित्ती आहे, शिवाय वन रूम घ्यायची म्हणतोयस तू तिथे. परत तुला नोकरी लागेपर्यंत आपल्याला जेव्हा-खायला पैसे लागणारेत ते वेगळेच..” रितू जिमी अजूनही लांब आहे ना ह्याची खात्री करत म्हणाली

“डोन्ट वरी जस्ट, ट्रस्ट मी..”, रोशन
“रोशन, जिमीच्या नादी लागून तू काही चुकीचं तर करणार नाहीयेस ना?”, रितू

रोशन काही बोलणार इतक्यात जिमी त्याचा फोन संपवून परत आला

“चलो,..” असं म्हणून त्याने आपली जुनाट कावजाकी चालू केली

रितुने जिमीचं लक्ष नाही असं पाहून हळूच रोशनला वेडावून दाखवले आणि मग कान पकडून माफी मागत जिमीच्या मागे बसली.
रोशननेही आपली गाडी चालू केली आणि तो जिमीच्या निघाला.

रिमझिम पावसाला सुरुवात झाली होती. दोघांच्याही गाड्या गावाबाहेर पडून घाटरस्त्याला लागल्या होत्या.

रोशन रितूला पाठमोरा न्याहाळत होता. तिची कमनीय शरीरसृष्टी, सावळी कांती, पाठीवर रुळणारे काळेभोर केस त्याला वेड करत होते.
“फक्त उद्याचा दिवस.. उद्या संध्याकाळी पैसे हातात आले कि आधी रितूला मुंबईला पाठवायचे आणि नंतर आपण इथून कल्टी.. मग कुठला जिमी आणि कसली कॅसिनो मधली चोरी. मुंबईमध्ये दोघजणं कुठं गायब होऊन जाऊ कुणाच्या बा ला पत्ता लागायचा नाही. ”

चढावरून धूर सोडणाऱ्या आपल्या खटाऱ्या गाडीला तो पुढे दामटत होता. पुढच्या वळणावर त्याला जिमीची दुचाकी हळू झालेली दिसली. जिमी डावीकडे बघत चालला होता. रोशनेही डावीकडे पहिले. रस्त्याच्या कडेला एक आलिशान पजेरो पार्किंग लाईट लावून उभी होती आणि शेजारी एक तरुण तरुणी आपापसात भांडत उभे होते. वासनेने ओथंबलेली जिमीची नजर त्या तरुणीच्या सर्वांगावरुन फिरत होती.

जिमीला चांगलाच ओळखणारा रोशन हे जाणून होता कि एव्हाना जिमीने त्या तरुणीला पार एक्स-रे स्कॅनमधून पहिले असणार. त्याने आपल्या गाडीचा वेग वाढवला आणि तो रोशनच्या जवळ गेला.

“नको नादी लागू तिच्या.. चल.. “, असं म्हणून त्याने गाडीला वेग दिला

थोडं पुढे गेल्यावर जिमी म्हणाला, “कसला बदाम होता ना? कोण होती रे ती? तू ओळखतो का?”
“माझी कसली आलीय ओळख, पण इथे दिसते ती आपल्या गावात अधून मधून.”, रोशन
“कसं काय? जमीन वगैरे आहे काय तिची इथे?”
“नाही, इथून पुढे गेल्यावर एका आड बाजूला फार्म हाऊस आहे तीच.. तिचा नवरा मोठ्ठा लेखक आहे म्हणे. दोघे जण येतात बऱ्याच वेळेस इथे राहायला.”, रोशनने माहिती पुरवली
“तिज्यायला लेखक आहे ना? मग काय घाबरायचं, चल परत बघून येतो मी तिला.. मन भरलं नाही अजून..”, असं म्हणून जिमी गाडी वळवायला लागला
“अबे तिचा नवऱ्याला मी पण नाही घाबरते, पण तिची विक्रमशी चांगली ओळख आहे.. “, रोशन जिमीला थांबवत म्हणाला
“विक्रम? तो आपल्या इथला? इन्स्पेक्टर विक्रम?”, जिमी
“हम्म, म्हणून म्हणलं उगा नको नादी लागू, आणि आत्ता तर नकोच, उगाच तिने विक्रमला सांगितले तर.. उद्या बरीच काम आहेत आपल्याला”, रोशन
“हम्म यु आर राईट.. चल”, असं म्हणून दोघे सरळ रस्त्याने निघून गेले.

*******************

करण गाडीत बसला आणि तो व्हीलाच्या दिशेने निघाला. आजूबाजूला गर्द झाडी आणि त्यातच दाटून आलेले आभाळ त्यामुळे रस्ता काळोखात बुडून गेला होता. करणने गाडीचे हेडलॅम्प्स आणि छतावर बसवलेले ४ हैलोजन दिवे चालू केले. पावसाचे टपोरे थेंब टपावर ताडताड आवाज करायला लागले होते. करणने एकदा शैलाकडे बघितले, पण तिने डोळ्यावर गॉगल चढवला असल्याने ती जागी आहे का झोपलीय हे कळायला मार्ग नव्हता. करणने आता पुढे काय ह्याचा विचार करायला सुरुवात केली. सद्यस्थितीत शैलाला काहीही समजावण्यात अर्थ नव्हता आणि उद्यापर्यंत ती शांत नाही झाली, तिने संदीपला फोन लावला किंवा शेखरला सर्व सांगितले तर करणला कदाचित तेथून निघण्याशिवाय कोणताच पर्याय नव्हता.

करणचे डोके भुणभुणायला लागले होते.

 

[ क्रमशः ]

डबल-क्रॉस (भाग ५)


डबल-क्रॉस (भाग ४) पासून पुढे >>

करणने उरलेले सामान लॉंच मधून उतरवले आणि तो बंगल्यात शिरला.

शेखर एव्हाना चेंज करून हॉल मध्ये येऊन बसला होता.

करणने एकवार हॉलमधून नजर फिरवली. हॉलमध्ये सर्व फर्निचर होते आणि ते हि उंची स्वरूपातले. कोपऱ्यात सर्व प्रकारच्या मद्याने युक्त बार होता, लॅव्हिश सोफा सेट होता, ५२इंची कर्व्ह्ड टीव्ही होता, मॉडर्न-आर्टच्या महागड्या फ्रेम्सनी भिंती सजल्या होत्या, जमिनीवर गुबगुबीत कार्पेट होते, महागडी झुबरं, स्टायलीश लॅप-शेड्स होत्या, उंची लाकडाची कपाट होती.

करण तो हॉल बघण्यात हरखून गेला, भानावर आला ते शेखरच्या बोलण्याने.

“अरे ये, नुसता उभा का, चल पेग बनव.. आणि तुलाही काय हवं ते घे, लाजू वगैरे नकोस..”, बारकडे हात दाखवत शेखर म्हणाला

“.. पण मॅडम?”, सकाळचा प्रसंग आठवून करण म्हणाला

“शैलाची तू नको काळजी करू, इथे मला नाही, तिला थांबवावे लागते. एक काम कर, तिचा पण पेग बनव, आत बेडरूम मध्ये असेल ती, बघ, विचार तिला काय हवंय”, टीव्ही चालू करत शेखर म्हणाला

करणने मान डोलावली आणि तो आतल्या खोलीत, जिकडे शैला होती, तिकडे गेला. दार हलकेच लोटलेले होते.

करणने दारावर टक-टक केले तसे शैला आतून म्हणाली, “कम-इन”

करण दार उघडून आतमध्ये गेला. समोरच्या किंग-साईझ बेडच्या मध्यभागी शैला बसली होती. गडद-पिवळ्या रंगाचा आणि त्यावर केशरी फुलांची नक्षी असलेला झरझरीत काफ्तान तिने घातला होता. नुकतीच आंघोळ झाल्याने तिचे ओले केस एकाबाजूने तिच्या खांद्यावरून रुळत होते. एक पाय गड्घ्यात दुमडून ती नखांना नेल-पोलिश लावण्यात मग्न होती.

“येस्स?”, करणकडे वर न बघताच तिने विचारले

“मॅडम, सरांसाठी मी ड्रिंक्स बनवतोय, सरांनी तुम्हाला काय हवंय विचारायला सांगितलेय, म्हणजे त्याप्रमाणे मी तुमचे सुद्धा ड्रिंक बनवतो”

“आय विल टेक जीन विथ सोडा, थोडासा लेमन ज्यूस आणि वन स्पून शुगर सिरप.”, अजूनही वर न बघता शैला म्हणाली

तिचा हा तटस्थपणा करणला अस्वस्थ करत होता. अवघ्या काही तासांपूर्वी.. काही सेकंदांसाठी का होईना ती करणच्या मिठीत होती, तिचे नाजूक ओठ करणच्या ओठांवर होते, आणि आता?? आता ती करणकडे बघतही नव्हती.

काही सेकंद थांबून शेवटी करण माघारी वळला तसं शैला म्हणाली, “मगाशी जे घडले, तो माझा एक मूर्खपणा होता, …… उगाच त्यावरून काही अर्थ काढू नको…… आणि हो…. पुढे काही अपेक्षाही ठेवू नकोस”

करणने वळून मागे बघितले, शैला त्याच्याकडेच बघत होती. तिच्या डोळ्यात तेच अनोळखी भाव होते…. करण तिच्यासाठी कोणीच नव्हता.

करणने सगळ्यांसाठी ड्रिंक्स बनवले आणि तो सोफ्यावर जाऊन बसला. थोड्याच वेळात शैला बाहेर आली, बार-टेबलावरचे ड्रिंक उचलले आणि शेखरच्या जवळ जाऊन बसली.

“चिअर्स डार्लिंग..”, हातातला ग्लास शेखरच्या ग्लासला चिकटवत शैला म्हणाली आणि तिने शेखरच्या गालावर एक चुंबन दिले

करणला तिने पूर्ण इग्नोर केले होते, जणू काही तो इथेही नव्हताच.

“ऑल सेट?”, शेखरच्या लैपटॉपकडे बघत शैला म्हणाली
“येस्स, आय एम डाईंग टू. खूप काही साठलंय डोक्यात, कधी एकदा लिहायला सुरुवात करतो असं झालंय.”, शेखर ड्रिंक्सचे घुटके घेत म्हणाला
“मेक इट बिग, मेक इट मैजिकल”, शेखरच्या केसांतून हात फिरवत शैला म्हणाली

शैलाची ही शेखरशी अनपेक्षित जवळीक करणला सहन होत नव्हती. खरं तर ते दोघे नवरा-बायकोच होते, पण करणला का कुणास ठाऊक जळफळाट होत होता.

“ऑफकोर्स आय विल. ”
“उद्यापासून काही दिवस माझा मुक्काम आतल्या बेडरूम मध्ये, मला कुठल्याही प्रकारचा डिस्टर्बन्स नकोय. मला काही हवं असेल तर मी स्वतःहून मागून घेईन, ठराविक वेळाने मला विचारायला यायची आवश्यकता नाही”, करण आणि शैलाकडे आलटून-पालटून बघत शेखर म्हणाला

करणने काही न बोलता मान डोलावली.

“करण बेडरूम मध्ये एक छोटा फ्रिज आहे. त्यात बिअर्स चे कॅन्स ठेवून दे. रामुकाकांनी चकण्याची एक वेगळी बॅग बनवली होती, ती, सिगारेट्स, पाण्याच्या बॉटल्स आतमध्येच न्हेऊन ठेव. पहिली पन्नास एक पान लिहून होईस्तोवर तरी मी बाहेर येणार नाही हे नक्की.”

करणने पुन्हा एकदा काही न बोलता मान डोलावली.

बाहेरची हवा स्तब्ध झाली होती, वारा पडला होता त्यामुळे झाडांच्या सळसळीचा होणारा आवाजही थांबला होता. त्या निर्जन भागात ती शांतता अंगावर येत होती.

“पाऊस येणार बहुतेक”, हातातला ग्लास रिकामा करत शेखर म्हणाला
“अजून भरू?” शेजारची बाटली उचलत करण म्हणाला

“अं, नको, उद्यापासुनची रात्र माझी एकट्याचीच असणारे आहे, हा विचार करता निदान आजची रात्र तरी माझ्या बायकोबरोबर जास्तीत जास्त घालवणे योग्य ठरेल, काय विचार आहे?”, शैलाकडे सूचक नजरेने बघत शेखर म्हणाला

“तुला ना, कारणच पाहिजे, चल आवर आणि ये झोपायला”, आपला ग्लास उचलत शैला म्हणाली

मगाशी बॅगा ठेवताना करणने ती मोठ्ठी बेडरूम आणि त्यातील तो किंग-साईज बेड बघितला होता. त्यावर पसरलेली उंची, मलमलीची गुबगुबीत पांघरूण आणि त्यामध्ये एकमेकांना लपेटून झोपलेले नग्न शेखर-शैला त्याच्या नजरेसमोर तरळून गेले.

काहीसं चिडून त्यानेही आपला ग्लास बॉटम्स अप केला आणि एकदा सुरक्षेच्या दृष्टीने बाहेरची पाहणी करून येतो म्हणून तो बंगल्याच्या बाहेर पडला. पहिली काही मिनिटं तो वाट फुटेल तसा चालत होता. त्याच्या डोक्यात विचारांचं कल्लोळ उठले होते.

“काय आवडलं असेल शैलाला शेखरमध्ये?”
“त्याचं लेखन? मला नाही वाटतं. शैला पुस्तक वगैरे वाचत असेल हेच मुळी मला नाही पटत”
“मग? त्याला मिळणारी प्रसिद्धी? अमाप पैसा?”

“कदाचीत, कदाचीत काय, नक्कीच. शेखर काही कोणी राजबिंडा तरुण नव्हता कि त्याच्या रूपावर कोणी भुलावं, आणि ते पण शैलासारख्या फटाकड्या तरुणीने? शक्यच नाही. त्यात ह्यांच्यासारख्या अजागळ माणसाकडून तिला शरीर-सुख मिळण्याची शक्यताही नगण्यच, कदाचीत म्हणूनच मगाशी ती त्या केबिनमध्ये करणकडे आकृष्ट झाली. मग, जर का हे एकदा होऊ शकते, तर.. तर परतही होऊ शकते. ”

करणने नकळत आपल्या शर्टची कॉलर ताठ केली.

करणला शैला हवी होती, त्याच्या जवळ, त्याच्या मिठीमध्ये, त्याच्या बेडमध्ये. तिच्या स्पर्शासाठी करणच्या शरीराचा स्नायूं-स्नायू आसुसला होता.
नदीच्या मंद लाटा खडकावर हळुवार आदळत होत्या. कारण तिथल्याच एका खडकावर पाण्यात पाय सोडून बसला. थंड पाण्याचा पायाला स्पर्श होताच करण जरा शांत झाला. काही तासांच्या ओळखीनेच शैलाने त्याला पार वेड करून सोडलं होत. तिचा विचार काही केल्या त्याच्या डोक्यातून जात नव्हता आणि नकळत का होईना तो शेखरचा तिरस्कार करू लागला होता. एक पैसा सोडला तर आपण त्या बुजगावण्या शेखरपेक्षा कित्तेक पट्टीने भारी आहोत हे त्याचे मन त्याला आक्रन्दून सांगत होते.

“थोडा धीर धर करण, थोडा धीर धर. आजचा तर पहिलाच दिवस होता आणि शैला काही सेकंदांसाठी का होईना आपल्या मिठीत होती. ज्यासाठी कित्तेक तरुण आसुसले असतील ते तिचे ओठ आपल्या ओठांवर टेकलेले होते. थोडे कार्ड्स निट खेळले तर सगळं काही मनासारखं जमून येऊ शकते”, करण स्वतःला समजावत होता. शेखर त्याच्या खोलीत बंद असताना त्याला काहीशी मोकळीक मिळणार होती आणि त्यावेळी कसं वागायचं, काय बोलायचं, शैलाला कसं इंप्रेस करायचं ह्याची दिवा स्वप्न बघण्यात तो रममाण होऊन गेला.

आकाशात कडाडकन एक वीज चमकली तसा करण भानावर आला. करणने आजूबाजूला बघितले. तो बंगल्यापासून खूप दूर निघून आला होता. आजूबाजूला घनदाट जंगल होते. त्याने पटकन घड्याळात नजर टाकली, पाऊण-एक तास सहज उलटून गेला होता. करणला अचानक आपल्या जबाबदारीची जाणीव झाली. शेखरला सुरक्षित ठेवणे हे त्याचे प्रमुख ध्येय होते आणि आत्ता करण तेथे नव्हता, शेखर एकटाच होता.

नकळत करणंचा हात पॅन्टच्या मागच्या खिश्याकडे गेला आणि त्याला दुसरा धक्का बसला. तो आपलं रिव्हॉल्व्हर त्याच्या खोलीतच विसरून आला होता. करण माघारी वळला आणि जिवाच्या आकांताने वेगाने बंगल्याकडे पळत सुटला.

बंगल्यापर्यंत पोहोचेस्तोवर तो घामाने निथळून निघाला होता. बंगला एव्हाना पूर्ण अंधारात बुडून गेला होता. शेखर-शैलाच्या बेडरूममधला दिवा सुद्धा मालवलेला होता. करणने हळूच दार उघडले आणि तो चोर पावलांनी आतमध्ये आला व हळूच दार लावून घेतले.

कित्तीतरी वेळ तो भिंतीला टेकून परिस्थितीचा अंदाज घेत होता. त्याचे कान कुठलाही बारीकसा आवाज टिपण्यासाठी आसुसलेले होते. परंतु सर्वत्र शांतताच होती. हॉलमध्ये कोणी नाही ह्याची खात्री होताच करण भिंतीला लागून पुढे सरकला. प्रथम तो शैला-शेखरच्या खोलीजवळ गेला आणि त्याने दरवाज्याला कान लावले.

आतूनही कसलाच आवाज होत नव्हता. अगदीच काळजीपूर्वक ऐकल्यावर शेखरच्या वजनदार श्वासोत्छ्वासाचा मंद आवाज कानी पडला.

समाधानाने करण माघारी वळला आणि तो आपल्या खोलीकडे आला आणि अचानक त्याच्यातला सिक्स्थ-सेन्स जागा झाला. त्याची खोली नक्कीच रिकामी नव्हती. करण व्यतिरिक्त नक्कीच त्या खोलीत दुसरे कोणीतरी होते. करणचे स्नायू आकसले गेले, मानेवरचे केस टेन्शनने उभे राहिले.

करण भिंतीला चिकटून उभा होता.

“सक.. सक..” असा काही अंतरावरून ठरावीक अंतराने आवाज येत होता.

करण हळूच दिव्याच्या बटनाजवळ सरकला आणि त्याने लाईटचे बटन दाबले.

समोरचे दृश्य बघून तो काही काळ थिजूनच गेला. त्याच्यासमोर पाठमोरी शैला उभी होती, तिच्या हातात किचेनमधला एक चाकू होता आणि यांत्रिक पद्धतीने ती तो चाकू करणच्या बेडवर मारत होती. बेडवरच्या गाडीच्या पार चिंधड्या झाल्या होत्या.

करण तिच्या अंगावर धावून जाणार होता एव्हढ्यात शैलाने चाकू मारणे थांबवले आणि ती माघारी वळली.

करणला पुन्हा एक धक्का बसला. शैलाचे डोळे बंद होते, तिचा चेहरा कमालीचा शांत होता.

एखादा रोबोट चालावा तश्या प्रकारे शैला चालत चालत करणच्या शेजारून निघून गेली…. तिला तिथे करण असल्याची यत्किंचितही जाणीव नव्हती. शैला झोपेत चालत होती.

बऱ्याच वेळ करण शैला गेली त्या दिशेकडे बघत होता. शैला आपल्या खोलीत गेल्याची खात्री होताच करणने आपल्या बेडकडे बघितले. चाकू मारून मारून शैलाने त्याच्या उशीची लक्तर काढली होती. उशीतला कापूस बेडभर पसरला होता.

करणने एक मोठ्ठा आवंढा गिळला. मगाशी बाहेर न जाता करण सरळ त्याच्या खोलीत येऊन झोपला असता… तर….. ???

करणने सावकाश खोलीचे दार लावून घेतले, घट्ट कडी लावली आणि आपल्या बेडवर येऊन झोपला.

करणची झोप मोडली ती दारावर जोरात वाजणाऱ्या थापेच्या आवाजाने. करण दचकून जागा झाला, उशीखाली ठेवलेले रिव्हॉल्व्हर उचलून खिश्यात ठेवले आणि त्याने बेडरूमचे दार उघडले.

समोर शैला उभी होती.

भीतीने तिचा चेहरा पांढरा फटक पडला होता. कपाळावर मानेवर घर्मबिंदू जमा झाले होते.
करणने दार उघडताच जणू एखादे भूत बघितल्यासारखे ती करणकडे बघत उभी राहिली.

तिला असे घाबरलेले बघताच करणच्या पायाखालची जमीनच सरकली.

“शेखरना तर काही झाले नसेल?”, क्षणार्धात त्याच्या मनात विचार तरळून गेला.

“मॅम.. काय झालं?” करणने विचारले
शैला अजूनही अविश्वासाने करणकडे बघत होती

“मॅम, इज एव्हरीथिंग ऑलराइट? इज.. इज शेखर ऑलराइट?”, करणेने शैलाला हलवत विचारले

“येस्स, येस्स, हि इज ऑलराइट… आर यु ऑलराइट?”, शैलाने विचारले
“येस्स, मी ठीक आहे? काय झालंय?”, करण

शैलाने काही न बोलता करणला बाजूला केले आणि ती बेडरूममध्ये शिरली, पाठोपाठ करणंही आतमध्ये आला. शैला त्याच्या बेडसमोर आपले दोन्ही हाताचे तळवे छातीवर दाबून ठेवून उभी होती. समोर करणची गादी, उशी फाटलेल्या अवस्थेत विखुरली होती, गादीतला कापूस खोलीत इतरत्र पसरला होता.

ते दृश्य बघून शैलाचे डोळे विस्फारले गेले होते.

“करण .. आय.. आय.. “, तिच्या तोंडातून शब्दच फुटत नव्हते

करणने तिला हाताला धरून गादीवर बसवले आणि पाणी प्यायला दिले.

“शैला, यु डोन्ट हैव टू एक्सप्लेन. मला माहिते तू हे मुद्दाम केले नाहीस, तू झोपेत चालत होतीस, पाहिलेय मी ते”, करण तिला समजावण्याच्या सुरात म्हणाला
“अरे पण.. काय होऊन बसले असते हे.. मी झोपेत जे काय करते ते मला जणू रात्री स्वप्नाच्या रूपात घडलेय असे सकाळी आठवते. मला सकाळी जाग आली आणि हे स्वप्न आठवले.. यु शुअर यु आर नॉट हर्ट ?”, शैला आता थोडी भानावर आली होती.
“अज्जीबात नाही, मी अगदी ठणठणीत आहे”, करण आपले हात पाय पुढे करत शैलाला म्हणाला

“करण, तू प्लिज जा इथून, परत माझ्या हातून असे काही घडण्यापेक्षा?”, शैला अचानक गादीवरून उठली आणि करणची बॅग भरत म्हणाली .
“इट्स ओके, डोन्ट वरी, माझी काळजी घ्यायला मी समर्थ आहे, ह्यापुढे झोपताना मी दार घट्ट लावून झोपत जाईन”, शैलाला थांबवत करण म्हणाला
“नाही करण, आय इन्सिस्ट, मी तुझे पूर्ण ३ महिन्यांचे पगाराचे पैसे देते, तुझं नुकसान होणार नाही, पण प्लिज जा इथून. हे.. हे एकदा झालंय तर पुन्हा सुध्दा होऊ शकतं”, करणला बाजूला ढकलत शैला म्हणाली

त्या परिस्थितीही करणला शैलाच हसू येत होते.

“पण तू मला का मारायला आली होतीस?”, आपलं हसू दाबण्याचा प्रयत्न करत करण म्हणाला
“मी.. कुणावर खूप चिडले असले कि असं करते”, शैला म्हणाली
“ओह.. पण तू का माझ्यावर इतकी चिडली होतीस?”
“काल, दुपारी तिकडे केबिन मध्ये जे झालं ते.. आणि त्यानंतरही संध्याकाळी तू माझ्याकडे कसा बघत होतास, तुला काय वाटलं माझं लक्ष नव्हते तुझ्याकडे?”

करण क्षणभर वरमला, पण त्याच्या लगेच लक्षात आले कि शैलाच हा राग आत्ता तरी खरा नव्हता, उलट तिला कदाचित करणच तिच्याकडे वारंवार बघणं आवडलं होतं.

“एनीवेज, आय एम रिअली सॉरी, पण तू काळजी म्हणून खोलीची कडी लावून घेत जा.. “, शैला खोलीच्या बाहेर पडली, “आणि हो, ब्रेकफास्टचं बघ पटकन, शेखर उठतील आत्ता ” असं म्हणून शैला निघून गेली

करण काही क्षण शैला गेली त्या दिशेने पहात राहिला आणि मग खांदे उडवून हसत स्वतःशीच म्हणाला, “च्यायला डेंजर बाई आहे, एके दिवशी झोपेत त्या शेखरलाच मारायची राग-बिग आला तर..”

पुढचा अर्धा दिवस करणसाठी खूपच गडबडीचा गेला. घरातलं सगळंच नवीन असल्याने सकाळचा नाश्ता करायला त्याला कसरत पडायला लागली पण अचानकपणे शैला किचेन मध्ये आली आणि तिने करणला बरीच मदत केली. करणने शक्यतो तिच्याकडे पाहण्याचं टाळण्याचा प्रयत्न केला, पण तिच्याकडे दुर्लक्ष करणं केवळ अशक्य आहे हे त्याच्या लक्षात आले तसे त्याने तो नाद सोडून दिला.

करणला वाटलं होतं त्यापेक्षा शैलाचा स्वयंपाकघरातला वावर सहज होता. गॅस लावणे, युटेन्सिल्सचा वापर, जिन्नसांचे प्रमाण एखाद्या अनुभवी गृहिणीसारखे होते.

“काय बघतोएस?”, अचानक शैलाने करणला विचारले
“मला वाटलं नव्हतं तुला स्वयंपाकातलं काही येत असेल..”, हातातली दोन अंडी फोडून तव्यावर टाकत करण म्हणाला
“का?”, शैलाने हातातले काम थांबवले आणि केसांचा पोनी बांधत विचारले
“नाही म्हणजे, तुझ्या हाताखाली इतकी लोक असताना तुला कशाला स्वयंपाक घरात काम करायची गरज पडतीय”
“ते आत्ता, लग्नानंतर. लग्नाआधी मी वेट्रेसची पण काम केली आहेत..”, हसत शैला म्हणाली
“सिरियसली? मग शेखर आणि तु?”

करण नकळत शैलाच्या बाबतीत एकेरीवर आला होता.

“सांगीन परत कधी. जा शेखर बाहेर गार्डन मध्ये बसलेत, ब्रेकफास्ट घेऊन जा त्यांना.. मी ज्युस घेऊन येते”,
करण ब्रेकफास्ट घेऊन बाहेर गेला तेंव्हा शेखर लेक शेजारील एका खडकावर पाण्यात पाय सोडून बसले होते. करणने ब्रेकफास्ट टेबलावर मांडला आणि तो शेखरच्या शेजारी जाऊन उभा राहीला.

“काही म्हण करण, पण जादू आहे ह्या जागेत. अर्धा तासच झाला असेल इथे बसून, पण डोकं असं चालायला लागलंय नां, पहिल्या एपिसोडची कॉन्सेप्ट तयार पण झाली. आता पटकन आंघोळ करून घेतो आणि बसतो लिहायला.”, खडकावरून उठत शेखर म्हणाले

“सर ब्रेकफास्ट रेडी आहे.”, करण पटकन गार्डन मधील टेबलापाशी जात म्हणाला

“ब्रेकफास्ट? छे छे, आता त्याला वेळ नाही. एक काम कर, तु ब्रेकफास्ट खोलीतच पाठवून दे”, करणच्या उत्तराची वाट न बघता शेखर आत मध्ये निघुन सुद्धा गेले.

“आज शेखर खूप खुश होणारे, त्याच्या आवडीचं हाल्फ फ्राय केलंय विथ मॅकडीचा पेरी पेरी मसाला….”, थोड्याच वेळात आतून ट्रे घेऊन येत शैला म्हणाली.

“हे काय? शेखर कुठेत?” बाहेर करणला एकट्यालाच बघून शैला म्हणाली
“त्यांना मस्त मुड लागलाय स्टोरीचा, ते गेले खोलीत निघून, ब्रेकफास्ट नकोच म्हणत होते, मग खोलीतच पाठवून दे म्हणाले”, करण

शैलाने काही न बोलता ट्रे टेबलावर ठेवून दिला. तिला आलेला राग तिच्या चेहऱ्यावर दिसून येत होता. करणने काही न बोलता ब्रेकफास्टचा तो ट्रे उचलला आणि तो शेखरच्या खोलीकडे निघून गेला.

करणं बाहेर आला तेंव्हा शैलाने आपला मुड सावरला होता आणि ऑम्लेट बटर लावलेल्या ब्रेडमध्ये सँडविच करून खायला सुरुवात केली होती. करणंही समोरची खुर्ची ओढून ब्रेकफास्ट करायला बसला.

काही वेळ शांततेत गेल्यावर शैला म्हणाली, “शेखर म्हणतो ह्या जागेत जादू आहे. इथे आला की त्याची अडलेली कथा वेगाने पुढे सरकु लागते, मग तो आपल्याच विश्वात रममाण होतो. असो, आजपर्यंत आम्ही आलो तेंव्हा रामुकाकाच असायचे बरोबर, निदान आता तू तरी आहेस. शेखरकडून वेगळी अपेक्षा करण्यातही अर्थ नाही. चल मी तुला प्रॉपर्टी फिरवते”, असं म्हणून शैला उठली.

करणचा ब्रेकफास्ट खरं तर व्हायचा होता, पण शैलाबरोबर जाण्याचा मोह वेगळाच होता, शिवाय त्याला आजुबाजुचा परिसरही अभ्यासायचा होताच. लपून-छपून करण्यापेक्षा हा पर्याय चांगला होता. त्याने पटकन एक सँडविच उचलले आणि तो शैलाबरोबर चालू लागला.

“साधारणपणे साडेपाच वर्षांपूर्वी शेखरचे पहिले सस्पेन्स-थ्रिलर पुस्तक हिट झाले त्यावेळी शेखरने हि जागा घेतली होती. आणि मग हळूहळू करत इथे बांधकाम करून हा व्हिला उभा राहिला.”, शैला बोलता बोलता आजूबाजूची बाग, व्हिलाची मागची बाजू आणि परिसर करणला दाखवत होती.

“…आणि हा रस्ता कुठे जातो?”, व्हिलाला जोडणाऱ्या त्या एकमेव रस्त्याकडे बोट दाखवत करण म्हणाला

“चल जाऊ तिकडे, खूप मस्त वाटतं, गर्द झाडी आहे, छान गार असते एकदम” शैला आनंदाने म्हणाली. मागच्या दोन्ही वेळी शेखर तर आले नाहीतच बरोबर, पण मला पण एकटीने जाऊ दिलं नाही… म्हणे वन्य प्राणी असतील”, शैला बोलताबोलता त्या रस्त्याने चालू लागली.

बऱ्यापैकी पुढे गेल्यावर शैला म्हणाली तसं खरंच हवेतला गारवा वाढला होता. दाट झाडीमुळे सूर्यप्रकाशही कमीच येत होता. साधारणपणे एक किलोमीटर चालल्यावर एकाबाजूला थोडीशी मोकळी जागा होती आणि काही मोठेमोठे दगड. शैला एका दगडाला टेकून थांबली.

“तुझी आणि शेखरची ओळख कशी झाली? तू म्हणालीस सकाळी तू हॉटेलच्या किचनमध्ये पण काम केले आहेस!”, शेखरने विचारले

“मी मुंबईला एका पब मध्ये होते कामाला, शेखर तिथे यायचे त्यांच्या मित्रांबरोबर. खूप हॉट होता त्यावेळी दिसायला”, शैला

करणने नकळत डोळे आश्चर्याने मोठे केले तसं शैला मनापासून हसली. तिने आपल्या मोबाईलची फोटो गॅलरी उघडली आणि शेखरचा जुना फोटो करणला दाखवला

“डोन्ट टेल मी, हे शेखर आहेत?”, करण डोळे विस्फारून मोबाईलवरच्या त्या फोटोकडे बघत होता. साधारण तिशीच्या आसपासच्या एका हँडसम तरुणाचा तो फोटो होता. जिम करून कमावलेले शरीर, कर्व्हड बायसेप्स, गोरापान चेहरा, अंगावर उंची कपडे, आणि कुणालाही भुरळ पडावी असे हास्य…

“विश्वास नाही ना बसत? हार्लेवरून यायचा तो पबमध्ये. पुस्तक क्षेत्रात नुकतेच नाव होऊ लागले होते, खानदानी श्रीमती होतीच. मलाच काय पण पबमध्ये काम करणाऱ्या प्रत्येक मुलीला तो आवडायचा. शेखर माझ्यापेक्षा दहा-अकरा वर्षांनी मोठे, पण तरीही तेंव्हा खूप यंग वाटायचे. आमची हेड-वेट्रेस, टीना, तर जाम फिदा होती त्याच्यावर, तो आला की हीच नेहमी झुलत झुलत जायची त्याच्या टेबलापाशी. मुद्दाम त्याच्याशी लगट करायची, उगाच काय हसायची काय, मुद्दाम त्याच्या समोर वाकायची काय, काही विचारू नकोस. पण हे सर्व चालू असताना त्याची आणि माझी नजरानजर व्हायची. आधी योगायोगानेच, पण नंतर नंतर नेहमीच व्हायला लागली.

त्या दिवशी टीना आली नव्हती, मी काम संपवून पार्किंग मध्ये गाडी काढायला गेले तर हा तिथेच उभा होता, माझ्याकडे बघत. मला माहीत होतं तो माझ्यासाठीच थांबला होता. मी सरळ त्याच्याजवळ गेले, त्याने गाडी सुरु केली आणि मी काही न बोलता त्याच्या मागे बसले. त्या रात्री आम्ही खूप फिरलो त्याच्या हार्ले वरून. मला आधी वाटलं हा मला वन नाईट स्टॅन्ड साठी विचारेल, कुठल्याश्या हॉटेल मध्ये जाऊ म्हणेल, पण तसं काहीच झालं नाही. आम्ही जणू खूप वर्षांची ओळख असल्यासारखं फिरलो, खूप गप्पा मारल्या, रस्त्यावरच्या गाड्यांवरच खाल्लं. मस्तच रात्र होती ती.

शेखरशी माझी जवळीक मला अनेक अर्थाने लकी ठरली. दुसऱ्या दिवसापासून टीना आलीच नाही, न सांगताच नोकरी सोडून निघून गेली. आठ्वड्याभरातच मला प्रमोशन मिळालं, टिनाच्या जागेवर. माझ्या आणि शेखरच्या गाठींभेटीही नंतर वाढल्या. नकळत आम्ही एकमेकांच्या प्रेमात पडलो. “.

“लग्नानंतर मात्र शेखर खूप बदलला. जसंजशी त्याला प्रसिद्धी मिळू लागली तसंतसा तो माझ्यापासून दूर गेला. मध्येच कधीतरी त्याला थायरॉईड निघाला आणि पूर्वीचा तो हँडसम हंक चारही बाजूने वाढू लागला. पुस्तकांच्या पब्लिशिंग डेटची डेडलाईन, त्यात त्याची दारुशी वाढलेली जवळीक आणि वर्कआऊटचा पत्ता नाही. पूर्वीचा तो देखणा शेखर कधी हा असा बेढब झाला ते त्याचं त्याला कळलंच नाही. आणि जेंव्हा कळालं तेंव्हा खूप उशीर झाला होता. हां, नाही म्हणायला त्याने थोडेफार प्रयत्न केले, पण फारसा फरक पडला नाही. हळुहळु त्यालाच त्याच्या शरीराची लाज वाटू लागली आणि आमच्यात क्वचीत घडणारे शरीर संबंधही बंद झाले…”, शैला सांगत होती

करणंच मात्र त्यांच्या प्रेम कहाणीतून केंव्हाच लक्ष उडालं होत. तो मोहीत झाल्यासारखा शैलाकडे, तिच्या शरीराकडे बघत होता. आकाशातला सूर्य ढगांआड गेला होता, मळभ पडलं होतं आणि गार वारा सुटला होता.

“ए, कुठे हरवलास?”, करणंच लक्ष नाही बघून शैला म्हणाली, “सॉरी, बोअर केलं का? एनिवेज सोड, तुला एक सिक्रेट दाखवते”, असं म्हणून शैला चालू लागली.

ती मोकळी जागा मागे पडून पुन्हा दाट झाडी सुरु झाली होती. पालापाचोळा, अर्धवट तुटून पडलेल्या झाडांच्या फांद्या, काटेरी झावळ्या, निसरडी दगड ह्यामुळे चालायला अवघड होत होतं. करणला अचानक शेखर तिकडे घरात एकटेच आहेत ह्याची जाणीव झाली.

“अजून ५ मिनीटं, बघू शैला काय दाखवतीय, नाहीतर परत फिरायचं..”, ह्या विचारानं करण तिच्या मागे चालत राहिला.

दोन एक मिनिटं चालल्यावर करणला शैला जे सिक्रेट म्हणत होती ती गोष्ट दिसली. झुडपांच्या आड एक छोटी लाकडांची बनवलेली छोटी खोली होती. दार अर्धवट तुटलेले होते, खिडक्यांच्या काचा फुटलेल्या होत्या ह्यावरून तिथे कोणी रहात नव्हते हे करणने ताडले.

“इथं कसलं आलंय सिक्रेट?”, खोलीत अर्धवट तुटलेल्या समानाकडे बघत करणने विचारले. एक मोडलेलं टेबल, उलट्या-पालट्या पडलेल्या 2 खुर्च्या, स्पंज/स्प्रिंग्स निघालेला एक अती-काळाकुट्ट सोफा, फुटलेल्या ट्युबलाइट्स, काही फोटो फ्रेम्स आणि असंच काही भंगार ह्या व्यतिरिक्त तिथे काहीच नव्हतं.

“हे माझं आणि शेखरचं लव्ह नेस्ट होतं”, शैला एका टेबलावरची धूळ फुकरीनें उडवत म्हणाली
“हे? असलं छाडमाड? ते तिकडे इतके सुंदर घर कश्यासाठी आहे मग?”, न कळुन करण म्हणाला

“अरे ते आहेच रे. एकदा काय झालं, मी आणि शेखर असंच फिरत फिरत ह्या बाजूला आलो होतो, तेंव्हा आम्हाला हि केबिन सापडली. असलं भारी वाटत होतं ना, असं अडबाजूला, दूर दूर पर्यंत दुसरं कोणीच नाही…. एकदम वाईल्ड… दोघांनाही एकदम फिलिंग आलं… ह्या इथेच, ह्याच टेबलावर आम्ही पहिल्यांदा केलं”, हसत हसत शैला म्हणाली

“डोन्ट टेल मी… सिरियसली?”, करण
“हो तर, आणि मग आम्हाला ती सवयच झाली. बरोबर रामुकाका असायचे, सो दिवसा तिकडे काही करता यायचं नाही, मग आम्ही इकडे येऊन करायचो.”, शैला करण कडे रोखून बघत म्हणली

तिची बदललेली नजर आणि त्याचा अर्थ न कळण्या इतपत करण दुधखुळा नव्हता. हीच नजर त्याने आदल्याच दिवशी त्या गॅरेज मध्ये बघितली होती.

तो तिच्या डोळ्यांवरची नजर न हटवता तिच्या जवळ गेला, आपला हात श्वासोत्सवासाने वर खाली होणाऱ्या तिच्या उरोजांवर ठेवला. शैलाने सुखाने डोळे मिटून त्याला मूक संमती दर्शवली. करणने दुसरा हात तिच्या कमरेवर ठेवला, तिला जवळ ओढले आणि आपले ओठ तिच्या आसुसलेल्या ओठांवर टेकवले. ह्यावेळी कसलाही विरोध न करता शैलानेही आवेगाने त्याचे चुंबन घेतले.

काही क्षणातच दोघेही पूर्णपणे विवस्त्र झाले होते. करण स्तंभीत होऊन तिच्या नग्न शरीरावरुन नजर फिरवत होता. जिम करून एखादा अवयव सोडा, प्रत्येक मसल न मसल टोन केलेला वाटत होता.

करण समागमासाठी पुढे सरसावला तसे शैलाने त्याला थांबवले आणि म्हणाली, “वेडा आहेस का? आपण निदान दीड-दोन महिने तरी इथे असू, आणि माझाकडे बर्थ कंट्रोल पिल्स नाहीयेत, युज कोंडोंम”

“मी काय खिश्यात कायम काँडोम ठेवून फिरणारा प्लेबॉय वागलो का तुला? माझ्याकडे नाहीये?, हसत हसत करण म्हणाला

“ओह, मग मी काय तुला, येण्याजाणाऱ्या प्रत्येकाबरोबर बेडमध्ये झोपणारी वाटले का? तू नुसतं माझ्याकडे नाहीए इतकंच म्हणू शकला असतास”, आपले विस्कटलेल्या केसांचा निट पोनी बांधत शैला म्हणाली

“हे बघ, मला तसं नव्हतं म्हणायचं, आय एम सॉरी”, करण सारवासारव करत म्हणला. पण एव्हाना शैलाने कपडे घातले होते.

“नो, आय एम सॉरी, तू एक क्षुल्लक नोकर आहेस हे मी विसरलेच होते. मी जातेय, शेखर एकटेच असतील”, असं म्हणून शैला गेली सुध्दा….

करणनेही पटकन कपडे चढवले आणि तो तिच्यामागे धावला. पण त्याला वाटले त्यापेक्षा शैला खूप पुढे निघून गेली होती, तो बंगल्यावर पोहोचेपर्यंत ती आत सुद्धा गेली होती त्यामुळे तिला समजावण्याचे विचार त्याला मनातून काढून टाकावे लागले.

करण हॉलमध्ये गेला तेंव्हा शेखर हॉलमध्येच बसले होते, बहुदा शैला आधीच धावत धावत आली होती आणि आता तिच्या मागोमाग करणला धावत आलेला पाहून शेखर म्हणाले, “अरे काय झालं रे, दोघे असं पळत का आलात?”

“वर्क-आऊट, मस्त हवा होती बाहेर म्हणून पळायला गेलो होतो”, सारवासारव करत म्हणाला

शेखर एका मोठ्या प्लॅस्टिक च्या भांड्यात ज्युसी चिकन तंदूर घेऊन बसले होते, त्यावर लावलेल्या सॉस मुळे सगळे तोंड भरले होते. तंदूर चा एक मोठ्ठा पिस तोंडात टाकला, उलट्या हाताने ओठांवरील सॉस पुसला आणि शेखर म्हणाले, “कुठल्या बाजूला गेला होतात? शैला ने सिक्रेट केबिन दाखवली कि नाही” आणि तोंडातला तो अर्धवट खाल्लेला पीस दाखवत खो खो हसले

शैलाने एकवार रागाने करणकडे बघितले आणि ती आतमध्ये निघून गेली.

शेखरने कोकचा एक ग्लास रिकामा केला आणि परत एक तंदूरचा पिस तोंडात टाकून करणला समोरच्या सेटीकडे बोट दाखवत बसायची खुण करत म्हणाले, “हवा चांगली पडलीय म्हणतोयस, पण मला तर उलट वाटतंय पाऊस येणारे, बघ ना मळभ पडल्यासारखं वाटतंय”

“हो म्हणूनच छान वाटतंय ऊन नसल्याने, छान गारवा झालाय, त्यात इथे इतकी झाडी त्यामुळे अजून थंड वाटतंय”, करणं

शेखरने एव्हाना शेवटचा पिसही तोंडात कोंबला होता. करणला शेखरची किळस वाटू लागली होती, पण त्याच्याकडे पर्याय नव्हता.

“तुमचं सुरु झालं का काम?”, करणने नजर दुसरीकडे फिरवत विचारले
“अरे तोच तर प्रॉब्लेम झालाय म्हणून तुझी वाट बघत होतो”, शेखर
“प्रॉब्लेम? का? काय झालं?”
“अरे काय सांगू, मूर्खपणा माझा, लॅपटॉप आणला मी आणि चार्जर घरीच राहिला.”, शेखर म्हणाला

एव्हाना शैला चेंज करून बाहेर आली होती, “आमच्या मॅडमच तर काही लक्ष नसते, आमचंच आम्हाला बघावं लागतं सगळं”, शैलाकडे बघत टॉन्ट मारत शेखर म्हणाला

“अरे बापरे.. मग? आता?”, करण
“काही नाही, इथे जवळच गाव आहे, तिथे आहे अँपलचे स्टोअर, मी मगाशीच ऍड्रेस शोधून ठेवलाय. चार्जर पण आहे त्यांच्याकडे उपलब्ध, तुला फक्त घेऊन यावा लागेल”, शेखर

“हो आणतो कि, पण पत्ता नीटसा कळला असता म्हणजे बरं झालं असतं”, करण उभा रहात म्हणाला
“तसा सोप्पा आहे, लॉंच घेऊन पलीकडे जा, मग आपली गाडी घेऊन आपण आलो ना, इकडे वळलो आपण ते न वळता उजवीकडे सरळ जा, ५-६ किलोमीटर वर तुला फाटा लागेल कापूरहोळ आणि दुसरा भोर गावात जाणारा. तो गावात जाणारा रस्ता पकड. गावात परत एक चौक लागतो, एक जिथे बाजार भरतो ना ?”

“मला कसं माहित असेल, मी पहिल्यांदाच आलोय.. बर इट्स ओके, मी विचारेन.. पुढे”, करण
“सोड, नाही सापडणार तुला लगेच, फार गल्ली बोळ आहेत. एक काम करतो का शैलाला घेऊन जा बरोबर”, शेखर अचानक म्हणाले

“शेखर प्लिज, मी… “, शैला
“प्लिज डार्लिंग”, शैलाच वाक्य मध्येच तोडत शेखर म्हणाले, “त्याला नाही सापडणार, आणि हे बघ, हे तंदूर आण अजून बोरावकेचे, मागच्या वेळी आपण आणले होते बघ ते दुकान, तुला आठवत असेल, आणि हा मंचुरियन सॉस, आणि प्लिज कोल्डड्रींक्स आण अजून फ्रिज मध्ये कमी आहे”,

शैलाला बहुदा हे नेहमीच होते, तिने ऐकल्या न ऐकल्यासारखे केले आणि ती आवरायला आत निघून गेली

“करणं, मी बोललोय त्यांच्याशी, तरीपण विचारलं तर मॅकबुक-प्रोचा चार्जर हवाय म्हणून सांग”

शेखरने करणला जुजबी माहिती दिली, चार्जर कसा असेल वगैरे सांगितले आणि मग टीव्ही वरचे कार्यक्रम बघण्यात मग्न होऊन गेले.

[क्रमशः ]